Yohana 3:27 - KITABU KITAKATIFU

²⁷ Yohana ya tivula na a vola, Mundu si a nyala kuvugula kindu na a ta hebwa ki twula migulu.

Yohana 3:27 ပူးပေါင်းရင်းမြစ်များ

Jeremia 1:5

Kutwula ni nkikiri kukulomba munda nda ku manya, kandi nu u kikiri kutwula munda nda ku takasa; nda ku vika u ve mprofeti kuprofetera avetsihiri.

Jeremia 17:16

Ku makuva gange, si nkoli bwangu kuleka kulonda ive nokuleka miyinzi gyange gyomwayi; kandi si nkayirwa lidiku lyekivi; ive u manya: yaga ga twula mu minwa gyange, ga li imbiri wommoni mumwo.

Amosi 7:15

na Yahova ya mbugula mu kyayo, na Yahova ya mbolera, Tsia, u profetere avandu vange Israeli.

Livalidza 17:5

Na ga la duka, impimbo yomundu uyu wa nda tovola i la sebuka: na nda heridza imbiri wange, limonya lya avana va Israeli, lya va monyanga mwinye.

Matayo 21:25

Libatidza lya Yohana, lya twula ha li ki? Lya twula mwigulu naho ku vandu? Navo va ganagana ni va volerana, Ni ku vola, Mwigulu; a la ku volera, Kigira ki mwa vula kumubugirira?

Matayo 25:15

Ya ha mulala vigero vitanu, na wundi viviri, na wundi kilala; sa mulala va hebwa kuli tsi ngulu tsvavo; na a tsia ulugendo lwilwe.

Marko 13:34

Ga veye kuli mundu a tsia lugendo mu kivala kindi, na a leka inyumba yeye, na a ha vatumekiri veve tsillgulu, na a ha vosi miyinzi gyavo na a ha u linda kiliango munwa a linde.

Yohana 10:41

Kandi avandu vanyingi va tsia kuye, ni va vola, Ligali Yohana si ya kola kilolekidzu, navutswa vindu vyosi vya Yohana ya vola ku mundu uyu vya li vyeligali.

Yohana 6:65

Kandi ya vola, Kigira yaga nda mu volera, Si ha veye nomundu u nyala kuudza ku inze, bugira Dada wange na a ta mu haani.

Varumi 1:5

Muye kwa nyola tsimbabasi nobutumwa, kuduka ku lihuiira lyelisuuvira mu tsihiri tsyosi, kigira lieta lilye;

Varumi 12:6

Kandi ku veye nevihaanwa lugano lugano kuli tsimbabasi tsya kwa hebwa, kinga liprofeta ku profete kuli kigero kyelisuuvira lyetu;

1 Vakorintho 1:1

Paulo, wa langwa kigira ubulaliri bwa Nyasaye kuva mutumwa wa Yesu Kristo, na Sosithene amitu wetu

1 Vakorintho 12:11

navutswa amakuva yaga gosi Roho zana a kolanga, nokugavulira vosi sa mulala lugano lugano kuli ga a yanza.

1 Vakorintho 15:10

Navutswa kigira tsimbabasi tsya Nyasaye mbeye kuli mbeye: kandi tsimbabasi tsitsye tsya nda hebwa si tsi veye tsya vutswa; navutswa inze nda kola miyinzi kuvita vosi: navutswa si ya li inze, navutswa tsimba basi tsya Nyasaye tsya li halala na inze.

1 Vakorintho 3:5

Kunangwa Apolo nibwaha? Na Paulo nibwaha? Va veye avatumwa ava mwa nyolira ku lisuuvira; sa mulala kuli Mwami ya mu ha.

1 Vakorintho 4:7

Kigira nibwaha wavukannya ive? Kandi u veye na kindu ki kya wa vula kuhebwa? Navutswa ive nu u va ni wa hebwa wiidzominyira ki kuli wa vula kuhebwa?

Vagalatia 1:1

Paulo, mutumwa (si bwa twula ku vandu, kandi si bwa li ku mundu, navutswa bwa li ku Yesu Kristo, noku Nyasaye Dada, wa mu simugukidza kutwula mu vakudzu)

Vafeso 1:1

Paulo, mutumwa wa Kristo Yesu ku bulaliri bwa Nyasaye, ibaruua yange yiyi i duke ku vatakatifu ava veye mu Efeso, kandi ku avasuuvirifu mu Kristo Yesu;

1 Timoteo 2:7

lya inze nda vikwa kuva mwilwadzi kandi kuva mutumwa walyo (mbola ageligali, si mbehanga) mwegidzi we Tsihiri mu lisuuvira nomu ageligali.

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.