Yohana 21:25 - KITABU KITAKATIFU

²⁵ Kandi Yesu ya kola vindu vinyingi vindi, yivi ni vi ng'odwa vyosi si kilala, nganagana kali lirova lyene li la geha ha vi vikwa vitabu zana.

Yohana 21:25 ပူးပေါင်းရင်းမြစ်များ

Ayubu 26:14

Henza, yitsi ni litanga vutswa lyetsinzira tsitsye: Navutswa nasindi limonya likekeke lya ku huliranga mmakuva gege Navutswa ni bwaha u nyala kumanya lihirigana lyetsingulu tsitsye?

Zaburi 40:5

O Yahova Nyasaye wange, miyinzi gyokugenya gya u koli gyi veye minyingi, Na tsiganagani tsitsyo itsi veye ku kwinye: Si tsi nyala kuvalidzwa ku ive; Ni mba ni nyenya kutsigamba no kutsivola, Tsi veye tsinyingi kuduka tsi ta nyala kuvalidzwa.

Zaburi 71:15

Munwa gwange gu la vola ubulungi bubwo, Kandi ubuhonnyi bubwo lidiku lyosi bei; Kigira si manya livalidzwa lyabuo.

Kohelethu 12:12

Kandi, kuvita yaga, mwana wange, u bugirire ligondokirwa: mu makuva gokulomba vitabu vinyingi si ha veye nekiheri; nokusomerera ku luhidzanga mubiri.

Amosi 7:10

Kunangwa Amazia musalisi wa Beth-eli ya tuma avandu ku Jeroboam mwami wa Israeli, na a vola, Amosi u ku koleye tsimbemba hagati ha inyumba ya Israeli: na kivala si ki nyala kuginga makuva gege gosi.

Matayo 11:5

vaboku va hebwa kulola, navaleema va genda, navagere va honnywa, navahana amatu va hulira navakudzu va simugukidzwa, navadaka vilwadzirwa ivangeli.

Matayo 19:24

Kandi mmu volera, Nu bwangu ing'amia kuvita muluhu gwesindani, kusira mutugi kwingira mu bwami bwa Nyasaye.

Marko 5:16

Navo va lolanga va va volera aga kolwa ku mundu wa amademone ga gumira, kandi amakuva getsimbidzi.

Vikolwa 10:38

Yesu wa Nazareti kuli Nyasaye ya mu vaka Roho Mutakatifu netsingulu: wa vodonkana na a kola bulahi, na a honnya vosi ava Setani a legerera, kigira Nyasaye ya li halala naye.

Vikolwa 20:35

Inze mmali kumugerera ku vindu vyosi, nu bulahi mu didikane ndi mu konye avadekerana, nokwidzulitsa amakuva go Mwami Yesu kuli ya vola, Lihaana li veye nobugasu kuvita livugula.

Vahebraina 11:32

Kandi inze nda vola ki agandi? Kigira tsinyinga si tsi la duka ni mbola amakuva ga Gideoni, naga Baraka, naga Samsoni, naga Jefetha; naga Daudi, naga Samweli, naga vaprofeti: