Yohana 21:17 - KITABU KITAKATIFU

¹⁷ Ya mu volera hali kavaka, Simoni wa Jona, U nyanza? Petro ya verera kigira ya mu teva hali kavaka, U nyanza? Ya mu volera, Mwami, ive u manya vindu vyosi; u manya nku yanza. Yesu ya mu volera, U lagiridze amagondi gange.

Yohana 21:17 ပူးပေါင်းရင်းမြစ်များ

2 Samweli 7:20

Inze Daudi nku volera kindu ki kandi? Kigira ive u manya inze mutumekiri wowo, O Yahova Mwami.

1 Avami 17:18

Naye ya volera Elija, Nda ku kolera ki, O ive mundu wa Nyasaye? U duki hano ku inze kwidzulitsa ubwoni bwange, nokwiita mwana wange

1 Kyetsinyinga 17:18

Na Daudi a nyala kuvolera ive kindu ki kandi kuvita ku makuva gelidzominywa lyomutumekiri wowo? Kigira u manya mutumekiri wowo.

1 Kyetsinyinga 29:17

Inze manya, O Nyasaye wange, ive u geridzanag mwoyo yigwo, na u sangaliranga ubulungi. Na mze, kigira bulungi bwomwoyo gwange mali kuhaana vindu yivi vyosi nomwoyo gwobulaliri: na kalunu ndoli nobusangali avandu vovo, ava veye hano, navo va haananga ku ive nomwoyo gwobulaliri.

Zaburi 17:3

U geridzi mwoyo gwange; u duki ku inze mbudiku; U mali kumbenzeridza, na si u nyoye kindu; Nsaaviye munwa gwange si gu la hyola mba.

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Lisyoma lya Jeremia 3:33

Kigira si a va vikanga mu kivi, kinga kuvereridza avana va vandu nomwoyo gwobuyanzi.

Matayo 25:40

Mwami a la tivula na a va volere, Ligali mmu volera, Kuli ga mwa kolera avamwavo vange yava vakekeke, ligali mwa kolera inze.

Marko 14:72

Nonoho idaywa ya lagula kaviri. Kandi Petro yidzulitsa likuva lya Yesu ya mu volera, Idaywa ni i kikiri kulagula hali kaviri, ive u la nyambakana hali kavaka. Lwa ya ganagana amakuva yago, ya lira.

Yohana 12:8

Kigira avadaka mu veye navo halala madiku gosi; navutswa si mu veye ninze halala madiku gosi.

Yohana 13:38

Yesu ya tivula, Hene u la haana liva mwoyo lilyo kigira inze? Ligali, ligali, nku volera, Idaywa ni i ta lagula, ive u la nyambakana hali kavaka.

Yohana 14:15

Ni mba ni mu yanza inze, mu la gumira malago gange.

Yohana 15:10

Ni mu va ni mu gumira malago gange, mu la menya mu buyanzi bwange; kuli inze ngumira malago ga Dada wange, kandi menya mu buyanzi bwibwe.

Yohana 16:30

Kalunu ku manya ive u manya vindu vyosi, si u veye nobudaka bwomundu u ku teva: ku yaga ku suuvira ive wa twula ku Nyasaye.

Yohana 18:27

Ku, Petro yambakana kandi: nonoho idaywa ya lagula.

Yohana 18:4

Yesu ya li na a manya vindu vyosi vyenya kumugwira, ya singira hambiri, na a va teva, Mwenya bwaha?

Yohana 21:18

Ligali, ligali, nku volera, Lwa wa li muyai, weboha nu u tsia wa u yanza: navutswa lwa u li duka musakulu, u la nyira makono, nowundi a la ku boha, a ku hile wa u ta yanza.

Yohana 4:16

Yesu ya mu volera, Tsia, u lange musatsa wowo, kandi udze hano.

Vikolwa 1:24

Kandi va saala ni va vola, Ive, Mwami, u manya myoyo gyavandu vosi, u ku mannye wa u tovoye ku vandu vaviri yava,

Vikolwa 11:10

Yiki kya kolwa hali kavaka: kandi vyosi vya nyinywa kandi migulu.

Vikolwa 15:8

Kandi Nyasaye u manya myoyo, ya va lolekidza, na a va ha Roho Mutakatifu kuli ya ha kwinye;

2 Vakorintho 1:12

Kigira lidzominya lyetu ni yaga, ni li lolekidza lyemyoyo gyetu, kwa menya mu lirova, kandi imbiri wenyu kuvita ligali, mu butakatifu nomu ageligali ga Nyasaye, si ga li mu lidzominywa lyomubiri, navutswa ga veye mu tsimbabasi tsya Nyasaye.

Vafeso 4:30

Kandi mu ta vereridza Roho Mutakatifu wa Nyasaye wa mwa vikirwa ku muhuri, mu luhe mu duke ku lidiku lyelitungirwa.

Joshua 22:22

Yahova, Nyasaye, Wanyala Vyosi, Yahova, Nyasaye, Wanyala Vyosi, niye u manya; na Israeli a la manya: ni ga va ni ga veye mu butingu, kinga ni ga va ni ga veye mu lihyolo ku Yahova (u ta ku honnya lero),

1 Petro 1:6

Mu sangala ligali mu makuva yaga, kali ni i veye inyinga inkekeke kalunu, niva ni ga mu dukira, mu vereridzangwa mu ligeridzwa tsing'ano tsinyingi,

2 Petro 3:1

Avayanze, ibaruwa yiyi yange ni ya kaviri ya nng'odera mwinye; mu tsyombi mbukidzanga myoyo gyenyu gyeligali ku limwidzulitsa;

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.

Likunula 3:19

Ku vosi ava nyanzi, mba gayanga nokuvaha amageli: kunangwa u ve nobugulu nokweganira.