Yohana 20:26 - KITABU KITAKATIFU

²⁶ Inyima ya madiku gatanu na gavaka, kandi avegidzwi veve va li mu inyumba, kandi Tomasi ya li halala navo. Viliango ni vi mali kuhanwa, Yesu yadza na a singira hagati, na a vola, Mirembe ku mwinye.

Yohana 20:26 ပူးပေါင်းရင်းမြစ်များ

Isaya 26:12

Yahova, ive u la laga mirembe ku kwinye; kigira ni ive wa ku kolera miyinzi gyetu gyosi.

Isaya 27:5

Kinga a gumire tsingulu tsyange, a hambane ninze mmirembe; yee, a hambane ninze mmirembe.

Isaya 54:10

Kigira vigulu vi la twula, notugulu tu ladikidzwa; navutswa tsimbabasi tsyobuyanzi bwange si tsi la twula ku ive mba, nelilagana lyemirembe lyange si li la twulidzwa mba, Yahova a vola, uyu u vererera Ive.

Matayo 17:1

Lwa ga vita madiku gatanu nelilala Yesu ya vugula Petro na Yakobo na Yohana amwavo wewe, na a va hila mu kigulu kitambi veng'ine:

Marko 16:14

Lwenyima ya loleka ku va li likumi na mulala avene lwa va li ni vikaye ku vyokulia; na a va gondokera ku livula kusuuvira lyavo nobudinyu bwemyoyo, kigira va vula kusuuvira yavo ava mu lola lwa ya mala kusimuguka.

Luka 24:36

Lwa va li ni va vola amakuva yaga, Yesu mwene ya singira hagati havo, na a va volera, Mirembe ku mwinye.

Luka 9:28

Inyima ya makuva yaga ga duka kuli madiku gatanu na gavaka, ya hila Petro na Yohana na Yakobo, ni yanegira mu kigulu kusaala.

Yohana 11:16

Ma Tomasi, wa langwa Malongo, ya volera avegidzwi avakye, Kwinye ku tsie naye, ku kudze halala naye.

Yohana 14:27

Mirembe mmu lekera; mirembe gyange mmu hedza: si mmu ha kuli avomkivala va haana. Mu ta henda myoyo gyenyu, kandi gvi ta va nobu tii.

Yohana 20:19

Kunangwa lwa gwa li mgolova gwelidiku yilyo, li veye lyokutanga lisidza, kandi viliango lwa vi mali kuhanwa ha vegidzwi va li ni va veye, kigira va tia Vayuda, Yesu yadza na a singira hagati, na a va volera, Mirembe ku mwinye.

Yohana 20:21

Ku. Yesu ya va volera kandi, Mirembe ku mwinye: kuli wa Dada ya ntuma, inze kandi mmu tuma ndiyo.

Yohana 21:1

Inyima wa yaga Yesu ya loleka ku vegidzwi kandi ku inyanza ya Tiberia; na lilolekidza lilye lya li ndi.

Yohana 21:14

Yiyi ni inyinga i kola kavaka Yesu na a loleka ku vegidzwi, inyima lwa ya simuguka mu vakudzi.

Vikolwa 1:3

Kandi ya loleka kuvo mwene a veye mwoyo, ku vilolekidzu vyeligali vinyingi, inyima yobusaliri bwibwe, na a loleka kuvo inyinga yamadiku makumi gane, na a va volera amakuva gobwami bwa Nyasaye.