Yohana 20:16 - KITABU KITAKATIFU

¹⁶ Yesu ya mu volera, Maria. Ya girunkana, na a mu volera mu Luhebraina, Raboni livola lyago li vola, Mwegidzi.

Yohana 20:16 ပူးပေါင်းရင်းမြစ်များ

Litanga 22:1

Inyima wevindu yivi, Nyasaye ya geridza Abrahamu, na a mu voiera, Abrahamu; naye ya bugira yo Mbeye hano.

Litanga 22:11

Na ingelosi wa Yahova ya mu langa kutwula migulu na a vola, Abrahamu, Abrahamu: naye ya bugira yo, Mbeye hano.

Litanga 45:12

Na henza, tsimoni tsyenyu tsi lolanga, na tsimoni tsya amwavo wange Benjamini, kuva na munwa gwange gu mu volera.

Kutwula 3:4

Na Yahova lwa ya lola yevetanga a lole, Nyasaye ya mu langa, na mwoyo gwa twula hagati ha kasala, na a vola, Musa, Musa. Naye ya bugira, Mbeye hano.

Kutwula 33:17

Na Yahova ya volera Musa Nda kola yaga kandi ga u voye, kigira u nyoye liverererwa imbiri wange, na nda ku manya lieta lilyo.

Lwimbu lwa Solomoni 3:4

Nda vita kutwula kuvo hakekeke, Ma nda mu lola uyu womwoyo gwange gu yanza: Nda mu gumira, si nda bugirira a tsie mba, Kuduka nda mala kumuvika mu inyumba ya mama wange, Mu inyumba ya uyu wa mbereka.

Lwimbu lwa Solomoni 5:2

Nda li ni ng'onanga tsindolo, navu tswa mwoyo gwange gwa vuka: Mwoyo gwomuyanze wange yigu lihidzanga, na a vola, U nzigulire, mubotso wange, mu yanze wange, likuulu lyange, mudukiru wange; Kigira mutwe gwange gwizuye lime, Lisu lyange lizuye tsingerergeridza tsyamadzi gobudiku.

Isaya 43:1

Navutswa kalunu Yahova wa ku lomba, ive Yakobo, naye wa ku longa, ive Israeli, a vola ndi: U ta tia mba, kigira mmali kukutungira; nku langi nelieta lilyo, u veye wange.

Matayo 14:27

Nonoho Yesu ya va volera, na a vola, Mweleminye mu myoyo; ninze; mu ta tia mba.

Marko 10:51

Yesu ya mu tivulira, na a vola, Wenya nku kolera ki? Mboku ya mu volera, Mwegidzi, nyenya ndole.

Luka 10:41

Navutswa Mwami ya tivula na a mu volera, Marita, Marita, u nyankana nokudidikana ku vindu vinyingi:

Yohana 1:38

Yesu ya girunkana, na a va lola va mu londanga, na a va volera, Mwenya ki? Ni va mu volera, Rabi (litivula lyalyo li veye kuvola, Mwegidzi, u menya ha li ha?

Yohana 1:49

Natanaeli ya mu tivulira, Rabi, ive niye Mwana wa Nyasaye; ive nu Mwami wa Israeli.

Yohana 10:3

Mulindi a mwigulira kiliango; kandi magondi ga hulira mwoyo gwigwe: kandi a langa amagondi gege sa lilala lieta lyalyo, na a gimirira kutsia kyova.

Yohana 11:28

Kandi lwa ya mala kuvola yaga, ya tsia na a langa Maria amwavo wewe galaha, na a vola, Mwegidzi a veye hano a ku langa.

Yohana 13:13

Mwinye mu nanga Mwegidzi, na Mwami: mu vola bulahi; kigira mbeye ndiyo.

Yohana 20:28

Tomasi ya mu tivula, na a mu volera, Mwami wange, kandi Nyasaye wange.

Yohana 3:2

Ya tsia ku Yesu ubudiku na a mu volera, Rabi, ku manya ive u veye mwegidzi wa twula ku Nyasaye; kigira si ha li nomundu u nyala kukola vilolekidzu yivi vya u kolanga, Nyasaye na a ta li halala naye.

Yohana 5:2

Mu Yerusalemi lidavalia li veye ho himbi nekiribwa kyamagondi, li langwa mu Luhebraina, Bethesda, li veye netsisimbu tsitanu.

Yohana 6:25

Lwa va mu nyola hangereka henyanza, va mu volera, Rabi, wadza inyinga ki hano?

Vikolwa 10:3

Ya lola mu maloto habulavu, kuli isaa i kola tsitanu na tsine tsyombasu, ingelosi wa Nyasaye yadza kuye na a mu volera, Kornilyo.

Vikolwa 9:4

na a gwa hasi na a hulira mwoyo gu mu volera, Saulo, Saulo, kigira ki u ndambidza?

1 Samweli 3:10

Na Yahova yadza, na a singira, na a langa kuli ya langa ku matsya mbiri, Samweli, Samweli. Hene yaho Samweli ya vola, Vola; kigira mutumekiri wowo a huliranga.

1 Samweli 3:6

Na Yahova ya langa kandi hali kaviri, Samweli. Na Samweli ya vuka na a tsia ku Eli, na a vola, Mbeye hano; kigira wa nanga. Na Eli ya tivula, Inze si nku langi mba, mwana wange; u gone kandi.