Yohana 2:24 - KITABU KITAKATIFU

²⁴ Navutswa Yesu mwene si ya va suuvira mba, kigira ya manya avandu vosi

Yohana 2:24 ပူးပေါင်းရင်းမြစ်များ

1 Avami 8:39

ma u hulire mi gulu ha bumenyo bubwo, u samehe, nokukola, nokutunga sa mulala kuli tsinzira tsitsye tsyosi, wa u manya mwoyo gwigwe; (kigira ni ive, ive weng'ine, u manyanga myoyo gya vandu vosi;)

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

1 Kyetsinyinga 29:17

Inze manya, O Nyasaye wange, ive u geridzanag mwoyo yigwo, na u sangaliranga ubulungi. Na mze, kigira bulungi bwomwoyo gwange mali kuhaana vindu yivi vyosi nomwoyo gwobulaliri: na kalunu ndoli nobusangali avandu vovo, ava veye hano, navo va haananga ku ive nomwoyo gwobulaliri.

Jeremia 17:9

Mwoyo yigwo nogwobugadi kuvita vindu vyosi, gu veye nobudekeranu buvitiriru: ni bwaha a nyala kugumanya?

Matayo 9:4

Yesu ya manya tsi ganagani tsyavo na a vola, Kigira ki mu ganagana ndi ubudamano mmyoyo gyenyu?

Marko 2:8

Nonoho Yesu ya ma nya mu mwoyo gwigwe va ganagana ndi mu myoyo gyavo, ya va volera, Kigira ki mu ganagana ndi mu myoyo gyenyu?

Yohana 1:42

Ya mu hila ku Yesu. Yesu ya mu henza, na a vola, Ive Simoni mwana wa Yohana: u la gulikwa Kefa (litivula li veye Ligina).

Yohana 16:30

Kalunu ku manya ive u manya vindu vyosi, si u veye nobudaka bwomundu u ku teva: ku yaga ku suuvira ive wa twula ku Nyasaye.

Yohana 21:17

Ya mu volera hali kavaka, Simoni wa Jona, U nyanza? Petro ya verera kigira ya mu teva hali kavaka, U nyanza? Ya mu volera, Mwami, ive u manya vindu vyosi; u manya nku yanza. Yesu ya mu volera, U lagiridze amagondi gange.

Yohana 4:16

Yesu ya mu volera, Tsia, u lange musatsa wowo, kandi udze hano.

Yohana 5:42

Navutswa mmanya mwinye si mu veye nobuyanzi bwa Nyasaye mu mwinye avene.

Yohana 6:15

Yesu lwa ya manya venya kuudza kumugumira netsingulu va mu kole mwami, ya tsia kandi mu kigulu mwene yeng'ine.

Yohana 6:64

Navu tswa ha veye navalala ku mwinye ava ta suuvira. Kigira Yesu ya manya lwambiri nivaha ava ta suuvira, kandi ni bwaha u li mu zama.

Vikolwa 1:24

Kandi va saala ni va vola, Ive, Mwami, u manya myoyo gyavandu vosi, u ku mannye wa u tovoye ku vandu vaviri yava,

Vikolwa 15:8

Kandi Nyasaye u manya myoyo, ya va lolekidza, na a va ha Roho Mutakatifu kuli ya ha kwinye;

Kwidzulitsa 31:21

Kandi ga la va, ubudamano bunyingi na kivi lwa vi mala kuduka kuvo, lwimbu yilu lu la lolekidza imbiri wavo kuli umulolekidzi, kigira lu la vula kwivirirwa mu minwa gyavana vavo: kigira kali kalunu mmanya tsiganagani tsyavo tsya va ganagananga lero, ni nkikiri kuvavika mkivala kya ndesuhira.

Vahebraina 4:13

Kandi si ha li nekilombe ki ta li habulavu imbiri wewe: navutswa vindu vyosi vi veye kyahonyo nokulang'aminywa imbiri wetsimoni tsya uyu wa ku veye ku namakuva.

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.

1 Samweli 16:7

Navutswa Yahova ya volera Samweli, U ta henza ligondo lilye, kinga ubutambi bweliduka lilye; kigira inze suye uyu: kigira Yahova si a lola kuli umundu a lola; mundu a henzanga ligondo lyegulu, navutswa Yahova a henzanga mwoyo.