Yohana 2:22 - KITABU KITAKATIFU

²² Lwa ya simugukidzwa kutwula mu vakudzi, avegidzwi veve vidzulitsa ya vola yaga; ni va suuvira amang'odwa nelikuva lya Yesu ya vola.

Yohana 2:22 ပူးပေါင်းရင်းမြစ်များ

Zaburi 16:10

Kigira si u li leka mwoyo gwange mu Kinadisi; Kandi si u li bugirira mutakatifu wowo kulola ligunduluka.

Luka 24:26

Si bu li bulahi Kristo a saliridzwe vindu yivi vyosi nokwingira mu bukumi bwibwe?

Luka 24:44

Kandi ya va volera, Yaga namakuva ga nda mu volera, lwa nda li halala nemwinye, Vindu vyosi vya ng'odwa ku inze mu lilaga ya Musa nomu vaprofeti nomu zaburi, vi nigwa vi kolwa.

Yohana 12:16

Vindu yivi avegidzwi veve si va hulira lwambiri: navutswa Yesu lwa ya mala kukuminywa, kunangwa vidzulitsa yaga ga ng'odwa kuye kale, kandi va mu kolera vindu yivi.

Yohana 14:26

Navutswa uyu Mukonyi, Roho Mutakatifu wa Dada a la tuma ku lieta lyange, a la mwegidza amakuva gosi, naye a la mwidzulitsa gosi ga nda mu volera.

Yohana 16:4

Navutswa yaga mmali kumuvolera, lwa isaa yago i mali kuduka, mu gidzulitse, kuli wa nda mu volera. Na yaga si nda mu volera kutwula mu litanga, kigira nda li na mwinye halala.

Yohana 2:11

Litanga yili lyevilolekidzu vivye, Yesu ya kola mu Kana lya Galilaya, na a mannya ubukumi bwibwe; kandi avegidzwi veve va mu suuvira.

Yohana 2:17

Navegidzwi veve vidzulitsa ga ng'odwa, Lididikana lyenyumba yoyo li la ndia.

Yohana 2:2

kandi Yesu navegidzwi veve va langwa kutsia mu kiserero.

Vikolwa 11:16

Ma ndidzulitsa likuva lyo Mwami, kuli ya vola, Yohana ya batidza na madzi ligali, navutswa mwinye mu la batidzwa mu Roho Mutakatifu.

Vikolwa 13:33

kuli Nyasaye ya dukidza lisuuriridza zana ku vana vetu, ku lisimugukidza lya Yesu; kuli ga ng'odwa kandi mu zaburi yetsiviri, Ive u veye Mwana wange, lero mmali kukwivula.