Yohana 19:17 - KITABU KITAKATIFU

¹⁷ Ku, va gumira Yesu: mwene ya ginga musalaba gwigwe na a twula, na a tsia ha langwa kihanga, ha zana mu Luhebraina, ha langwa Golgota.

Yohana 19:17 ပူးပေါင်းရင်းမြစ်များ

Litanga 22:6

Na Abrahamu ya vugula tsinku tsyekihaanwa kyokusambwa, na a dwika Isaka mwana wewe; naye ya ginga mmukono gwigwe muliru nombano; navo vombi va tsia halala.

1 Avami 21:13

Navandu vaviri, avana va yingu, vingira na vikala imbiri wewe: ma avandu va yingu va lolekidza kuye, ku Nabothu imbiri wavandu, ni va vola, Nabothu ya nyega Nyasaye nomwami. Hene yaho va mu hila kyova welidala, nokumulasa magina na a kudza.

Kyavalevi 24:14

U twulidze uyu wa laama, u tsie naye kyova wa hokusosa; na yavo vosi ava mu hulira, va vike makono gavo ku mutwe gwigwe, na livugana lyosi li mu lasa na magina.

Matayo 10:38

Kandi uyu u vula kuginga musalaba gwigwe nokunonda inyima wange, si a dukana ninze.

Matayo 16:24

Hene yaho Yesu ya volera avegidzwi veve, Mundu wenya kunonda yigaye mwene, na a vugule musaiaba gwigwe, a nonde.

Matayo 27:37

Ni va vika ha mutwe higulu liyalwa lilye lya ng'odwa, UYU NIYE YESU MWAMI WA VAYUDA.

Marko 10:21

Yesu ya mu henza na a mu yanza, na a mu volera, U daki kindu kilala: tsia, u gule vindu vyosi vya u veye navyo, u he avadaka, na ive u la nyola akiba migulu: udze, u nonde.

Marko 15:26

Ibaruwa yeliyalwa lya li kuye ya ng'odwa higulu, MWAMI WA VAYUDA.

Marko 15:32

Kristo, Mwami wa Israeli, yike ku musalaba kalunu, ku lole kandi ku duke kusuuvira. Kandi ava bambwa naye halala va mu nyega.

Marko 8:34

Ya langa avandu navegidzwi veve, na a va volera, Mundu na a va ni yenya kunonda, yegaye, a ginge musalaba gwigwe a nonde.

Luka 14:27

Ku vosi u ta ginga musalaba gwigwe mwene a nonde, si a nyala kuva mwegidzwi wange mba.

Luka 23:26

Navo lwa va mu hila, va gumira mulala Simoni wa Kurene, na a twula mu mulimi, ni va mu dwika musalaba a gu ginge, a londe Yesu.

Luka 23:33

Lwa va duka ha langwa Kihanga, va mu bamba yaho, kandi avakola ubudamano, mulala ku mukono mulungi nowundi ku mukono mmosi.

Luka 23:38

Kandi amang'oda ga li kuye higulu, UYU NU MWAMI WAVAYUDA.

Luka 9:23

Kandi ya volera vosi, Uyu wenyanga kunonda, yigaye, a ginge musalaba gwigwe kazozo, a nonde.

Yohana 19:13

Pilatu lwa ya hulira amakuva yaga ya twulidza Yesu, ni yikala ku kisako kyokuyala, ha zana ha langwa Ha vaala magina, navutswa mu Luhe braina Gabatha.

Yohana 5:2

Mu Yerusalemi lidavalia li veye ho himbi nekiribwa kyamagondi, li langwa mu Luhebraina, Bethesda, li veye netsisimbu tsitanu.

Vikolwa 7:58

Kandi va mu ta kyova welidala, ni va mu lasa magina: navaloli va vika tsingubo tsyavo ha virenge vyomundu musoleli wa langwa Saulo.