Yohana 19:13 - KITABU KITAKATIFU

¹³ Pilatu lwa ya hulira amakuva yaga ya twulidza Yesu, ni yikala ku kisako kyokuyala, ha zana ha langwa Ha vaala magina, navutswa mu Luhe braina Gabatha.

Yohana 19:13 ပူးပေါင်းရင်းမြစ်များ

Tsing'ano 29:25

Litia mundu li letanga mutego; Navutswa ku vosi u suuvira Yahova a veye nemirembe.

Kohelethu 5:8

Nu u va nu u lola avadaka ni va dambidzangwa, nelikalaga nobulungi kutwulidzwa nekirage mu kivala, u ta genyira yaga: kigira mulala a veye igulu ligali kuvita yavo ava veye igulu a henzanga, kandi va veye ho ava veye igulu kuvita yava.

Isaya 57:11

Kandi u tiye ibwaha nokuva mu butii, na u luhe u veha, na u vula kwidzulitsa inze, kandi si wa vika mwoyo mu likuva yili? Inze si nkiring'ani tsinyinga tsinyingi, na ive wa vula kuntia?

Jeremia 38:19

Ma Zedekia mwami ya volera Jeremia, Inze nda tia Avayuda ava tsia ku Vakalidei, gase va la mbika mmakono gavo, navo va la ndegannya.

Amosi 4:7

Kandi mmali kugaya imbula i ta kupa ku mwinye, lwa imyeli gyi tigaye gyivaka kuduka ligesa; na mmala kuleta imbula ku lidala lilala, nokugaya imbula i vule kukupa ku lidala lindi; kidieli kilala imbula ya kupa ku, na kidieli kya ya vula kukupa ku kya niala.

Matayo 27:19

Lwa yikala kuntebe yokukalaga kyina, mkali wewe ya mu letera amakuva na a mu volera, U ta kola kindu ku mundu uyo mulungi; kigira lero nyoye lisaleridza linyingi mu maloto kuye.

Luka 12:5

Navutswa nda mu gelihidza ku uyu wa mu li tia: Mu tie uyu, na a mala kwiita, a veye netsingulu kuta mu igehena; yee, mmu volera, Mu tie uyu.

Yohana 19:17

Ku, va gumira Yesu: mwene ya ginga musalaba gwigwe na a twula, na a tsia ha langwa kihanga, ha zana mu Luhebraina, ha langwa Golgota.

Yohana 19:20

Kunangwa ibaruwa yiyi avanyingi ku Vayuda va soma kigira ha Yesu ya bambirwa ha li ahimbi nelidala; nayo ya ng'odwa mu Luhebraina na Lurumi, na Lugreki.

Yohana 19:8

Ku, Pilatu lwa ya hulira makuva yaga ya kira ubutii;

Yohana 5:2

Mu Yerusalemi lidavalia li veye ho himbi nekiribwa kyamagondi, li langwa mu Luhebraina, Bethesda, li veye netsisimbu tsitanu.

Vikolwa 4:19

Na vutswa Petro na Yohana va tivula ni va va volera, Ni bu va ubulungi imbiri wa Nyasaye kuhulira mwinye kusira Nyasaye, mu manyiridze: