Yohana 19:11 - KITABU KITAKATIFU

¹¹ Yesu ya mu tivulira, Ive si u nyala kuva netsingulu ku inze kali hakuzu, nu u ta hebwa tsi twula migulu: kigira yaga u veye nobwoni bunene nu uyo wa mbika mu makono gogo.

Yohana 19:11 ပူးပေါင်းရင်းမြစ်များ

1 Kyetsinyinga 29:11

O Yahova, vi veye vivyo tsingulu, nobunyali, nobukumi, neliguuta, nobwami: kigira vyosi vi veye migulu nomu lirova ni vivyo; ubwami bu veye bubwo O Yahova, ive u kuminyeywi kuva mutwe ku vindu vyosi.

Zaburi 39:9

Nda kiring'ana, si nda kunula munwa gwange; Kigira ive wa ga kola.

Zaburi 62:11

Nyasaye u voye lulala, Hali kaviri mbuliye yaga, Tsingulu tsi veye tsya Nyasaye.

Lisyoma lya Jeremia 3:37

Ni bwaha u volanga, ma li va, ni i va Yahova si ya li laga mba?

Danyeli 4:17

Likalaga yili li veye lyomunwa gwavalindi, na likuva li veye lyomunwa gwavataka tifu, ava veyemwoyo va duke ku manya uyu U Veye Igulu Ku Vyosi yamehanga mu bwami bwavandu, kandi a hedzanga uyu wa a yanza kandi a vika kubwo uyu u veye mu kekeke ku vosi.

Danyeli 4:25

ive u la kungwa kutwula ku vandu, na limenya lilyo li la va halala ne tsinyama tsyomwigendanyama, na ive u la kolwa kulia bunyasi kuli ing'ombe, na u la nyola amadzi gelime lyomigulu, na tsinyinga tsitano na tsiviri tsi la vita ku ive; u duke kumanya uyu U Veye Igulu Ku Vyosi wamehi mu bwami bwavandu, na a hedzanga ku uyu wa a yanza.

Danyeli 4:32

u la kungwa mu avandu; na limenya lilyo li la va halala netsinyama tsyomwigendanyama; ive u la kolwa kulia bunyasi kuli tsing'ombe; na tsinyinga tsitano na tsiviri tsi la vita ku ive; kuduka ive u la manya U Veye Igulu Ku Vyosi yamehanga mu bwami bwa avandu, na a hedzanga wa yenyanga ku vosi.

Danyeli 4:35

na avandu vosi velirova va voleywi si va veye kindu; kandi a kolanga kuli ubulaliri bwibwe ku amahe gomigulu, kandi mu avamenya mu lirova; na si ha li noyu u nyala kugaya mukono gwigwe, kinga kumuteva, U kola ki?

Danyeli 5:21

na ya kungwa mu avana vavandu, na mwoyo gwigwe gwa kolwa kuva kuli gwetsinyama, na limenya lilye lya li halala netsisukiri tsyomwigendanyama; ya lihidzwa bunyasi kuli tsing'ombe, na mubiri gwigwe gwama lime lyomigulu; a luhe a duke kumanya Nyasaye U Veye Igulu Ku Vyosi yamehanga mu bwami bwa avandu, kandi ku vosi uyu wa a yanza a mu vika mu bwami.

Matayo 26:65

Hene yaho musalisi munene ya tandula tsingubo tsitsye, na a vola, U voye linyega: kwenyera ki avaloli avandi? Henza, kalunu mu huliye linyega lilye:

Matayo 27:2

ni va mu boha ni va mu hila ni va mu vika mu makono ga Pilatu wa li govuna munene.

Matayo 6:13

U ta ku hila mu ligeridzwa, navutswa u ku twulidze ku mudamano. Kigira ubwami, netsingulu, nobukumi ni vivyo mihiga nemihiga. Ameni.

Marko 14:44

Mzami ya li na a mali kuvaha kyokuvamannyira, na a vola, Wa na mbuse, uyu niye; mgumire, mu mu hile bulahi.

Luka 22:53

Lwa nda li halala nemwinye kazozo mu litempeli, si mwa nyira amakono genyu kungumira: navutswa yiyi ni isaa yenyu, neyetsingulu tsyekisundi.

Yohana 18:13

Ni va tanga kumuhila imbiri wa Annas; kigira ya li nazivala wa Kaiafa, ya li na a veye musalisi munene muhiga yigwo.

Yohana 18:3

Maku, Yuda lwa ya mala kuvugula mugaanda gwavasikari navanyampara, ava twula ku vasalisi vanene na Vafarisayo, ya tsia yo netsitaya netsimuli nevyuma.

Yohana 19:10

Ku, Pilatu ya mu volera Si u volerana ninze? Ive si u manya mbeye netsingulu kukuboholola, kandi mbeye netsingulu kukubamba?

Yohana 3:27

Yohana ya tivula na a vola, Mundu si a nyala kuvugula kindu na a ta hebwa ki twula migulu.

Yohana 7:30

Kigira yaga venya kumugumira: navutswa si ha veye nomundu wa hila kuye mukono, kigira isaa yeye ya li ni i kikiri kuduka.

Yohana 9:41

Yesu ya va volera, Mwinye ni mu ve avaboku, nkano si mu veye nobwoni: navutswa kalunu mu vola, ku lola: ubwoni bwenyu bu menya.

Vikolwa 2:23

uyu wa hebwa nelitovola nelisaavira lya Nyasaye lya ya manya imbiri, mwinye mwa mbamba ni mu mwiita namakono gavandu vekirage:

Vikolwa 3:13

Nyasaye wa Abrahamu, nowa Isaka, nowa Yakobo, Nyasaye wavaguga vetu, u kuminyi Mutumekiri wewe Yesu; wa mwa zama nowa mwambakana imbiri wa Pilatu, lwa ya saavira kumuboholola.

Vikolwa 4:28

Ku vyosi va kole vyosi vyomukono gugwo nobulaliri bubwo bwa saavira vi kolwe.

Varumi 11:36

Kigira vindu vyosi vya twula muye, ni vidzira kuye; kandi virana kuye. A ve nobukum; mihiga nemi higa. Amini.

Varumi 13:1

Avandu vosi ava veye mwoyo vegehidze ku yava ava veye netsingulu kuvo: kigira si ha veye nowameha u vula kutwula ku Nyasaye; kandi avameha ava veho, Nyasaye ya va vika.

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

Yakobo 4:17

Kunangwa u manya kukola bulahi navutswa si ya kola, kuye bu veye ubwoni.