Yohana 18:38 - KITABU KITAKATIFU

³⁸ Pilatu ya mu volera, Ageligali ni kindu ki? Kandi lwa ya mala kuvola yaga, ya tsia ku Vayuda kandi, na a va volera Inze si ndola kindu kuye.

Yohana 18:38 ပူးပေါင်းရင်းမြစ်များ

Matayo 27:24

Pilatu lwa ya lola si ya nyala kukola kindu, navutswa liyoga lyenya kukira, ya vugula amadzi ni yisaava makorlo gege imbiri wekiduma, na a vola, Si mbeye na kindu ku masahi gomundu mulungi uyu, mwelolere mwinye avene.

Marko 15:14

Pilatu ya va volera Kigira ki, a koli ubwoni ki? Navutswa va hanzuka munonono, Mbambe.

Luka 23:4

Kandi Pilatu ya volera avasalisi vanene neviduma, Si ndola kindu ku mundu uyu.

Yohana 18:33

Kunangwa Pilatu yingira kandi mu Pretorio na a langa Yesu, na a mu volera, Hene ive niye Mwami wa Vayuda?

Yohana 19:4

Pilatu ya tsia kyova kandi, na a va volera, Henzi, uyu iye mmu letera kyova, mu duke kumanya si ndola kindu kuye.

Yohana 19:6

Maku avasalisi vanene navanyampara lwa va mu lola, va kola liyoga, ni va vola, Mbambe, mbambe Pilatu ya va volera, Mu mbugule mwinye avene, mu mbambe: kigira inze si ndola kindu kuye.

Vikolwa 17:32

Lwa va hulira lisimuguka lyavakudzi, avalala va mu henyahenya; navutswa avandi va vola, Ku la ku hulira ku yaga lidiku lindi.

1 Petro 1:19

navutswa ku masahi malahi kuli agomwana weligondi, u ta li nekindu kuye kidamano, u ta li nembala, ga veye ga Kristo: