Yohana 18:20 - KITABU KITAKATIFU

²⁰ Yesu ya mu tivulira, Inze mmali kuvolera avomkivala amakuva gange habulavu; inze madiku gosi nzegidza mu masomero nomu litempeli, ha Vayuda vosi va vugana; si nda vola kindu makiriri.

Yohana 18:20 ပူးပေါင်းရင်းမြစ်များ

Zaburi 22:22

Nda gambira avamitu vange lieta lilyo: Ndidzominyira ive mu livugana.

Zaburi 40:9

Nzilwadzi ubulungi mu livugana linene; Henza, si nda gaya minwa gyange, O Yahova, ive u manya.

Isaya 45:19

Inze si mbolanga makiriri, ha kivala kyekisundi; si nda volera kisukululwi kya Yakobo, Mwenya inze vutswa: inze, Yahova, mbola bulungi, nzilwadzanga vindu vyobulungi.

Isaya 48:16

Mwisunde himbi ku inze, mu hulire likuva yili; kutwula mu litanga si nda vola mu liviswa; kutwula inyinga ya li ho, inze nda li ho: na kalunu Yahova Nyasaye u ntumi, na Roho wewe.

Matayo 24:26

Kunangwa ni va li mu volera Henza, a veye mwigendanyama; mu ta tsia mba: Henza, a veye mu inyumba mu bwasi; mu ta bugirira mba.

Matayo 26:55

Inyinga zana Yesu ya volera viduma, Mu ntwuliye kungumira nevivavi netsi mpimbo kuli mu londanga munuli? Madiku gosi ndikala mu litempeli ni nzegidza, na si mwa ngumira mba.

Matayo 26:65

Hene yaho musalisi munene ya tandula tsingubo tsitsye, na a vola, U voye linyega: kwenyera ki avaloli avandi? Henza, kalunu mu huliye linyega lilye:

Matayo 4:23

Yesu ya vodonkana mu Galilaya mwosi, ni yegidza mu masomero gavo, ni yilwadza ivangeli yobwami, na a honnya tsinkudzo tsyosi nobudekeranu bwosi bwavandu.

Matayo 9:35

Yesu ya vodonkana mu madala gosi na mu tudala na yegidza mu masomero, ni yilwadza ivangeli yobwami, na a honnya tsinkudzo tsyosi nobudekeranu bwosi.

Marko 8:32

Livola yili ya vola habulavu. Petro ya mu vugula na a tanga kumugaya.

Luka 21:37

Madiku gosi mbasu ya li ni yegidza mu litempeli; namadiku gosi ubudiku ya twula na a tsia kugona mu kigulu kya langwa Mizeituni.

Luka 4:15

Kandi yegidza mu masomero gavo, ni va mwidzominya vosi.

Yohana 18:21

Kigira ki u teva inze? Yaga ga nda volera avandu u va teve aga va hulira: henza, yava va manya vya nda vola.

Yohana 6:59

Vindu yivi ya volera mu lisomero lwa ya li ni yegidza avandu mu Kapernaume.

Yohana 7:14

Navutswa lwe lilia lya duka hagati, Yesu yanegira mu litempeli, ni yegidza.

Yohana 7:26

Kandi henza, u luviriye, navutswa si va mu volera kindu. Avanene va manya ligali, uyu ni Kristo?

Yohana 7:28

Kigira yaga Yesu ya gamba ni yegidza mu litempeli, na a vola, Inze, mwinye mu mmanya, kandi mu manya ha nda twula; kandi si ntsitsa inze mwene, navutswa uyu wa ntuma noweligali, wa mu ta manya mwinye.

Yohana 7:4

Kigira si ha veye nomundu u kola kindu makiriri na mwene yenya kumanyekana. Nu u va nu u kola vindu yivi, wemannye ku avomkivala.

Yohana 8:2

Ya kivira mugamba na a tsia mu litempeli, kandi avandu va tsia kuye vosi; naye yikala na a vegidza.

Yohana 8:26

Mbeye nevindu vi nyingi vyokuvola ku mwinye nokukalaga ku mwinye: navutswa wa ntuma a veye weligali; na inze aga nda hulira kuye, nigo aga mbolera avomkivala.

Vikolwa 26:26

Kigira mwami wa mbolera nobuluviriri, a manya amakuva gevindu yivi; kigira mbola, vindu yivi si vi viswa kuye kali kilala, kigira yivi si vya kolwa mu king'oze mba.