Yohana 18:12 - KITABU KITAKATIFU

¹² Maku, mugaanda gwavasikari nomunyampara munene navanyampara va Vayuda, va gumira Yesu ni va mu boha.

Yohana 18:12 ပူးပေါင်းရင်းမြစ်များ

Litanga 22:9

Na va duka ha zana ha Nyasaye ya li kumuvolera; na Abrahamu yombaka ho ubwali, na a lohidza ku tsinku, kandi ya boha Isaka mwana wewe, nokumuvika ku bwali, ku tsinku.

Litanga 40:3

Na ya va vika kulindwa mu inyumba yonunena wa valindi mu inyumba yavahambe, ha Yosefa ya bofwa.

Zaburi 118:27

Yahova a veye Nyasaye, naye u ku hedzanga ubulavu: Mu bohe kihaanwa nemigoye, kali ku tsinziga tsyobwali.

Matayo 26:57

Navo ava gumira Yesu va mu hila wa Kaiafa musalisi munene, ha vang'odi navakulundu va vugana halala.

Matayo 27:2

ni va mu boha ni va mu hila ni va mu vika mu makono ga Pilatu wa li govuna munene.

Matayo 27:27

Hene yaho avasikari vomunyampara va vugula Yesu, ni va mu hila Praitorio, ni va leta kiduma kyosi kyavasikari.

Marko 14:53

Va hila Yesu ku musalisi munene: kandi va vugana halala naye avasalisi vanene vosi navakulundu navang'odi.

Marko 15:1

Mugamba mabwebwe nonoho avasalisi vanene navakulundu navang'odi nekyina kyosi, va tevana amakuva gokukola, ma va boha Yesu ni va twula naye kumuhila wa Pilatu.

Luka 22:54

Navo va mu gumira, ni va mwimirira, ni va mu leta mu inyumba yomusalisi munene. Navutswa Petro ya londerera ihale.

Yohana 18:3

Maku, Yuda lwa ya mala kuvugula mugaanda gwavasikari navanyampara, ava twula ku vasalisi vanene na Vafarisayo, ya tsia yo netsitaya netsimuli nevyuma.

Vikolwa 10:1

Ya li mu Kaisaria mundu mulala wa langwa Kornilyo, munyampara wo mugaanda gwavasikari gwa langwa Vaitalia,

Vikolwa 21:31

Kandi lwa venya kumwiita, amakuva ga dukira munyampara munene womugaanda, lidala lyosi lye Yerusalemi li koli kivihiri.

Vikolwa 21:37

Paulo lwa yenya kuvikwa mu lugaga lwavasikari, va volera munyampara munene, Mbeye nomunwa kukuvolera likuva? Naye ya mu teva, Ive u manvi Lugreki?

Vikolwa 23:10

Lwa ga twula ama hangali manene, munyampara mu nene ya tia gase va la tandula Paulo, na a ha avasikari munwa vike va tsie kumutwulidza netsingulu hagati havo nokumuleta mu lugaga lwavasikari.

Vakalagi 16:21

Na Vafilisiti va mu gumira, nokumuhudula tsimoni; na va sulunguta naye kutsia Gaza, na va mboha neviboheru vyomugasa; naye ya sia mu inyumba yavahambe.