Yohana 17:8 - KITABU KITAKATIFU

⁸ kigira amakuva ga wa mpa, inze mali kuvaha; navo va ga vugula, kandi va manya ligali nda twula ku ive, kandi va suuvira ni ive wa ntuma.

Yohana 17:8 ပူးပေါင်းရင်းမြစ်များ

Tsing'ano 1:23

Mwegirunkannye kigira ligondoka lyange: Henza, nda mu tsukira roho wange Nda mu mannya makuva gange.

Tsing'ano 1:3

Kuvugula lyegidzwa mu likola lyobugeeri, Mu ubulungi na mu likalaga na ubulahi;

Tsing'ano 2:1

Mwana wange, nu u va nu u bugirira amakuva gange, Nokuvika amalago gange halala na ive;

Tsing'ano 4:10

U hulire, O mwana wange, na u vugule livola lyange Na mihiga gyobuhindiri bubwo gyi la va minyingi.

Tsing'ano 8:10

U vugule megidzo gange, na u ta vugula ifetha; Na u vugule limanya kuvita ithahabu indahi.

Matayo 13:11

Naye ya tivula na a va volera, Mwinye mu hebeywi kumanya ama kuva ga viswa gobwami bwomigulu, navutswa yava si va hebeywi ndiyo.

Yohana 12:49

Kigira inze si nda vola aga twula ku inze mwene; navutswa Dada wa ntuma ya mpa lilaga, lya mbola nelya nzilwadza.

Yohana 14:10

Si u suuvira inze mbeye mu Dada, na Dada a veye mu inze? Amakuva ga mmu volera si nga vola inze mwene: navu tswa Dada a veye mu inze a kolanga miyinzi gyigye.

Yohana 15:15

Kutwula kalunu si nyala kumulanga avatugwa; kigira mutugwa si a manya vyo wa mutuga a kolanga: navutswa mmu langi avalina; kigira vyosi vya nda hulira ku Dada wange, mmali kumuvolera.

Yohana 16:27

kigira Dada mwene a mu yanza, kigira mu nyanzi, kandi mu suuviye inze nda twula ku Dada.

Yohana 16:30

Kalunu ku manya ive u manya vindu vyosi, si u veye nobudaka bwomundu u ku teva: ku yaga ku suuvira ive wa twula ku Nyasaye.

Yohana 17:14

Mmali kuvaha likuva lilyo; kandi avomki vala va va dunyira, kigira si va veye ku vomkivala, kuli inze si mbeye ku vomkivala.

Yohana 17:18

Kuli wa ntuma kutsia mu lirova, kandi ndiyo inze nda va tuma kutsia mu lirova.

Yohana 17:21

vosi va duke kuva kindu kilala; kuli ive, Dada, u veye mu inze, na inze mu ive, kandi navo va duke kuva mu kwinye: avomkivala va duke kusuuvira ive wa ntuma.

Yohana 17:23

inze muvo, na ive mu inze, va dukidzwe kuva kindu kilala; avomkivala va manye ive wa ntuma, kandi ive u va yanza kuli u nyanza.

Yohana 17:3

Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Yohana 3:17

Kigira Nyasaye si ya tuma Mwana wewe kuudza mu kivala kukalagira avomkivala; navutswa kuhonnya avomkivala.

Yohana 3:33

Uyu u mali kubugirira lilolekidza lilye, u mali kukupa kyokulolera kyikye ku yaga, Nyasaye nu weligali.

Yohana 6:68

Simoni Petro ya mu tivulira, Mwami, ku tsia ku bwaha? Ive u veye namakuva gelivamwoyo li ta hera mba.

Yohana 8:42

Yesu ya va volera, Nyasaye na a ve Dada wenyu, nkano mu yanza inze: kigira inze nda twula ku Nyasaye kuduka hano; kandi si nzidzi mwene, navutswa ya ntuma.

1 Vakorintho 11:23

Kigira nda vugula ku Mwami yiki kya nda ha mwinye, kuli Mwami Yesu mu budiku yibwo bwa ya zamwa ya vugula ubukima;

1 Vakorintho 15:1

Kalunu, avamitu, mmannya mwinye ivangeli ya nda mwilwadzira, ya mwa vugula, niyo ya mu singiye muyo,

Kwidzulitsa 18:18

Nda va singeridzira mprofeti hagati ha vamwavo vavo, a veye kuli ive; na nda vika amakuva gange mmunwa gwigwe, na a la va volera gosi aga nda mu laga.

1 Vatesalonike 2:13

Kigira yaga kwinye kandi ku santidzanga Nyasaye bugira kulekera, kigira lwa mwa nyola ku kwinye likuva lyobutumwa nalyo ni likuva lya Nyasaye, mwinye si mwa li gumira kuli li veye likuva lyavandu, navutswa kuli li veye ligali likuva lya Nyasaye, li kola kandi mu mwinye ava suuvira.

1 Vatesalonike 4:1

Inyima yaga, avamitu, ku mu goonya nokumweganehidza mu Mwami Yesu, kuli mwa vugula ku kwinye nu bulahi mu gendere nokuyanzidza Nyasaye, kuli mu gendanga, mu duke kukira ligali.

1 Yohana 4:14

Na kwinye kwa lola kandi ku lolekidza, Dada ya tuma Mwana wewe a ve Muhonnyi wavomkivala.

Likunula 1:1

Likunula lya Yesu Kristo, lya Nyasaye ya mu ha, a mannye avatugwa veve, vindu vya ga dukiranga kukolwa bwangu: kandi ya tuma ingelosi a mannye Yohana mutugwa wewe;