Yohana 17:3 - KITABU KITAKATIFU

³ Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Yohana 17:3 ပူးပေါင်းရင်းမြစ်များ

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

2 Kyetsinyinga 15:3

Kigira kuduka inyinga ntambi Israeli ya li vutswa bugira Nyasaye weligali, na bugira musalisi wokwegidza, na bu gira lilaga:

Zaburi 9:10

Navo ava manya lieta lilyo va la suuvira ive; Kigira ive, Yahova, si u leki ava kwenya ive.

Tsing'ano 8:35

Kigira ku vosi uyu u nyolanga inze a nyolanga livamwoyo, Na a la nyola tsimbabasi tsya Yahova.

Isaya 48:16

Mwisunde himbi ku inze, mu hulire likuva yili; kutwula mu litanga si nda vola mu liviswa; kutwula inyinga ya li ho, inze nda li ho: na kalunu Yahova Nyasaye u ntumi, na Roho wewe.

Isaya 53:11

A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Hosea 6:3

Hene yaho ku la manya, ni ku va ni ku londerera kumanya Yahova: litwula lilye li veye lyeligali kuli mugamba; naye a ladza ku kwinye kuli imbula, kuli imbula yamadzi mavovo i kupanga ku lirova.

Marko 9:37

Ku vosi u li bugirira mulala ku vana va li ndi kigira lieta lyange, a bugirira inze: u bugirira inze, si a mbugirira, navutswa a bugirira wa ntuma.

Luka 9:48

na a va volera, Ku vosi u li bugirira mwana mukekeke uyu kigira lieta lyange, a bugirira inze; kandi ku vosi u li bugirira inze, a bugirira wa ntuma: kigira u veye mukekeke ku mwinye vosi, uyu niye munene.

Yohana 10:36

wa Dada ya tovola na a mu tuma kuudza mu kivala, mwinye mu vola kuye, U nyega; kigira nda vola, Inze mbeye Mwana wa Nyasaye?

Yohana 11:42

Kandi nda manya u mbulira madiku gosi: navutswa kigira kiduma ki singira ku inyasi, nda ga vola, va duke kusuuvira nkani nive wa ntuma.

Yohana 14:26

Navutswa uyu Mukonyi, Roho Mutakatifu wa Dada a la tuma ku lieta lyange, a la mwegidza amakuva gosi, naye a la mwidzulitsa gosi ga nda mu volera.

Yohana 17:18

Kuli wa ntuma kutsia mu lirova, kandi ndiyo inze nda va tuma kutsia mu lirova.

Yohana 17:21

vosi va duke kuva kindu kilala; kuli ive, Dada, u veye mu inze, na inze mu ive, kandi navo va duke kuva mu kwinye: avomkivala va duke kusuuvira ive wa ntuma.

Yohana 17:23

inze muvo, na ive mu inze, va dukidzwe kuva kindu kilala; avomkivala va manye ive wa ntuma, kandi ive u va yanza kuli u nyanza.

Yohana 17:25

Dada mulungi, avomkivala si va ku manya, navutswa inze nda ku manya; kandi yava va manya ive wa ntuma;

Yohana 17:8

kigira amakuva ga wa mpa, inze mali kuvaha; navo va ga vugula, kandi va manya ligali nda twula ku ive, kandi va suuvira ni ive wa ntuma.

Yohana 3:17

Kigira Nyasaye si ya tuma Mwana wewe kuudza mu kivala kukalagira avomkivala; navutswa kuhonnya avomkivala.

Yohana 3:34

Kigira uyo wa Nyasaye ya tuma a vola amakuva ga Nyasaye: kigira Nyasaye si a mu ha Roho nekigero.

Yohana 5:44

Mu nyala ndi kusuuvira mwinye ava hereridzana ubukumi, mu vula kwenya ubukumi bu twula wa Nyasaye u veye yeng'ine?

Yohana 6:57

Kuli Dada welivamwoyo ya ntuma, na inze mbeye mwoyo kigira Dada; kandi ndiyo uyu u ndia a la va mwoyo kigira inze.

Yohana 7:29

Inze mmu manya; kigira nda twula kuye, kandi ya ntuma.

Yohana 8:19

Kigira yaga va mu volera, Dada wowo a veye ha li ha? Yesu ya tivula, Si mu manya inze, kali Dada wange: ni mba ni mu manya inze, nkano mu manya Dada wange.

1 Vakorintho 15:34

Vuki bulahi, mu ta va mu lihambika, mu ta kola ubwoni; kigira avandi si va veye nelimanya Nyasaye: mbola yaga kumulegannya.

1 Vakorintho 8:4

Kunangwa amakuva yaga agokulia vindu vi salisirangwa misambwa, ku manya si ha veye nekifwananyi ki veye kindu mu lirova, kandi ku manya si ha veye na Nyasaye wundi, navutswa mulala yeng'ine.

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

Vafilipi 3:10

nduke kumanya uyu, netsingulu tsyelisimuguka lilye, nelisanga lyobusaliri bwibwe, nokufwananywa nelikudza lilye;

Vafilipi 3:8

Yee kandi inze ligali ndola vindu vyosi kuva ubugoti vutswa, kigira ubulahi kuvita bwelimanya lya Kristo Yesu Mwami wange: wa nda gotidzira ku, vindu vyosi, nokuvivalidza kuva amandu vutswa, nduke kunyola Kristo,

1 Vatesalonike 1:9

Kigira avene va vola amakuva getu agolugano lwelingira lyetu ku mwinye; kandi kuli mwa vika ha mugongo misambwa, nokuyeka ku Nyasaye, nokutumekira Nyasaye u veye mwoyo kandi weligali,

2 Vatesalonike 1:8

a la va tunga kisalya ava vula kumanya Nyasaye, nokuvula kuhulira ivangeli yo Mwami wetu Yesu:

Vahebraina 3:1

Kunangwa, avamitu avatakatifu, avasangi mu lilangwa lyomigulu, mu ganagane uyu Mutumwa, Musalisi Munene welyeyama lyetu, naye ni Yesu;

2 Petro 1:2

Tsimbabasi tsi ve ku mwinye nemirembe gyingihidzwe mu limanya lya Nyasaye nelya Yesu Mwami wetu

2 Petro 1:3

kigira tsingulu tsitsye tsyo Bunyasaye tsya ku ha vindu vyosi vi dukananga mu livamwoyo nomu litibwa lya Nyasaye, kigira limanya lya uyu wa ku langira ku bunene kuvita bwobukumi bwibwe mwene;

2 Petro 1:8

Kigira vindu yivi ni vi veye vyenyu nokukira, vi la mu kola mu vule kuva avagata kandi ava tama makuyu kuduka ku limanya Mwami wetu Yesu Kristo.

1 Yohana 1:2

(kandi livamwoyo lya lolekidzwa, na kwinye kwa lola, kandi kwa lolekidza, ni ku mwilwadzira livamwoyo, yili li ta hera mba, lya li na Dada, halala ni li lolekidzwa ku kwinye);

1 Yohana 1:3

lya kwa lola ni ku hulira yili ku mwilwadzira kandi mwinye mu duke kunyola lisanga nekwinye: yee, kandi lisanga lyetu li veye halala na Dada, na halala no Mwana wewe Yesu Kristo.

1 Yohana 2:23

Ku vosi wambakana Mwana, uyu si a veye na Dada: uyu weyama Mwana a veye na Dada kandi.

1 Yohana 4:6

Kwinye ku veye ava twula ku Nyasaye: u manya Nyasaye a ku hulira; u ta twula ku Nyasaye, si a ku hulira. Ku yaga ku manya Roho weligali na roho gwokugada.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.