Yohana 17:25 - KITABU KITAKATIFU

²⁵ Dada mulungi, avomkivala si va ku manya, navutswa inze nda ku manya; kandi yava va manya ive wa ntuma;

Yohana 17:25 ပူးပေါင်းရင်းမြစ်များ

Isaya 45:21

Mwilwadze, mu lete makuva, yee va kole makuva halala; ni bwaha wa vuula likuva yili kutwula ku matsya mbiri? Ni bwaha yilwadza likuva yili kale? Si a veye inze, Yahova wa kola? Kandi si ha veye na Nyasaye wundi na a ta li inze, Nyasaye wobulungi, no Muhonnyi; si ha veye nowundi.

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Matayo 16:16

Simoni Petro ya tivula, na a vola, Ive u veye Kristo, Mwana wa Nyasaye weliva mwoyo.

Luka 10:22

Dada wange ya mba vindu vyosi: kandi si ha li nomundu u manya Mwana ni bwaha, navutswa Dada; kandi Dada ni bwaha, navutswa Mwana, naye wo Mwana u yanza kumuvuulira.

Yohana 1:18

Si ha li nomundu wa lola Nyasaye inyinga kali indala; Mwana wivulwa muderwa u veye mu kiritu kya Dada, u mu vuuye.

Yohana 10:15

kuli Dada a manya inze, na inze mmanya Dada; kandi mbaana livamwoyo lyange kigira magondi.

Yohana 15:21

Navutswa yaga gosi va la mu kolera kigira lieta lyange, kigira si va manya wa ntuma.

Yohana 16:27

kigira Dada mwene a mu yanza, kigira mu nyanzi, kandi mu suuviye inze nda twula ku Dada.

Yohana 16:3

Kandi yaga va la kola kigira si va manya Dada, kandi inze.

Yohana 16:30

Kalunu ku manya ive u manya vindu vyosi, si u veye nobudaka bwomundu u ku teva: ku yaga ku suuvira ive wa twula ku Nyasaye.

Yohana 17:11

Inze si mbeye mu lirova kandi, navutswa yava va veye mu lirova, na inze ntsitsa ku ive. Dada Mutakatifu, u va linde ku lieta lilyo va wa mpa, va duke kuva kindu kilala kuli kwinye.

Yohana 17:18

Kuli wa ntuma kutsia mu lirova, kandi ndiyo inze nda va tuma kutsia mu lirova.

Yohana 17:21

vosi va duke kuva kindu kilala; kuli ive, Dada, u veye mu inze, na inze mu ive, kandi navo va duke kuva mu kwinye: avomkivala va duke kusuuvira ive wa ntuma.

Yohana 17:23

inze muvo, na ive mu inze, va dukidzwe kuva kindu kilala; avomkivala va manye ive wa ntuma, kandi ive u va yanza kuli u nyanza.

Yohana 17:3

Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Yohana 17:8

kigira amakuva ga wa mpa, inze mali kuvaha; navo va ga vugula, kandi va manya ligali nda twula ku ive, kandi va suuvira ni ive wa ntuma.

Yohana 3:17

Kigira Nyasaye si ya tuma Mwana wewe kuudza mu kivala kukalagira avomkivala; navutswa kuhonnya avomkivala.

Yohana 6:19

Kigira yaga lwa va mala kugenda tsimaili tsivaka kinga tsine va lola Yesu na a genda ku inyanza, naye ya li himbi nobwato: ni va tia.

Yohana 7:29

Inze mmu manya; kigira nda twula kuye, kandi ya ntuma.

Yohana 8:19

Kigira yaga va mu volera, Dada wowo a veye ha li ha? Yesu ya tivula, Si mu manya inze, kali Dada wange: ni mba ni mu manya inze, nkano mu manya Dada wange.

Yohana 8:55

na mwinye si mwa mu manya: navutswa inze mmanyi, na inze ni mba ni mbola, Si mu manya nda va mbehi kuli mwinye: navutswa inze mmanya kandi ngumira likuva lilye.

Vikolwa 17:23

Kigira lwa nda vita, ni mbenza vindu vyemiluka gyenyu, nda nyola kandi bwali bulala bwa ng'odwa amakuva yaga, BWA NYASAYE U TA MANYWA. Inze mmu vuulira yiki kya mu kolera miluka bugira kukimanya.

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

Varumi 1:28

Kandi kuli va sula kuva na Nyasaye mu limanya lyavo, Nyasaye ya va leka nomwoyo gwokuvihiriridza, va kole vindu vi ta dukana.

Varumi 3:11

Si ha veye nomanyi mba, Si ha veye nowenya Nyasaye;

Varumi 3:26

Ku lilolekidza lyobulungi, mbola, inyinga ya kalunu: mwene a ve mu lungi, kandi a ve muhaani wobulungi ku uyu u veye nelisuuvira ku Yesu.

1 Vakorintho 1:21

Kigira mu bugeeri bwa Nyasaye, lirova, mu bugeeri bwalyo, si lya manya Nyasaye, Nyasaye ya yanza kuhonnyira avasuuvira mu busiru bwelilwadza.

1 Vakorintho 15:34

Vuki bulahi, mu ta va mu lihambika, mu ta kola ubwoni; kigira avandi si va veye nelimanya Nyasaye: mbola yaga kumulegannya.

2 Vakorintho 4:4

avomunyasaye welirova yili u vakulidzi muvo tsiganagani tsyavo ava vula kusuuvira, ubulavu bwevangeli yobukumi bwa Kristo, u veye ligondo lya Nyasaye, ubulavu yibu bu ta ng'ereng'ana kuvo.

2 Vatesalonike 1:8

a la va tunga kisalya ava vula kumanya Nyasaye, nokuvula kuhulira ivangeli yo Mwami wetu Yesu:

Vahebraina 8:11

Kandi si va legidzana mundu sa mulala nowakye, Kandi mundu sa mulala na amwavo wewe, a vole, Manya Mwami Kigira vosi va la manya inze, Kutwula ku mukekeke kuduka ku munene kuvo.

1 Yohana 1:9

Ni kweyama ubwoni bwetu, a veye musuuviridzi kandi a veye mulungi kuduka kusameha ubwoni bwetu, nokukwogidza vyosi vi ta li ubulungi.

Likunula 13:8

Navo vosi ava menya mu lirova va la gi sigamira vosi avameta gavo ga vula kung'odwa mu kitabu kyelivamwoyo kyo Mwana Weligondi wiitwa, kutwula lwelirova lya lombwa muse.

Likunula 16:5

Kandi nda hulira inge losi wamadzi, na a vola, Ive u veye Mulungi, u veye ho nowa li ho, ive Mutakatifu, kigira wa kalaga ndiyo: