Yohana 17:23 - KITABU KITAKATIFU

²³ inze muvo, na ive mu inze, va dukidzwe kuva kindu kilala; avomkivala va manye ive wa ntuma, kandi ive u va yanza kuli u nyanza.

Yohana 17:23 ပူးပေါင်းရင်းမြစ်များ

Yohana 10:38

Navutswa ni mba ni nkola, kali mu vula kunsuuvira, mu suuvire miyinzi, mu duke kuhulira nokumanya, Dada a veye mu inze, na inze mu Dada.

Yohana 13:35

Ku yaga avandu vosi va la mu manya mwinye mu veye avegidzwi vange, ni mba mu yanzana.

Yohana 14:10

Si u suuvira inze mbeye mu Dada, na Dada a veye mu inze? Amakuva ga mmu volera si nga vola inze mwene: navu tswa Dada a veye mu inze a kolanga miyinzi gyigye.

Yohana 14:23

Yesu ya tivula, na a mu volera, Mundu na a nyanza, a la gumira likuva lyange: na Dada wange a la mu yanza kwinye ku ladza kuye, na ku la, menya naye.

Yohana 15:9

Kuli Dada ya nyanza, inze kandi mmu yanza ndiyo: mu menye mu buyanzi bwange.

Yohana 16:27

kigira Dada mwene a mu yanza, kigira mu nyanzi, kandi mu suuviye inze nda twula ku Dada.

Yohana 17:11

Inze si mbeye mu lirova kandi, navutswa yava va veye mu lirova, na inze ntsitsa ku ive. Dada Mutakatifu, u va linde ku lieta lilyo va wa mpa, va duke kuva kindu kilala kuli kwinye.

Yohana 17:21

vosi va duke kuva kindu kilala; kuli ive, Dada, u veye mu inze, na inze mu ive, kandi navo va duke kuva mu kwinye: avomkivala va duke kusuuvira ive wa ntuma.

Yohana 17:24

Yava ava wa mpa, Dada, ha mbeye inze nyenya yava va ve ho, va duke kulola ubukumi bwange, bwa wa mpa: kigira wa nyanza, lirova li kikiri kutemwa muse.

Yohana 17:26

na inze mmali kuvamannya lieta lilyo, kandi nda va mannya; ubuyanzi bwa wa nyanza nabwo bu duke kuva muvo, na inze muvo.

Yohana 17:3

Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Yohana 17:8

kigira amakuva ga wa mpa, inze mali kuvaha; navo va ga vugula, kandi va manya ligali nda twula ku ive, kandi va suuvira ni ive wa ntuma.

Yohana 3:17

Kigira Nyasaye si ya tuma Mwana wewe kuudza mu kivala kukalagira avomkivala; navutswa kuhonnya avomkivala.

Yohana 6:56

Uyu u lia inyama yomubiri gwange nokunwa masahi gange a menya mu inze, kandi inze muye.

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vagalatia 3:28

Si ha li no Muyuda kinga Mugreki, kinga mutugwa, kinga muboholole, kinga mu satsa kinga mukali; kigira mu veye mulaia mu Kristo Yesu.

Vafilipi 3:15

Kunangwa kwinye kwosi ava ku veye avadukiru, ku ganagane ndi: kandi mwinye ni mu ganagana vindi vindu, ku vyosi Nyasaye a la mu vuulira kindu zana yiki kandi:

Vakolosai 1:28

Uyu wa kwilwadza, nokweganehidza avandu sa mulala, nokwegidza avandu sa mulala mu bugeeri bwosi, ku duke kusingeridza mundu sa malala a ve mudukiru mu Kristo.

Vakolosai 2:2

va duke kuleminywa mwoyo gwavo, va hambanywe halala mu buyanzi, kuduka ubutugi bwosi bwobudukiru bwelimanya, va duke kumanya ubuvisi bwa Nyasaye, obu veye Kristo,

Vakolosai 3:14

nokuvita vindu yivi vyosi mu ve nobuyanzi, bu veye kiboheru kyobudukiru.

1 Petro 5:10

Kandi Nyasaye wetsimbabasi tsyosi wa langa mwinye mu duke kunyola ubukumi bwibwe bwemihiga nemihiga mu Kristo, lwa mu mali kusaliridzwa inyinga inkekeke, mwene a la mu kola avadukanu, nokumusingeridza, nokumuvika tsingulu.

1 Yohana 1:3

lya kwa lola ni ku hulira yili ku mwilwadzira kandi mwinye mu duke kunyola lisanga nekwinye: yee, kandi lisanga lyetu li veye halala na Dada, na halala no Mwana wewe Yesu Kristo.

1 Yohana 3:1

Henza ubuyanzi lugano ki bwa Dada ya kuha, ku langwe avana va Nyasaye; kandi ku veye ndiyo. Kigira yaga avomkivala si va ku manya, kigira si va mu manya.

1 Yohana 4:19

Kwinye ku yanza kigira ya tanga kukuyanza.

Likunula 3:9

Henza, nku hedzanga avelivugana lya Setani, ava volanga va veye Avayuda, navutswa si va li ndiyo, navutswa va vehanga; henza, nda va kola vadze kukusigamira ha virenge vivyo, nokumanya inze nku yanzi.