Yohana 17:22 - KITABU KITAKATIFU

²² Kandi ubukumi bwa wa mpa, inze mmali kuvaha; va duke kuva kindu kilala, kuli kwinye ku veye kindu kilala;

Yohana 17:22 ပူးပေါင်းရင်းမြစ်များ

Marko 6:7

Ya langa ava li likumi na vaviri na a tanga kuvahila si vaviri si vaviri; na a va ha tsingulu ku myoyo midamano.

Luka 22:30

mu duke kulia nokunwa ku imeza yange mu bwami bwange; kandi mu likala ku visako vyobwami mu kalagira tsihiri likumi na tsiviri tsya Israeli.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 1:16

Nu ku bwizuli bwibwe kwinye kwosi ku nyoye netsimbabasi ku tsimbabasi.

Yohana 14:20

Ku lidiku yilyo mu la manya, inze mbeye mu Dada wange, na mwinye mu veye mu inze, na inze mbeye mu mwinye.

Yohana 17:24

Yava ava wa mpa, Dada, ha mbeye inze nyenya yava va ve ho, va duke kulola ubukumi bwange, bwa wa mpa: kigira wa nyanza, lirova li kikiri kutemwa muse.

Vikolwa 5:41

Kunangwa va tsia ni ya twula mu kyina, ni va yanza kigira va validzwa kudukana nokuvikwa mu tsisoni kigira lieta yilye.

Varumi 8:30

Kandi yava ava yaahla ya va langa: kandi ava ya langa, ya va ha ubulungi: kandi ava ya ha ubulungi, ya va ha ubukumi kandi.

2 Vakorintho 3:18

Navutswa kwinye kwosi nomumoni mwa vula kukunikwa ubwasasu ku lolanga ubukumi bwo Mwami kuli mu kyeloleru, ku girukannyangwa kuduka ligondo lilala kutwula ku bukumi kuduka ku bukumi, kuli ku Mwami, Roho uyu.

2 Vakorintho 5:20

Kunangwa ku veye avatumwa kigira Kristo, kuli Nyasaye a goonyanga neminwa gyetu: ku goonya mwinye kigira Kristo, mu hambannywe na Nyasaye..

2 Vakorintho 6:1

Muye. Na kwinye ku yinzira halala naye ku mu goonya kandi mu ta vugula tsimbabasi tsya Nyasaye tsi ve tsya vutswa.

Vafeso 2:20

kigira mwombakeywi mmuse gwavatumwa nava profeti, Kristo Yesu mwene a veye ligina lyolwiga linene;

Vafilipi 1:29

Kigira ku mwinye mwa hebwa kigira Kristo, si ga li ku lisuuvita kuye lyeng'ine, navutswa kandi kusalirira kuye:

Vakolosai 1:24

Kalunu nsangala mu busaliri bwange kigira mwinye, kandi ndukidzira mu mubiri gwange kya gehera ku busaliri bwa Kristo kigira mubiri gwigwe, ogu veye livugana;

1 Yohana 1:3

lya kwa lola ni ku hulira yili ku mwilwadzira kandi mwinye mu duke kunyola lisanga nekwinye: yee, kandi lisanga lyetu li veye halala na Dada, na halala no Mwana wewe Yesu Kristo.

1 Yohana 3:24

Kandi u gumira amalago gege a menyanga muye, naye muye. Ku yaga ku manya u menyanga mu kwinye, ku Roho wa ya ku ha.

1 Yohana 4:17

Ku yaga ubuyanzi bu dukidzeywi ku kwinye, ku duke kunyola ubuluviriri mu lidiku lyokukalaga; kigira kuli a veye, kandi kwinye ku veye ndiyo mu lirova yili.

Likunula 21:14

Kandi lidigi lyelidala zana lya li nemise likumi na gyiviri, kandi ku mise ga li ku ameta likumi na gaviri gavatumwa likumi na gaviri vo Mwana Weligondi.