21 vosi va duke kuva kindu kilala; kuli ive, Dada, u veye mu inze, na inze mu ive, kandi navo va duke kuva mu kwinye: avomkivala va duke kusuuvira ive wa ntuma.
Kandi mbeye namagondi agandi, ga ta veye gomu kego yiki: nago kandi ga ndukira ndete, kandi yaga ga la hulira mwoyo gwange; ga la gwa kyayo kilala nomwayi mulala.
Inze si mbeye mu lirova kandi, navutswa yava va veye mu lirova, na inze ntsitsa ku ive. Dada Mutakatifu, u va linde ku lieta lilyo va wa mpa, va duke kuva kindu kilala kuli kwinye.
Kandi madiku gosi va hongera mu litempeli, nomwoyo mulala nokumegannya ubukima hango, ni va vugula vyokulia vyavo nobuyanzi kandi nemyoyo gyi ta li nobugadi,
Kandi kiduma kya yava va suuvira va li nomwoyo mulala na roho mulala: si ha li nomulala kuvo wa vola kindu kya ya li nakyo, ni kyange; navutswa va sanga vindu vyosi.
Kalunu mmu goonya ligali, avamitu, ku lieta lyo Mwami wetu Yesu Kristo, mu vole amakuva malala mwinye mwosi, kandi lyavukana li ta va ku mwinye; navutswa mu lalilidze imbulirani mu tsiganagani kandi mu makuva.
Geng'ine limenya lyenyu li ve kuli wa li dukiranga ivangeli ya Kristo: ni mba ni nzidza kumulola naho ni mba ni nta va ho, mbulire amakuva genyu, mu singiranga nobuluviriri mu roho mulala, nomwoyo mulala mu lwana kigira lisuuvira lyevangeli;
lya kwa lola ni ku hulira yili ku mwilwadzira kandi mwinye mu duke kunyola lisanga nekwinye: yee, kandi lisanga lyetu li veye halala na Dada, na halala no Mwana wewe Yesu Kristo.