Yohana 17:15 - KITABU KITAKATIFU

¹⁵ Si nku saava u va twulidze mu lirova, navutswa u va linde ku mudamano.

Yohana 17:15 ပူးပေါင်းရင်းမြစ်များ

Litanga 48:16

Ingelosi wa mbonnya kuntwulidza ku budamano bwosi, a gasidze avayai; na lieta lyange litalirwe kuvo, na lieta lya vaguga vange Abrahamu na Isaka; navo va viruke, nokukula kuva avanyingi mu lirova.

1 Kyetsinyinga 4:10

Na Jabezu yanira Nyasaye wa Israeli, na a vola, Nkano wa ngasidza ligali, nokumeda lwako lwange, nomukono gugwo gu ve halala ninze, kandi u ninde ku budamano, bu vule kuva buverereri bwange Na Nyasaye ya mu kolera yaga aga ya teva.

Zaburi 121:7

Yahova a la ku linda ku bubi bwosi; A la linda mwoyo gugwo.

Zaburi 30:9

Ubulahi ki bu veye mmasahi gange, lwa ntsia mbogo? Ulugukyi lu nyala kukusantidza? Iu nyala kulandidza ageligali gogo?

Kohelethu 9:10

Ku vyosi kyomukono gugwo gu duka kukola, u ki kole netsingulu tsitsyo tsyosi; kigira si ha veye nemiyinzi, kinga livalidza, kinga limanya, kinga ubugeeri, mu kilindwa kya u tsitsanga mu.

Isaya 57:1

Mulungi a diva, na si ha veye nomundu u ga vika mmwoyo; avetsimbabasi va twulidzangwa, na si ha veye na u ganagana avalungi va twulidzwa ku budamano budzanga.

Matayo 5:37

Navutswa amakuva genyu ga ve, Yee, Yee; Auwa, Auwa: kandi ku gosi aga vita yaga ga twula ku mudamano.

Matayo 6:13

U ta ku hila mu ligeridzwa, navutswa u ku twulidze ku mudamano. Kigira ubwami, netsingulu, nobukumi ni vivyo mihiga nemihiga. Ameni.

Luka 11:4

U ku samehe ubwoni bwetu; kigira kwinye avene ku sameha avoni vetu. U ta ku hila mu ligeridzwa.

Luka 22:32

navutswa inze mmali kukusaalira, lisuuvira lilyo li ta geha; kandi ive lwa u li mala kwirana, u luviridze avamwavo vovo.

Vagalatia 1:4

wehaana kigira ubwoni bwetu, a duke kukuhonnya mu inyinga ya kalunu indamano yiyi, kuli ubulaliri bwa Nyasaye wetu, Dada wetu:

2 Vatesalonike 3:3

Navutswa Mwami a veye musuuvirifu, u li luviridza mwinye, nokumulinda ku mudamano.

2 Timoteo 4:8

Lwenyima mbikeywi itaji yobulungi, yo Mwami mukalagi wobulungi, a li mpa mu lidiku yilyo; navutswa si a li inze tsyeng'ine navutswa yava vosi ava yanza lilang'ama lilye.

1 Yohana 5:18

Ku manya, ku vosi wivulwa kutwula ku Nyasaye si a kola ubwoni; navutswa wivulwa ku twula ku Nyasaye yelinda, na mudamano si a mu dira mba.

1 Yohana 5:19

Ku manya ku veye ava twula ku Nyasaye, kandi avomkivala vosi va gona mu mudamano.