Yohana 17:11 - KITABU KITAKATIFU

¹¹ Inze si mbeye mu lirova kandi, navutswa yava va veye mu lirova, na inze ntsitsa ku ive. Dada Mutakatifu, u va linde ku lieta lilyo va wa mpa, va duke kuva kindu kilala kuli kwinye.

Yohana 17:11 ပူးပေါင်းရင်းမြစ်များ

Zaburi 79:9

U ku konye, O Nyasaye wobuho nywi bwetu, kigira ubukumi bwelieta lilyo; U ku honnye, na u ku samehe ubwoni bwetu, kigira lieta lilyo.

Tsing'ano 18:10

Lieta lya Yahova li veye impinga yetsingulu; Mulungi yirukira muyo ma a hona.

Isaya 27:3

Inze Yahova mbeye mulindi wagwo; nda gu sama amadzi tsinyinga tsyosi: gase mundu a la gwononnya, nda gu linda budiku nombasu.

Isaya 64:2

kuli lwa muliru gu sambanga luvonga lwomu mulitu, na muliru gu viridzanga amadzi; kuduka kuvuulira avasigu vovo lieta lilyo avetsihiri va duke kudegera imbiri wowo

Jeremia 14:21

U ta ku vihirirwa mba, kigira lieta lilyo; u ta legannya intebe yobwami yobukumi bubwo: widzulitse, u tononnya lilagana lya wa kola nekwinye.

Jeremia 14:7

Kali ubudamano bwetu ni bu lolekidza ku kwinye, u kole miyinzi kigira lieta lilyo, O Yahova; k igira lirana inyima lyetu ni linyingi; ku koleye ive ubwoni.

Ezekieli 20:22

Navutswa nda twulidza mukono gwange, na nda kola kigira lieta lyange, li vule kwononnywa imbiri wetsimoni tsyetsihiri, tsya lola ni mba letanga.

Ezekieli 20:44

Na mu la manya inze mbeye Yahova lwa nkolera mwinye bulahi kigira lieta lyange, na mbule kumukolera kuli tsinzira tsyenyu tsindamano, kinga kuli vikolwa vyenyu vyobwoneku mwinye avenyumba ya Israeli, Mwami Nyasaye a vola.

Ezekieli 20:9

Navutswa nda kola kigira lieta lyange, li vule kwononnywa imbiri wetsimoni tsyetsihiri, ava va li hagati havo, ava ndelang'aminya imbiri wetsimoni tsyavo, mu livatwulidza mu kivala kya Egepeti.

Matayo 10:16

Henza, inze mmu tuma kuli magondi hagati hevisalang'ongo; mu ve nobugeeri kuli tsinzoka, nobuhooma kuli makuulu.

Matayo 5:48

Mu veye avadukanu kuli Dada wenyu womigulu a veye mudukanu.

Matayo 6:9

Mwinye mu saale ndi; Dada wetu u veye migulu lietalilyolidzominywe.

Yohana 13:1

Imbiri welilia lyelipasaka, Yesu ya li na a manya inyinga yeye i duki yokutwula mu kivala yiki nokutsia ku Dada, ya mala kuyanza aveve ava li mu kivala, ya va yanza kuduka ku kiheri.

Yohana 13:3

Yesu ya li na a manya Dada wewe u mali kumuha vindu vyosi mu makono gege, kandi ya twula ku Nyasaye kandi a tsia ku Nyasaye,

Yohana 14:20

Ku lidiku yilyo mu la manya, inze mbeye mu Dada wange, na mwinye mu veye mu inze, na inze mbeye mu mwinye.

Yohana 16:28

Nda twula ku Dada ntsitsa mu kivala: kandi, nda leka kivala, ntsia wa Dada.

Yohana 16:33

Yaga mmali kumuvolera, mu duke kuva nemirembe ku inze. Mu lirova mu la va nekivi: navutswa mwidinyiridze; inze mmali kuguuta avomkivala.

Yohana 17:23

inze muvo, na ive mu inze, va dukidzwe kuva kindu kilala; avomkivala va manye ive wa ntuma, kandi ive u va yanza kuli u nyanza.

Yohana 17:25

Dada mulungi, avomkivala si va ku manya, navutswa inze nda ku manya; kandi yava va manya ive wa ntuma;

Yohana 17:6

Lieta lilyo mmali kuvuulira avandu va wa mpa ku avomkivala: va li avovo, nive wa mpa; kandi va gumiye likuva lilyo.

Yohana 7:33

Kigira yaga Yesu ya vola, ha tigaye hakekeke ni mbeye na mwinye, kandi nda tsia ku uyu wa ntuma.

Vikolwa 3:21

wa ga dukira ligulu kumuvugula kuduka ku tsinyinga tsyokwirannya vindu vyosi, vya Nyasaye ya volera mu minwa gyavaprofeti veve vatakatifu kutwula kale.

Varumi 12:5

kandi ndiyo kwinye ku veye avanyingi, ku veye mubiri mulala mu Kristo, kandi ku veye vivero sa mulala sa mulala nowakye.

Varumi 9:17

Kigira ma ng'oda ga volera Farao, Nda vika ive kigira ubulaliri yibu, nduke kuku lang'aminyira tsingulu tsyange, kandi lieta lyange li duke kulandidzwa mu lirova lyosi.

1 Vakorintho 1:10

Kalunu mmu goonya ligali, avamitu, ku lieta lyo Mwami wetu Yesu Kristo, mu vole amakuva malala mwinye mwosi, kandi lyavukana li ta va ku mwinye; navutswa mu lalilidze imbulirani mu tsiganagani kandi mu makuva.

Vagalatia 3:28

Si ha li no Muyuda kinga Mugreki, kinga mutugwa, kinga muboholole, kinga mu satsa kinga mukali; kigira mu veye mulaia mu Kristo Yesu.

Vafeso 4:4

Ha veye nomubiri mulala, kandi Roho mulala, kuli mwinye kandi mwa langwa mu lisuuviridzwa lilala lyelilangwa lyenyu;

Vafilipi 2:9

Kigira yaga Nyasaye ya mu kuminya ligali, na a mu ha lieta li veye igulu wameta gosi;

Vahebraina 1:3

Uyu u veye bung'ering'anu bwobukumi bwibwe, nelifwana lyolugano lwilwe mwene, kandi u diranga vindu vyosi ku likuva lyetsingulu tsitsye, kandi lwa ya mala kulomba lyogidza lyobwoni, yikala ha mukono mulungi gwo Munene migulu;

Vahebraina 9:24

Kigira Kristo si yingira mu hatakatifu ha lombwa namakono, kuli lifwana lya heligali; navutswa mu ligulu lyene, kalunu a loleke imbiri wa Nyasaye kigira kwinye:

Yakobo 4:4

Avobuheyi, si mu manya ubulina bwevyelirova bu veye ubusigu ku Nyasaye? Uyu wenya kuva mulina wevyelirova yekolanga musigu wa Nyasaye.

1 Petro 1:5

ava lindangwa netsingulu tsya Nyasaye, kigira lisuuvira kuduka ku buhonnyi, bwetegeki kulang'aminywa mu inyinga yekiheri.

1 Yohana 3:12

ku ta va kuli Kaini ya li womudamano, ni yiita amwavo wewe. Kandi ya mwiita kigira ki? Kigira vikolwa vivye vya li vidamano, nevyamwavo wewe vya li vilungi.

1 Yohana 5:19

Ku manya ku veye ava twula ku Nyasaye, kandi avomkivala vosi va gona mu mudamano.

Yudasi 1:1

Yudasi, mutugwa wa Yesu Kristo, amwavo wa Yakobo, ibaruula yange yiyi i duke ku va langwa ava yanzangwa mu Nyasaye Dada, ava lindirangwa Yesu Kristo:

Yudasi 1:24

Kalunu ku uyu u nyala kulinda mwinye mu vule kwikigitala, nokumusingeridza imbiri wobukumi bwibwe bugira imbala mu buyanzi ubunene,

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.

Likunula 19:12

Kandi tsimoni tsitsye tsi veye kuli lumemo lwomuliru kandi ku mutwe gwigwe tsi veye ku tsitaji tsinyingi; kandi a veye nelieta li ng'odeywi li ta veye ho nomundu u li manya, na a ta li uyu mwene.

Likunula 4:8

Kandi vilombe vi veye mwoyo vine, sa kilala kuvyo kya li namavaha gatano na lilala, navyo vizula tsimoni hosi nomugati: navyo si vi sosanga mbasu nobudiku, vi volanga, Mutakatifu, mutakatifu, mutakatifu, Mwami Nyasaye, Wanyala Vyosi, wa li ho, no veye ho, no udzanga.