Yohana 17:1 - KITABU KITAKATIFU

¹ Yesu ya vola yaga, na a digulukidza tsimoni tsitsye igulu, na a vola, Dada, isaa i mali kuduka u kuminye Mwana wowo, Mwana a duke kukuminya ive:

Yohana 17:1 ပူးပေါင်းရင်းမြစ်များ

Zaburi 123:1

Ng'inga tsimoni tsyange ku ive, O ive wikaye migulu.

Isaya 38:14

Kuli litonderidzi kinga iminyi, ni ndiyo nda yovoya; Nda syoma kuli likulu, tsimoni tsyange tsi lutsiririra ku lihenza igulu: O Yahova, inze ndambidzangwa, u ve kihambiriru kyange.

Marko 14:41

Yadza kuvo hali kavaka, na a va volera, Mu gone kalunu, mu sose: ga duki; isaa i duki; henza Mwana wa Adamu a zamwa mu makono gavoni.

Luka 18:13

Navutswa musololi wobushutu, ya singira ihale si ya li nomwoyo gu duka kuhenza igulu, navutswa yiduya ku kiritu kikye, na a vola, Nyasaye, u mbere rere inze mwoni.

Luka 22:53

Lwa nda li halala nemwinye kazozo mu litempeli, si mwa nyira amakono genyu kungumira: navutswa yiyi ni isaa yenyu, neyetsingulu tsyekisundi.

Yohana 11:4

Navutswa Yesu lwa ya hulira ya vola, Ubulwaye yibu si bu veye bwokuduka likudza navutswa bu veye kigira ubukumi bwa Nyasaye, Mwana wa Nyasaye a duke kukuminywa.

Yohana 11:41

Kunangwa va twulidza ligina. Na Yesu ya henza migulu na a vola, Dada, nku santidza kigira wa mbulira.

Yohana 12:23

Yesu ya va tivulira, na a vola, Isaa i duki, Mwana wa Adamu a kuminywe.

Yohana 13:1

Imbiri welilia lyelipasaka, Yesu ya li na a manya inyinga yeye i duki yokutwula mu kivala yiki nokutsia ku Dada, ya mala kuyanza aveve ava li mu kivala, ya va yanza kuduka ku kiheri.

Yohana 16:32

Henza, isaa yidza, yee, i mali kuduka, ya mwinye mu lavukanira avandu sa mulala ku vindu vivye, mu leke inze tsyeng'ine: navutswa inze si mbeye tsyeng'ine, kigira Dada a veye halala ninze.

Yohana 7:30

Kigira yaga venya kumugumira: navutswa si ha veye nomundu wa hila kuye mukono, kigira isaa yeye ya li ni i kikiri kuduka.

Yohana 7:39

Navutswa yaga ya vola ku Roho, wa va li nyola, yava ava suuvira kuye: kigira Roho ya li na kikiri kuhaanwa; kigira Yesu ya li na a kikiri kuhebwa ubukumi.

Yohana 8:20

Amakuva yaga ya volera hetsishilling tsi vikangwa, lwa yegidza mu litempeli: kandi si ha li nomundu wa mu gumira, kigira isaa yeye ya li ni i kikiri kuduka.

Vikolwa 3:13

Nyasaye wa Abrahamu, nowa Isaka, nowa Yakobo, Nyasaye wavaguga vetu, u kuminyi Mutumekiri wewe Yesu; wa mwa zama nowa mwambakana imbiri wa Pilatu, lwa ya saavira kumuboholola.

1 Petro 1:21

ava mu vereye kuye, avasuuviri Nyasaye, wa mu simugukidza kutwula mu vakudzu, nokumuha ubukumi; lisuuvira lyenyu nelihenzerera vi duke kuva ku Nyasaye.