Yohana 16:20 - KITABU KITAKATIFU

²⁰ Ligali, ligali, mmu volera, mwinye mu la lira ni mu syoma, navutswa avomkivala va la sangala: mwinye mu la verera, navutswa ubuvereri bwenyu bu la girunkanywa bu ve ubuyanzi.

Yohana 16:20 ပူးပေါင်းရင်းမြစ်များ

Ayubu 20:5

Ubusangali bwavadamano bu heranga bwangu, Ubuyanzi bwa va ta tia Nyasaye bu veye bwedagika indala vutswa?

Zaburi 30:11

U ngirunkannyeye ubuvereri bwange kuva lisangala U navuye ingubo yange yeligunia, na u mbiki ingubo yobusangali;

Zaburi 30:5

Kigira ubutima bwibwe bu veye bwedagika indala vutswa Tsimbabasi tsitsye tsi veye tsyamadiku gosi gelivamwoyo; Namusia lilira li la va ho ubudiku Navutswa mugamba ubusangali bulavaho.

Zaburi 97:11

Ubulavu bu midzirwa avalungi, Na ubusangali ku yavo ava li nomwoyo mulahi.

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 61:3

kutovolera yavo ava syomanga mu Zioni, kuvaha igudwa yekimuli mbugono bweligoke, amaguta gobuyanzi mbugono bwelisyoma, tsingubo tsyelidzominywa mbugono bwomwoyo muliduhu; va duke kulangwa misala gyobulungi, gya Yahova ya simika, a duke kukuminywa.

Isaya 66:5

Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.

Jeremia 31:25

Kigira mmali kwigutidza mwoyo gwa li ni gu luhi, nemyoyo sa mulala ugwa li ni gu vereranga mmali kugwirannya kuva umuhya.

Matayo 21:38

Navutswa avalimi lwa va lola mwana wewe va volerana, Uyu nu mhili womwandu, hambi, ku mwiite, ku hile vindu vivye.

Matayo 5:4

Va veye nobugasu ava veye neliverera: kigira va la leminnywa mmyoyo.

Marko 14:72

Nonoho idaywa ya lagula kaviri. Kandi Petro yidzulitsa likuva lya Yesu ya mu volera, Idaywa ni i kikiri kulagula hali kaviri, ive u la nyambakana hali kavaka. Lwa ya ganagana amakuva yago, ya lira.

Marko 16:10

Ya tsia na a volera ava vedza halala naye, lwa va li ni va kikiri mu maliga ni va liranga.

Luka 22:45

Kandi lwa ya singira kutwula ku lisaala lilye, yadza ku vegidzwi veve, na a va nyola va gona tsindolo kigira ubuvereri,

Luka 22:62

Ya twula na a lira nobuvereri bunene.

Luka 23:27

Kandi kiduma kinene kyavandu kya mu londa, kandi kyavakali ave duya ni va mu syomera.

Luka 24:17

Naye ya va volera, Amakuva ki ga mu volerana, ni mu genda? Navo va singira va loleka kuli va verera.

Luka 24:21

Navutswa kwinye kwa suuvira ya li uyu u li honnya Israeli. Kandi halala na yaga, kutwula inyinga vindu yivi vya kolwa lero ikavaka.

Luka 6:21

Mu veye nobugasu mwinye ava veye nenzala kalunu: kigira mu liguta. Mu veye nobugasu ava liranga kalunu; kigira mu la seka.

Yohana 16:33

Yaga mmali kumuvolera, mu duke kuva nemirembe ku inze. Mu lirova mu la va nekivi: navutswa mwidinyiridze; inze mmali kuguuta avomkivala.

Yohana 16:6

Navutswa kigira mmu volera yaga, ubuvereri bwizuye mu myoyo gyenyu.

Yohana 20:20

Lwa ya mala kuvola yaga, ya va mannya makono gege nomu tsimbalu mwimwe. Kunangwa avegidzwi lwa va lola Mwami, va yanza.

Vikolwa 5:41

Kunangwa va tsia ni ya twula mu kyina, ni va yanza kigira va validzwa kudukana nokuvikwa mu tsisoni kigira lieta yilye.

Varumi 5:11

Kandi si ga li yaga geng'ine, navutswa kandi ku sangalira mu Nyasaye kigira Mwami wetu Yesu Kristo, wa ku mali kunyola kuye lihambanywa kalunu.

2 Vakorintho 6:10

kuli ava verera, navutswa ava sangalanga kazozo; kuli avadaka, navutswa ku kolanga avanyingi avatugi; kuli ava ta li nekindu, navutswa ku veye nevindu vyosi.

Vagalatia 5:22

Navutswa likuyu lya Roho li veye ubuyanzi, nobusangali, nemirembe, nobwikudziri, netsimbabasi, nobulungi, nobusuuvirifu,

1 Vatesalonike 1:6

Kandi mwinye mwa gwa avegi ku kwinye noku Mwami, mu mali kunyola likuva mu busaliri bunyingi, halala nelisangala lya Roho Mutakatifu;

Yakobo 1:2

Mu lole bu veye ubuyanzi bwere, avamitu, inyinga mu gwa mu ligeridzwa tsing'ano netsing'ano.

Yudasi 1:24

Kalunu ku uyu u nyala kulinda mwinye mu vule kwikigitala, nokumusingeridza imbiri wobukumi bwibwe bugira imbala mu buyanzi ubunene,

Likunula 11:10

Kandi yava ava menya mu lirova va yanza kuvo, nokusangala; kandi va haa nirana vihaanwa avene navene; kigira avaprofeti vaviri yavo va li va saliridza ava menya ku lirova.

Likunula 18:7

Ku liidzominya lyalyo, noku limenya lyalyo bugira kwilinda, mu li he ubusaliri neliverera kule ng'ana na yaga: kigira livola mu mwoyo gwalyo, Inze mmenya mu bwami, kandi si mbeye mukunzakali, kandi si nda va neliverera kali hakuzu.