Yohana 16:19 - KITABU KITAKATIFU

¹⁹ Yesu ya manya venya kumuteva, naye ya va volera, Mu tevana mwinye ku yilyo lya mmu volera, Ha tigaye hakekeke, si mu la ndola, kandi ha tigaye hakekeke, mu la ndola?

Yohana 16:19 ပူးပေါင်းရင်းမြစ်များ

Matayo 6:8

Mu ta fwa nana navo mba: kigira Dada wenyu a manya vindu vya mu daka, mu kikiri kumusaala.

Matayo 9:4

Yesu ya manya tsi ganagani tsyavo na a vola, Kigira ki mu ganagana ndi ubudamano mmyoyo gyenyu?

Marko 9:32

Navutswa si va hulira bulahi amakuva yaga mba, kandi va tia kumuteva.

Yohana 13:33

M winye avana, ha tigaye hakekeke ni mbeye halala na mwinye. Mu la nyenya: kandi kuli aga nda volera Avayuda, Wa ntsia inze, mwinye si mu nyala kuduka; inze kalunu mmu volera kuli ndiyo.

Yohana 14:19

I tigaye inyinga inkekeke, avomkivala si va li ndola kandi; navutswa mwinye mu ndolanga: kigira inze mbeye mwoyo, kandi mwinye mu la va mwoyo.

Yohana 16:16

Ha tigaye hakekeke si mu la ndola kandi; na kandi ha tigaye hakekeke kandi, na mwinye mu la ndola.

Yohana 16:18

Ku, va vola, Ni likuva ki lya a vola, Inyinga inkekeke? Si ku manya aga a vola.

Yohana 16:23

Kandi ku lidiku yilyo si mu li teva inze likuva. Ligali, ligali, mmu volera, ni mu saala kindu ku Dada, a la mu ha ku lieta lyange.

Yohana 16:26

Ku lidiku yilyo mu li saala ku lieta lyange: kandi si mmu volera, nda teva Dada kigira mwinye;

Yohana 16:30

Kalunu ku manya ive u manya vindu vyosi, si u veye nobudaka bwomundu u ku teva: ku yaga ku suuvira ive wa twula ku Nyasaye.

Yohana 21:17

Ya mu volera hali kavaka, Simoni wa Jona, U nyanza? Petro ya verera kigira ya mu teva hali kavaka, U nyanza? Ya mu volera, Mwami, ive u manya vindu vyosi; u manya nku yanza. Yesu ya mu volera, U lagiridze amagondi gange.

Yohana 6:61

Navutswa Yesu ya manya mwene, avegidzwi veve va monya ku livola yili, na a va teva, Yili li mwikigitalidza?

Yohana 7:33

Kigira yaga Yesu ya vola, ha tigaye hakekeke ni mbeye na mwinye, kandi nda tsia ku uyu wa ntuma.

Vahebraina 4:13

Kandi si ha li nekilombe ki ta li habulavu imbiri wewe: navutswa vindu vyosi vi veye kyahonyo nokulang'aminywa imbiri wetsimoni tsya uyu wa ku veye ku namakuva.

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.