Yohana 16:13 - KITABU KITAKATIFU

¹³ Navutswa lwa a li duka Roho wa geligali, a la mwimirira na a mu hile mu ageligali gosi: kigira si a li vola ku vyomwene; navutswa aga a li hulira a la vola: kandi vindu vi lidza a la mu vuulira.

Yohana 16:13 ပူးပေါင်းရင်းမြစ်များ

Isaya 11:2

Roho wa Yahova a likala kuye, roho wobugeeri nelimanya, roho welivola nowetsingulu, roho welimanya na wokutia Yahova.

Joeli 2:28

Na ga la va lwenyima, nda tsuka Roho wange ku avandu vosi; na avana venyu avayai navakana va la profeta, na avakulundu venyu va la lota maloto, na avasoleli venyu va la lola malola:

Yohana 12:49

Kigira inze si nda vola aga twula ku inze mwene; navutswa Dada wa ntuma ya mpa lilaga, lya mbola nelya nzilwadza.

Yohana 14:17

Naye ni Roho wa geligali, wavomkivala va ta nyala kumuvugula; kigira si va mu lola, kandi si va mu manya: mwinye mu mu manya; kigira a menya na mwinye, naye a la va mu mwinye.

Yohana 14:26

Navutswa uyu Mukonyi, Roho Mutakatifu wa Dada a la tuma ku lieta lyange, a la mwegidza amakuva gosi, naye a la mwidzulitsa gosi ga nda mu volera.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 15:26

Navutswa lwa a li duka Mukonyi, wa ndi tuma kutwula ku Dada, naye niye Roho wa geligali u twula ku Dada, a li ndolekidza:

Yohana 16:12

Nkikiri namakuva manyingi gokumuvolera, navutswa si mu nyala kugagumira kalunu.

Yohana 3:32

Aga a loli nokuhulira, nigo aga a lolekidza; kandi si ha veye nomundu u bugirira lilolekidza lilye.

Yohana 8:38

Mbolanga aga nda lola ku Dada wange: na mwinye kandi mu kola ga mwa hulira ku dada wenyu.

Vikolwa 11:28

Kandi mundu mulala kuvo wa langwa Agabo ya singira, na a lolekidza netsingulu tsya Roho, inzala inene i ladza mu lirova lyosi: nayo ya duka mu madiku ga Klaudio.

Vikolwa 20:23

navutswa Roho Mutakatifu a ndolekidza mu madala gosi, a vola libofwa nekivi vi ninda.

Vikolwa 27:24

na a vola U ta tia, Paulo; ga ku dukira kusingira imbiri wa Kaisari: kandi henza Nyasaye u mali kukuha yava vosi ava genda halala nive.

2 Vatesalonike 2:12

vosi va duke kukalagirwa amakuva gavo ava vula kusuuvira ageligali, navutswa va hongera kuyanza ubudamano.

2 Vatesalonike 2:3

Mundu kali mulala a ta mu gada ku vindu vyosi: kigira lidiku yilyo si li ladza ubwibaali ni bu kikiri kuduka, kandi mundu wobwoni u li lang'aminywa, mwana wobudivi,

Vahebraina 1:1

Nyasaye, wa volera avaguga, tsinyinga tsya kale, ku tsinzira tsing'ano netsing'ano, ne minwa gyavaprofeti;

1 Yohana 2:20

Navutswa mwinye mu veye nelivakwa li twula ku Mutakatifu, kandi mu manya gosi.

1 Yohana 2:27

Navutswa mwinye, livaka lya mwa nyola kuye li menya mu mwinye, kandi si mwenya mundu kali mulala kumwegidza; navutswa kuli livaka lilye li mwegidza ku vindu vyosi, kandi li veye lyeligali, kandi si li veye lyobubehi, kandi kuli wa lya mwegidza mu menya muye.

1 Yohana 4:6

Kwinye ku veye ava twula ku Nyasaye: u manya Nyasaye a ku hulira; u ta twula ku Nyasaye, si a ku hulira. Ku yaga ku manya Roho weligali na roho gwokugada.

1 Yohana 5:6

Uyu niye uudzi ku inzira yamadzi namasahi, Yesu Kristo; si ga li amadzi geng'ine, navutswa namadzi namasahi. Kandi niye Roho u lolekidza, kigira Roho noweligali.

Likunula 1:1

Likunula lya Yesu Kristo, lya Nyasaye ya mu ha, a mannye avatugwa veve, vindu vya ga dukiranga kukolwa bwangu: kandi ya tuma ingelosi a mannye Yohana mutugwa wewe;

Likunula 1:19

Kunangwa u ng'oda vindu vya u lola, kandi vindu vi veye ho, kandi vindu vi la va ho inyima;