Yohana 15:8 - KITABU KITAKATIFU

⁸ Ku yikyo Dada wange a kuminyangwa, mwame makuyu manyingi; na mwinye mu la va avegidzwi vange.

Yohana 15:8 ပူးပေါင်းရင်းမြစ်များ

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 61:3

kutovolera yavo ava syomanga mu Zioni, kuvaha igudwa yekimuli mbugono bweligoke, amaguta gobuyanzi mbugono bwelisyoma, tsingubo tsyelidzominywa mbugono bwomwoyo muliduhu; va duke kulangwa misala gyobulungi, gya Yahova ya simika, a duke kukuminywa.

Haggai 1:8

Mwanegire mu kigulu, mu lete misala, mwombake inyumba yiyi; na inze nda gi yanza, na nda kuminywa, Yahova a vola.

Matayo 5:16

Na ndiyo mwinye mu mulike imbiri wa vandu; va duke kulola miyinzi gyenyu milahi, vidzominye Dada wenyu womigulu.

Matayo 5:44

navutswa inze mmu volera, Mu yanze avasigu venyu, kandi mu saavire ava mu dambidza,

Matayo 9:8

Navutswa viduma lwa vya lola, va genya ni vidzominya Nyasaye wa ha avandu tsingulu kuli yitsi.

Luka 6:35

Navutswa mu yanze avasigu venyu, mu kole bulahi, mu hambidzane kivete mu ta suuvira mu liranyirwa; na madanyi genyu ga la va manene, kandi mu la va avana va Uveye Igulu Ligali: kigira a veye mulahi ku ava ta santidza navadamano.

Yohana 13:35

Ku yaga avandu vosi va la mu manya mwinye mu veye avegidzwi vange, ni mba mu yanzana.

Yohana 15:5

Inze mbeye muzabibu, na mwinye mu veye tsisya. Uyu u menya mu inze, na inze muye, yamanga amakuyu manyingi: kigira bugira inze si mu nyala kukola kindu kali hakuzu.

Yohana 8:31

Maku, Yesu ya volera Avayuda ava mu suuvira, Mwinye ni mu menya mu likuva lyange, ligali mu veye avegidzwi vange;

1 Vakorintho 10:31

Kunangwa ni mu va ni mu lia naho ni mu nwedzanga, naho ni mu kola ku vindu vyosi mu kole vindu vyosi mu kuminye N; asaye.

1 Vakorintho 6:20

kigira mwa gulwa ubuguli; kunangwa mwidzominye Nyasaye mu mibiri gyenyu.

Vafilipi 1:11

mwizuywe amakuyu gobulungi aga veye kigira Yesu Kristo, kuduka ku bukumi noku lidzominywa lya Nyasaye.

Tito 2:10

va ta va averondehidzi, navutswa va lang'aminye ubusuuvirifu bulahi bwosi: va duke kusiaha amegidzo ga Nyasaye Muhonnyi wetu ku vindu vyosi.

Tito 2:5

avobugeeri obwere, navanifu ava kolanga miyinzi mu inyumba avagasu, navegehi dzira avasatsa vavo avene, likuva lya Nyasaye li vule kunyegwa.

1 Petro 2:12

ligenda lyenyu li ve lilahi mu Tsihiri; mu yaga ga va vola ku mwinye kuli mu veye ava kola ubudamano, ga ve kuvo, kigira vikolwa vyenyu vilahi vya va lola vidzominye Nyasaye ku lidiku lyokuhenzwa.

1 Petro 4:11

Mundu na a va na a vola, a role kuli livola lya Nyasaye; mundu na a va na a tumeka a fumeke kuli mu tsingulu tsya Nyasaye a mu leteye: kuduka mu vindu vyosi Nyasaye yidzominyirwe ku Yesu Kristo, wobukumi bu veye bwibwe halala netsingulu mihiga nemihiga. Amini.