Yohana 15:5 - KITABU KITAKATIFU

⁵ Inze mbeye muzabibu, na mwinye mu veye tsisya. Uyu u menya mu inze, na inze muye, yamanga amakuyu manyingi: kigira bugira inze si mu nyala kukola kindu kali hakuzu.

Yohana 15:5 ပူးပေါင်းရင်းမြစ်များ

Tsing'ano 11:30

Amakuyu gavalungi ga veye musala gwelivamwoyo; Uyu wobugeeri a nyolanga myoyo gyavandu.

Hosea 4:8

Avene velihidzanga mu ubwoni bwavandu vange, na va vikanga mu myoyo gyavo ubudamano bwavo.

Matayo 13:21

navutswa si a li nemiri muye, ma a dinya hakekeke; navutswa kivi kinga lidambidzwa lwa li duka kigira likuva, nonoho yikigitala.

Yohana 12:24

Ligali, ligali, mmu volera, inzoli yengano ni i vula kugwa mu marova ni i kudza i la tigala yeng'ine; navutswa ni i kudza i lama lyama linyingi.

Yohana 15:16

Si mwa tovola inze, navutswa inze nda tovola mwinye, ni mmu vika mu tsie kwama makuyu, kandi makuyu genyu ga duke kumenya: kandi vyosi vya mu saala Dada ku lieta lyange a mu he.

Yohana 5:19

Kigira yaga Yesu ya tivula na a va volera, Ligali, ligali, mmu volera, Mwana si a nyala kukola kindu mwene, navutswa vya a lola Dada a kolanga: kigira ku vindu vyosi vya a kola, yivi kandi Mwana a kola ndiyo.

Yohana 9:33

Uyu na a ta li mundu wa twula ku Nyasaye si ya nyala kukola kindu.

Vikolwa 4:12

Kandi si ha li nobuhonnyi ku wundi: kigira si ha li nelieta lindi muse mweligulu, lya hebwa mu vandu, li ku niga ku honnywe nalyo.

Varumi 12:5

kandi ndiyo kwinye ku veye avanyingi, ku veye mubiri mulala mu Kristo, kandi ku veye vivero sa mulala sa mulala nowakye.

Varumi 6:22

Navutswa kalunu, ni mu mali kukolwa ndi avaboholole kutwula ku bwoni kugwa avatugwa va Nyasaye, mu veye namakuyu kuduka ku butakatifu, nekiheri ki veye livamwoyo lyemihiga nemihiga.

Varumi 7:4

Kigira yaga, avamitu, mwinye kandi mu koleywi mu gwe avakudzu ku lilaga mu mubiri gwa Kristo; mu duke kuhambanywa ku wundi, ku uyu wa simugukidzwa kutwula mu vakudzu, kwinye ku duke kwamira Nyasaye makuyu.

1 Vakorintho 10:16

Kikombe kyobugasu kya ku gasidza si ki veye lisanga lyamasahi ga Kristo? Ubukima bwa ku megannya si bu veye lisanga lyomubiri bwa Kristo?

1 Vakorintho 12:12

Kigira kuli mubiri gu veye mulala kandi gu veye nevivero vinyingi, kandi vivero vyosi vyomubiri vi veye vinyingi vi kola mubiri mulala; kandi Kristo a veye ndiyo.

1 Vakorintho 12:27

Mwinye mu veye mubiri gwa Kristo, kandi sa mulala mu veye vivero kugwo.

2 Vakorintho 13:8

Kigira si ku nyala kukola kindu kali kilala kyokuhing'ana nageligali, navutswa aga veye ku ageligali.

2 Vakorintho 9:10

Uyu u hedzanga mumidzi ubugutsa nobukima bwokulagira, a la ha mwinye bugutsa bwokumidza, kandi a la bu dasa, kandi a la kiridza makuyu gobulungi bwenyu:

Vagalatia 5:22

Navutswa likuyu lya Roho li veye ubuyanzi, nobusangali, nemirembe, nobwikudziri, netsimbabasi, nobulungi, nobusuuvirifu,

Vafeso 5:9

(kigira likuyu lyobulavu li veye mu bulahi bwosi nomu bulungi nomu ageligali),

Vafilipi 1:11

mwizuywe amakuyu gobulungi aga veye kigira Yesu Kristo, kuduka ku bukumi noku lidzominywa lya Nyasaye.

Vafilipi 4:13

Nnyalanga kukola vindu vyosi mu uyu u nyalidzanga.

Vafilipi 4:17

Si nda kayirwa kihaanwa; navutswa nyenya makuyu ga medeke ku mwinye.

Vakolosai 1:10

nokugenda kuli wa ga dukanga ku Mwami nokuduka ku liyanzidza lyosi, nokwama makuyu mu miyinzi gyosi milahi, nokumedeka mu limanya lya Nyasaye.

Vakolosai 1:6

i veye halala nemwinye; kuli wa i veye mu lirova lyosi nokwama makuyu nokumedeka, kuli wa i veye mu mwinye kandi, kutwula lidiku lya mwa hulira nokumanya tsimbabasi tsya Nyasaye mu geligali,

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

1 Petro 2:4

Mwa tsia kuye, ligina li veye mwoyo, lya vandu vambakana ligali, navutswa lya Nyasaye a tovoye, lyobukumi,

2 Petro 3:18

Navutswa mu kulire mu tsimbabasi nomu limanya lyo Mwami wetu Muhonnyi Yesu Kristo. Ubukumi bu ve kuye kalunu imihiga nemihiga. Amini.