Yohana 15:25 - KITABU KITAKATIFU

²⁵ Navutswa yaga ga kolwa li duke kudukidzwa likuva lya ng'odwa mu lilaga lyavo, Va ndunyira bugira kivune.

Yohana 15:25 ပူးပေါင်းရင်းမြစ်များ

Zaburi 109:3

Va nkumbiridzi na makuva gobudunyi, Va lwana ninze bugira kivuni.

Zaburi 35:19

U ta leka yavo ava veye avasigu vange, va sangale ku inze bugira kivune; Kandi yavo ava ndunyiranga vutswa va ta simanira tsimoni ku inze.

Zaburi 69:4

Yavo ava ndunyira bugira kivune va veye avanyingi kuvita lisu lyomutwe gwange: Yavo avenya kundividza, va veye avasigu vange nobugadi, va veye avetsingulu: Ma ndirannya kya nda vula kuhila.

Zaburi 7:4

Ni mba ni nzirannyi ubudamano ku uyu u veye nemirembe ku inze (Yee, mmali kuhonnya uyu u veye mudambidzi wange bugira kindu);

Matayo 10:8

Honnyi avalwaye, mu simugukidze avakudzu, mu honnye avagere, mu twulidze amademone. Mu hebeywi vutswa, mu haane vutswa

Luka 24:44

Kandi ya va volera, Yaga namakuva ga nda mu volera, lwa nda li halala nemwinye, Vindu vyosi vya ng'odwa ku inze mu lilaga ya Musa nomu vaprofeti nomu zaburi, vi nigwa vi kolwa.

Yohana 10:34

Yesu ya va tivulira, Si ga ng'odwa mu lilaga lyenyu, Inze nda vola, Mwinye mu veye avanyasaye?

Yohana 13:18

Si ntali mwinye mwosi: inze mmanya ava nda tovola; navutswa ga duke kukolwa mang'oda, Uyu wa lagira ubukima bwange u gingi liki ku inze.

Yohana 19:36

Kigira vindu yivi vya kolwa ndi, mang'oda ga duke kuduka, Kigumba kikye si ki li vunika.

Varumi 3:19

Kalunu ku manya gosi agelilaga lya vola, lya volera yavo ava veye mu lilaga; minwa gyosi gyi kunikwe, nelirova lyosi li letwe mu likalaga lya Nyasaye:

Varumi 3:24

ni va kolwa ava lungi vutswa netsimbabasi tsitsye kigira buhonnyi obu veye mu Kristo Yesu:

2 Vakorintho 11:7

Naho nda kola ubwoni lwa ndegehidza inze mwene, mwinye mu duke kunene hidzwa, kigira nda mwilwadzira ivangeli bugira madanyi?

Vagalatia 2:21

Si nzangalalidza tsimbabasi tsya Nyasaye: kigira ubulungi bu va ni bu nyolekera ku lilaga, kunangwa Kristo ya kudza vutswa.

2 Vatesalonike 3:8

kandi si kwa lagira vutswa ubukima bwomundu kali mulala, navutswa mu linyankana lyemiyinzi, nomu busaliri kwa kola miyinzi ubudiku nombasu ku vule kumina ku mwinye kali mulala.

Likunula 21:6

Kandi ya mbolera, Ga koleywi. Inze mbeye Alfa na Omega, litanga nekiheri. Inze nda ha wobuluhu kisenukiru kyamadzi gelivamwoyo, a nwe ku vutswa.

Likunula 22:17

Kandi Roho nomwiha va vola, Hamba. Kandi uyu u huliranga a vole, Hamba. Kandi uyu u veye nobuluhu yadze: kandi uyu wenyanga a vugule vutswa amadzi gelivamwoyo.