Yohana 15:2 - KITABU KITAKATIFU

² Ku tsisya tsyosi tsi veye ku inze ulu tama, a la lu twulidza, nalwo lwamanga, a la lu halulira lu dase kwama.

Yohana 15:2 ပူးပေါင်းရင်းမြစ်များ

Ayubu 17:9

Mulungi a la tsitsagil'la ku inzira yeye, Na uyu u veye namakono manifu a la meda kunyola tsingulu.

Zaburi 92:14

Va la hongera kwama makuyu mu ubusakulu bwavo; Va lizula amadzi gelivamwoyo na va la va nobuvisi:

Tsing'ano 4:18

Navutswa inzira yavalungi i fwanana nobulavu bu ng'ereng'ananga, Bu ng'ereng'ananga kuvita nokuvita, kuduka ku lidiku lidukiru.

Isaya 27:9

Kigira yagaubudamano bwa Yakobo bu logidzwa, yaga na makuyu gokutwulidza ubwoni bwibwe: lwa a kola magina gosi gobwali kuva kuli magina gechoka ga vunanywa, kuduka Misala gyemiluka nevifwananyi vyeliuva vyavo vi la vula kusingira kandi.

Isaya 29:19

Avahokya va la meda ubusangali bwavo mu Yahova, navadaka mu avandu va la sangala mu Uyu Mutakatifu wa Israeli.

Danyeli 11:35

Kandi avaku avobugeeri va la gwa, va duke kutakaswa, nokulavidzwa, nokukolwa avanifu, kali kuduka ku inyinga yekiheri; kigira yaga ga veye genyinga i lageywi.

Hosea 6:3

Hene yaho ku la manya, ni ku va ni ku londerera kumanya Yahova: litwula lilye li veye lyeligali kuli mugamba; naye a ladza ku kwinye kuli imbula, kuli imbula yamadzi mavovo i kupanga ku lirova.

Malaki 3:3

a likala kuli muhenzeridzi nokusiiya ifetha, na a la siiya avana va Levi, nokuvalengeridza kuli ithahabu na ifetha; na va la haana ku Yahova vihaanwa mu bulungi.

Matayo 13:12

Kigira ku vosi u veye navyo a la hebwa, a la medwa: navutswa ku vosi u ta li navyo, a la nyagwa kali vya a veye navyo.

Matayo 13:33

Ya va kupa lugano lundi; Ubwami bwomigulu bu fwanana namamera gomkali ya vugula na a ga visa mu migero gyivaka gyobusie bwa luha ni bu gwa mamera bwosi.

Matayo 15:13

Navutswa ya tivula na a vola, Misala gyosi gya Dada wange womigulu ya vula kusimika; gyi lifwa.

Matayo 21:19

Na a lola mkuyu ku inzira ha luvega, na a tsia kugwo, navutswa si ya nyola ku kindu mba, amatu geng'ine; na a gu volera, Ga ta va makuyu ku ive inyinga yosi. Nonoho mkuyu gwa niala.

Matayo 25:29

Kigira u veye navyo a la hebwa vindi, a la medwa: navutswa u ta veye navyo, a la nyagwa kali vya a veye navyo.

Matayo 3:10

Kandi kali kalunu imbadzi i vike ywi mvitinya vyemisala: ku misala gyosi gu tama makuyu malahi gu temagwa, gu tebwa mmuliru.

Matayo 3:12

Kiseseru kikye ki veye mmkono gwigwe, kandi a la lavidza ulodze lwilwe ligali; nengano yeye a la tera mkideera navutswa mkuudzi a la samba nomuiiru gu ta simika.

Matayo 7:19

Ku misala gyosi ogu tama makuyu malahi gu temagwa, nokutebwa mmuliru.

Marko 4:20

Navo va midzwa mmarova malahi nava, ava hulira likuva ni va li gumira ni vama, avalala amakumi gavaka, avandi makumi gatanu nelilala, avandi mia.

Luka 8:13

Navo va veye ku lwanda nava, lwa va hulira va bugirira likuva nobuyanzi; navutswa si va li nemiri, ava suuvira hakekeke, navutswa inyinga yeligeridzwa va twula.

Yohana 15:1

Inze mbeye muzabibu gweligali, musimiki ni Dada wange.

Yohana 15:16

Si mwa tovola inze, navutswa inze nda tovola mwinye, ni mmu vika mu tsie kwama makuyu, kandi makuyu genyu ga duke kumenya: kandi vyosi vya mu saala Dada ku lieta lyange a mu he.

Yohana 15:3

Mwinye kutwuia kalunu mu veye avanifu kigira likuva lya nda mu volera.

Yohana 15:6

Mu ndu na a ta menya mu inze, a la tebwa kuli lusya lu tebwa na a Iwuma; natsyo va vungidza halala, ma va tsi ta mu muliru, tsyaaka.

Yohana 15:8

Ku yikyo Dada wange a kuminyangwa, mwame makuyu manyingi; na mwinye mu la va avegidzwi vange.

Yohana 17:12

Lwa nda li navo halala, nda va denda ku lieta lilyo va wa mpa: kandi nda va linda, kandi si ha veye nomulala kuvo wa gota, navutswa mwana wobudivi; amang'oda ga duke kudukidzwa.

Varumi 11:17

Navutswa tsisya tsindi ni tsi vunanywa, nive u veye mzeituni gwomulitu wa hambanywa hagati havo, kandi wa sanga halala navo kitinya kyobunetu bwomzeituni;

Varumi 11:22

U henze ubulahi nobululu bwa Nyasaye: ku yavo ava gwa ubululu; navutswa ku ive ubulahi bwa Nyasaye, nu u va nu u menya mu bulahi bwibwe: navutswa ni ga ta veye ndiyo ive kandi u leseganwa.

Varumi 8:28

Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe.

1 Vakorintho 13:1

Ni mba ni mbola netsinimi tsyavandu netsyetsingelosi, ni nta veye nobuyanzi, mbeye mugasa gu langiriranga, kinga kuli vikuli vi salanga.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Vahebraina 12:15

mu henze bulahi gase a la va ho mundu kali mulala u geheye tsimbabasi tsya Nyasaye; gase kitinya kyobululu ki la sibuka nokumunyangidza, na ku yiki vanyingi va kolwe vadamano;

1 Yohana 2:19

Va twula ku kwinye, navutswa si va li ku kwinye; kigira ni va veye ku kwinye, nkano va menya nekwinye: navutswa va twula ku kwinye va lolekidzwe vosi si va li ku kwinye.

Likunula 3:19

Ku vosi ava nyanzi, mba gayanga nokuvaha amageli: kunangwa u ve nobugulu nokweganira.