Yohana 15:19 - KITABU KITAKATIFU

¹⁹ Ni mu va ku avomkivala, nkano avomkivala va yanza avavo: navutswa kigira si mu veye ku avo mkivala, navutswa inze nda mu tovola ku vomkivala, yiki ni kigira avomkivala va mu dunyira.

Yohana 15:19 ပူးပေါင်းရင်းမြစ်များ

Matayo 10:22

Avandu vosi va la mu dunyira kigira lieta lyange. Navutswa u dinya kuduka ku kiheri, uyu a la ka honnywe.

Matayo 24:9

Inyinga yeneyo va la mu zama mu kivi, nokumwita: kandi tsihiri tsyosi tsi la mu dun ira kigira lieta lyange.

Luka 6:32

Mwinye ni mu yanza ava mu yanza, mu nyoye lidzominywa ki? Kigira kali avoni va yanza ava va yanza.

Yohana 13:18

Si ntali mwinye mwosi: inze mmanya ava nda tovola; navutswa ga duke kukolwa mang'oda, Uyu wa lagira ubukima bwange u gingi liki ku inze.

Yohana 15:16

Si mwa tovola inze, navutswa inze nda tovola mwinye, ni mmu vika mu tsie kwama makuyu, kandi makuyu genyu ga duke kumenya: kandi vyosi vya mu saala Dada ku lieta lyange a mu he.

Yohana 6:70

Yesu ya va tivulira, Si nda tovola mwinye likumi na vaviri, na mulala ku mwinye ni setani?

Yakobo 4:4

Avobuheyi, si mu manya ubulina bwevyelirova bu veye ubusigu ku Nyasaye? Uyu wenya kuva mulina wevyelirova yekolanga musigu wa Nyasaye.

1 Petro 4:3

Kigira tsinyinga tsya vita tsi hereridzi kukola yaga aga Vetsihiri venyanga, nokugenda mu kifwabwi, nomu likayirwa, nomu lihambika, nomu lisyeva, nomu linwa, nomu lisalisa misambwa gyekivihiri:

1 Yohana 3:12

ku ta va kuli Kaini ya li womudamano, ni yiita amwavo wewe. Kandi ya mwiita kigira ki? Kigira vikolwa vivye vya li vidamano, nevyamwavo wewe vya li vilungi.

Likunula 12:17

Kandi guyoka gwa vihirirwa mukali uyu, ni gu tsia kulwana nevisukululwi vyomukali vya tigala, ava gumira malago ga Nyasaye, nokugumira lilolekidza lya.

Likunula 12:9

Kandi guyoka gunene gwagululwa hasi, gu ueye inzoka ya kale, gu langwa Ibilisi kandi Setani, uyu u gadanga avomulirova vosi; yagululwa hu lirova, kandi tsingelosi veve vagululwa hasi halala naye