Yohana 15:14 - KITABU KITAKATIFU

¹⁴ Mwinye mu veye avalina vange, ni mu kola vindu vya mmu laga.

Yohana 15:14 ပူးပေါင်းရင်းမြစ်များ

1 Avami 4:5

na Azaria mwana wa Nathan ya li igulu ku vanyampara; na Zabudu mwana wa Nathan ya li mu nene, na a li mulina womwami;

2 Avami 18:6

Kigira uyu ya hambana na Yahova; si ya leka kumulonda mba, navutswa ya gumira malago gege, ga Yahova ya laga Musa.

2 Kyetsinyinga 20:7

Ive, Nyasaye wetu, si wa kunga ava menyanga mu kivala yiki imbiri wa vandu vovo Israeli, kandi si wa ki haana ku visukululwi vyomulina wowo Abrahamu mihiga nemihiga?

Kutwula 7:6

Na Musa na Haruni va kola ndiyo; kuli Yahova ya va laga, va kola ndiyo.

Tsing'ano 18:24

Uyu welomberanga avalina vanyingi a kola ku budivi bwibwe mwene; Navutswa a veye ho mulina u hambana kuvita amwavo.

Lwimbu lwa Solomoni 5:1

Mmali kwingira mmulimi gwange, mubotso wange, mukana mugima wange: Mmali kwagula manamane gange halala nevifunyanga mwayu vyange; Mmali kulia kemenye kyobwuki kyange halala nobwuki bwange; Mmali kunwa iwaini yange halala namaveere gange. Avalina vange, mu lie; Mu nwe, yee, mu nwe ligali, O vayanze vange.

Isaya 41:8

Navutswa ive, Israeli, mutumekiri wange, Yakobo wa ntovoye kisukululwi kya Abrahamu mulina wange,

Jeremia 32:23

na vingira mu, nokukigumira; navutswa si va hulira mwoyo gugwo mba, kandi si va genda mu lilaga lilyo; si va kola kindu kali kilala mu vyosi vya wa va laga va vi kole: kigira yaga u leti kuvo budamano yibu bwosi.

Ezekieli 12:7

Na nda kola ndiyo kuli nda lagwa: nda hila viju vyange inyinga yombasu, kuli viju vyelyadikidzwa, na mgolova nda hudula lidigi nomukono gwange; nda hila viju vyange mu kisundi nokuviginga kwivega lyange imbiri wetsimoni tsyavo.

Matayo 12:50

Kigira ku vosi u li kola ubulaliri bwa Dada wange u veye migulu niye amitu wange, nambotso wange, na mama wange.

Luka 12:4

Kandi inze mmu volera, mwinye avalina vange, Mu ta tia aviita mubiri, navutswa lwanyima si va veye nagandi ga va nyala kukola.

Yohana 13:17

Mwinye ni mu manya vindu yivi, mu veye nobugasu ni mu vi kola.

Yohana 14:15

Ni mba ni mu yanza inze, mu la gumira malago gange.

Yohana 14:21

Uyu u veye namalago gange, na a ga gumira, uyu niye u nyanza: naye u nyanza, Dada wange a la mu yanza na inze nda mu yanza, kandi inze nda mu vuulikira.

Yohana 14:28

Mwinye mwa hulira kuli nda nmu volera, Ntsitsa, kandi ndadza ku mwinye. Mu va mwa nyanza, nkano mwa sangala, kigira ntsitsa wa Dada: kigira Dada a veye munene kuvita inze.

Yohana 2:5

Mama wewe ya volera avatumekiri, Aga a mu volera, mu kole.

Yakobo 2:23

kandi mang'oda ga kolwa madukiru aga vola, Abrahamu ya suuvira Nyasaye, kandi ga volwa kuye kuva ubuhlngi; kandi ya langwa mulina wa Nyasaye.

1 Yohana 5:3

Kigira yibwo nu buyanzi bwa Nyasaye, ku gumire amalago gege: kandi amalago gege si ga li malitu mba.

Ruth 3:6

Naye ya sulunguta ku lodze, na a kola kuli gosi ga navizala wewe ya mu volera.