Yohana 15:1 - KITABU KITAKATIFU

¹ Inze mbeye muzabibu gweligali, musimiki ni Dada wange.

Yohana 15:1 ပူးပေါင်းရင်းမြစ်များ

Lwimbu lwa Solomoni 7:12

Kwanegire mabwebwe ku tsie mu milimi gyemizabibu; Ku henze mizabibu ni gu va nigu sebuki, Nokulavidza vimuli vyagwo Kandi makomamanga ni ga va ni ga lavidzi: Ha zana yaho nda ku hera ho buyanzi bwange.

Isaya 4:2

Mu lidiku yilyo lusya lwa Yahova lu la va lulahi nokuva nobukumi, na makuyu gelirova ga la va amalahi ligali na manolu ga ve ga yavo avahona ku Vaisraeli.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 61:3

kutovolera yavo ava syomanga mu Zioni, kuvaha igudwa yekimuli mbugono bweligoke, amaguta gobuyanzi mbugono bwelisyoma, tsingubo tsyelidzominywa mbugono bwomwoyo muliduhu; va duke kulangwa misala gyobulungi, gya Yahova ya simika, a duke kukuminywa.

Jeremia 12:10

Avayi vanyingi vononnyi milimi gwange gwemizabibu, va duvagi kidieli kyange isi wevirenge vyavo, va koli kidieli kyange kilahi kuva kyangalangwi ki ta li navandu.

Jeremia 2:21

Navutswa nda li ni nda simika ive muzabibu mula hi, bugutsa ubulahi bwere: kunangwa ga li ndi ive u girunkani kuva visibu vi ta konya kindu, kyomuzabibu mu geni ku inze?

Ezekieli 19:10

Mama wowo ya li kuli muzabibu, mu masahi gogo, gwa simikwa himbi namadzi manene: gwama ligali nokwizula tsisya kigira amadzi manyingi.

Hosea 10:1

Israeli a veye muzabibu munetu, gwamanga makuyu: kuli ubunyingi bwamakuyu gagwo ni ndiyo kandi a medanga ubwali bwibwe; kuli ubulahi bwekivala kyavo bu veye va lombi ndiyo tsitiru tsindahi.

Zekaria 3:8

Hulira kalunu, O Joshua musalisi mu nene, ive na avakyo avikala imbiri wowo; kigira va li avandu ava li kyokumanyira: kigira, henza, nda leta mutumekiri wange u langwa Kisibu.

Matayo 15:13

Navutswa ya tivula na a vola, Misala gyosi gya Dada wange womigulu ya vula kusimika; gyi lifwa.

Matayo 20:1

Kigira ubwami bwomigulu bu fwanana nomundu mwene inyumba, wa twula mugamba tsuri kwenya avayinziri vekizabibu kikye.

Matayo 21:33

Mu hulire lugano lundi: Ha li nomundu mwene inyumba wa simika kizabibu, na a lomba lugaga, na a yava mu lina lyokukamira mu mazabibu, ni yombaka kitaradzi, na a ha avalimi, na a tsia mu kivala kindi.

Marko 12:1

Ya tanga kuvavolera amakuva mu tsing'ano. Mundu ya simika mizabibu, na a lomba lwebo, na a yava lina lyokukamira mu mazabibu, ni yombaka kitaradza, na a ha avalimi va mu limire, na a tsia mu kivala kindi.

Luka 13:6

Kandi ya kupa lugano yilu. Mundu mulala ya li nomusala mukuyu gwa simikwa mu mulimi gwigwe; yadza ni yenya makuyu kugwo, si ya nyola.

Yohana 1:17

Kigira lilaga lya leterwa ku Musa; tsimbabasi nageli gali ga leterwa ku Yesu Kristo.

Yohana 1:9

Bwa li ho ubulavu bweligali, bwingira mu lirova ni bu ha avandu vosi ubulavu.

Yohana 15:2

Ku tsisya tsyosi tsi veye ku inze ulu tama, a la lu twulidza, nalwo lwamanga, a la lu halulira lu dase kwama.

Yohana 6:32

Kigira yaga Yesu ya va volera, Ligali, ligali, mmu volera, Si ya li Musa wa mu ha ubukima bwomigulu; navutswa Dada wange a mu hedzanga ubukima bweligali bwo migulu.

Yohana 6:55

Kigira inyama yomubiri gwange nikyo kyokulia kyeligali, namasahi gange nilyo linwa lyeligali.

Varumi 11:17

Navutswa tsisya tsindi ni tsi vunanywa, nive u veye mzeituni gwomulitu wa hambanywa hagati havo, kandi wa sanga halala navo kitinya kyobunetu bwomzeituni;

1 Vakorintho 3:9

Kigira kwinye ku veye ava kolanga miyinzi halala na Nyasaye: mu veye mulimi gwa Nyasaye, lyombaka lya Nyasaye.

1 Yohana 2:8

Kandi lilaga lihya mmu ng'odera, lya li lyeligali muye nomu mwinye; kigira kisundi ki vita nobulavu bweligali bu mali kwaaka.