Yohana 14:6 - KITABU KITAKATIFU

⁶ Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 14:6 ပူးပေါင်းရင်းမြစ်များ

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 1:17

Kigira lilaga lya leterwa ku Musa; tsimbabasi nageli gali ga leterwa ku Yesu Kristo.

Yohana 1:4

Muye lya li liva mwoyo; na liva mwoyo lya li ubulavu bwavandu.

Yohana 10:28

inze nga hedzanga livamwoyo li ta hera mba; ga la vula kudivz imihiga nemihiga, kandi si ha veye nomundu u li ga nyaga mu mkono gwarige

Yohana 10:7

Kunangwa Yesu ya va volera kandi, Ligali, ligali, Inze mbeye kiliango kyamagondi.

Yohana 10:9

Inze ni kiliango; mu ndu ni yingira ku inze, a la honnywa, naye a lingira mugati kandi a twula kyova, kandi a la lola kyayo.

Yohana 14:19

I tigaye inyinga inkekeke, avomkivala si va li ndola kandi; navutswa mwinye mu ndolanga: kigira inze mbeye mwoyo, kandi mwinye mu la va mwoyo.

Yohana 15:1

Inze mbeye muzabibu gweligali, musimiki ni Dada wange.

Yohana 18:37

Kunangwa Pilatu ya mu volera, Nkani u veye mwami? Yesu ya tivula, Ive mwene u voye mbeye mwami. Yiki ni kigira ndivulwa, kandi yiki ni kigira nda duka mu lirova, nduke kulolekidza ageligali. Ku vosi u veye ku luvega lwa geligali a hulira mwoyo gwange.

Yohana 5:21

Kigira kuli Dada a simugukidzanga avakudzi na a va ha liva mwoyo, kandi ndiyo Mwana a hedza vosi va a tovola, liva mwoyo.

Yohana 6:33

Kigira ubukima bwa Nyasaye ni yibwo bu twula migulu, kandi u hedzanga avomkivala liva mwoyo.

Yohana 6:51

Inze nibwo ubukima bwelivamwoyo bwa twula migulu: mundu na a lagira ku bukima yibu, a la va mwoyo mihiga nemihiga: yee kandi ubukima bwa ndi haanira livamwoyo lyavomukivala ni nyama yomubiri gwange.

Yohana 6:57

Kuli Dada welivamwoyo ya ntuma, na inze mbeye mwoyo kigira Dada; kandi ndiyo uyu u ndia a la va mwoyo kigira inze.

Yohana 6:68

Simoni Petro ya mu tivulira, Mwami, ku tsia ku bwaha? Ive u veye namakuva gelivamwoyo li ta hera mba.

Yohana 8:32

kandi mu la manya ageligali, nago ageligali ga la mu boholola.

Yohana 8:51

Ligali, ligali mmu volera, mundu na a gumira likuva lyange, si a li lola likudza mihiga nemihiga.

Vikolwa 3:15

kandi mwiita Munene welivamwoyo; wa Nyasaye ya simugukidza mu vakudzi; kwinye ku veye avaloli ku yaga.

Vikolwa 4:12

Kandi si ha li nobuhonnyi ku wundi: kigira si ha li nelieta lindi muse mweligulu, lya hebwa mu vandu, li ku niga ku honnywe nalyo.

Vikolwa 9:2

na a saava tsibaruwa a tsie natsyo Damasko mu masomero, na a va na a lola avandu ve Inzira yiyi, ni va va vasatsa kinga avakali, a duke kuvaleta Yerusalemi va boheywi.

Varumi 15:16

nduke kuva mutumwa wa Kristo Yesu ntsie ku Tsihiri, mba kolere ivangeli ya Nyasaye, kihaanwa kye Tsihiri ki duke kubu girirwa, Roho Mutakatifu na a mali kukitakasa.

Varumi 5:2

Ku nyoleye ku uyu inzira kigira lisuuvira lyokvwingira mu tsimbabasi yitsyi tsya ku singiye mu; nokusangala mu lisuuviridzwa lyobukumi bwa Nyasaye.

Varumi 5:21

kuli ubwoni bwameha mu likudza, kandi ndiyo tsimbabasi tsi nyala kwameha mu bulungi kuduka ku livamwoyo lyemihiga nemihiga mu Yesu Kristo Mwami wetu.

1 Vakorintho 15:45

Kandi ndiyo ga ng'odwa, Mundu wembiri Adamu ya gwa mwika gwelivamwoyo. Adamu wenyima ya gwa roho gu haana livamwoyo.

Vafeso 2:18

kigira kuye kwinye kwosi ku veye nobwiyangu kuduka ku Dada mu Roho mulala.

Vakolosai 2:17

vindu yivi vi veye kiriri kyevindu vidzanga; navutswa mubiri gu veye gwa Kristo.

Vakolosai 2:9

Kigira ubudukiru bwosi Obwanyasaye bu menya muye ku mubiri,

Vakolosai 3:4

Kristo a veye livamwoyo lyetu, lwa a li lang'aminywa hene yaho na mwinye mu la lang'aminywa mu bukumi halala naye.

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.

Vahebraina 9:8

Roho Mutakatifu ya lang'aminya ku likuva yili, inzira yokwingira mu hatakatifu i kikiri kulang'aminywa, inyinga lihema lyokutanga li ki singiye;

1 Petro 1:21

ava mu vereye kuye, avasuuviri Nyasaye, wa mu simugukidza kutwula mu vakudzu, nokumuha ubukumi; lisuuvira lyenyu nelihenzerera vi duke kuva ku Nyasaye.

1 Petro 2:4

Mwa tsia kuye, ligina li veye mwoyo, lya vandu vambakana ligali, navutswa lya Nyasaye a tovoye, lyobukumi,

1 Petro 3:18

Kigira Kristo kandi ya salira kigira ubwoni inyinga indala, mulungi ya salirira ava ta li avalungi, a duke kukuleta ku Nyasaye; wiiteywi ku mubiri, nokukolwa mwoyo ku roho.

1 Yohana 1:8

Ni ku vola si ku veye nobwoni, kwigadidza, nageligali si ga veye mu kwinye.

1 Yohana 2:23

Ku vosi wambakana Mwana, uyu si a veye na Dada: uyu weyama Mwana a veye na Dada kandi.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.

1 Yohana 5:6

Uyu niye uudzi ku inzira yamadzi namasahi, Yesu Kristo; si ga li amadzi geng'ine, navutswa namadzi namasahi. Kandi niye Roho u lolekidza, kigira Roho noweligali.

2 Yohana 1:9

Ku vosi wimiriranga nokuvula kumenya mu megidzo ga Kristo, si a veye na Nyasaye: uyu u menya mu megidzo, a veye na Dada no Mwana.

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,

Likunula 19:11

Kandi nda lola ligulu ni ligulika; kandi henza, iparasi indavu, na uyu wa nina ku a langwa Musuuvirifu no Weligali; kandi mu bulungi a kalaga nokukola lihe.

Likunula 20:15

Kandi ku vowa vula kung'odwa mu kitabu kyelivamwoyo, ya tebwa mu inyanza yomuliru.

Likunula 22:1

Kyo Mwana Weligondi. Kandi ya mmannya mugera gwamadzi gelivamwoyo, mang'ereng'anu kuli ubulengeru, gu senukanga mu intebe ya Nyasaye neyo Mwana Weligondi,

Likunula 22:17

Kandi Roho nomwiha va vola, Hamba. Kandi uyu u huliranga a vole, Hamba. Kandi uyu u veye nobuluhu yadze: kandi uyu wenyanga a vugule vutswa amadzi gelivamwoyo.

Likunula 3:14

Kandi u ng'odere ingelosi welivugana li veye mu Laodikia. Yivi nivyo vya u veye Amini, mulolekidzi musuuvirifu noweligali, mutangi welilomba lya Nyasaye, a volanga

Likunula 3:7

Kandi u ng'odere ingelosi welivugana li veye mu Filadelfia. Yivi nivyo vya uyu u veye mutakatifu, noweligali, kandi u veye nolufunguo lwa Daudi, nowigulanga kandi si ha veye nomuhani, no hananga kandi si ha veye nowigula, a volanga: