Yohana 14:30 - KITABU KITAKATIFU

³⁰ Si nda mu volera manyingi kandi, kigira munene wavomkivala yadza: kandi si a veye nekindu mu inze;

Yohana 14:30 ပူးပေါင်းရင်းမြစ်များ

Luka 1:35

Ingelosi ya tivula, na a mu volera, Roho Muta katifu a ladza ku ive, netsingulu tsya Uveye Igulu Ligali tsi la ku kinga kigira yaga Kitakatifu yikyo ki livulwa ku ive ki la langwa Mwana wa Nyasaye.

Luka 22:53

Lwa nda li halala nemwinye kazozo mu litempeli, si mwa nyira amakono genyu kungumira: navutswa yiyi ni isaa yenyu, neyetsingulu tsyekisundi.

Yohana 12:31

Kalunu ni likalaga lyavomkivala yiki: kalunu munene wekivala yiki a la tebwa.

Vikolwa 1:3

Kandi ya loleka kuvo mwene a veye mwoyo, ku vilolekidzu vyeligali vinyingi, inyima yobusaliri bwibwe, na a loleka kuvo inyinga yamadiku makumi gane, na a va volera amakuva gobwami bwa Nyasaye.

2 Vakorintho 4:4

avomunyasaye welirova yili u vakulidzi muvo tsiganagani tsyavo ava vula kusuuvira, ubulavu bwevangeli yobukumi bwa Kristo, u veye ligondo lya Nyasaye, ubulavu yibu bu ta ng'ereng'ana kuvo.

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vafeso 2:2

bwa mwa gendera mu ku matsyambiri kuli liva lyetsinyinga tsyelirova yili, kuli mwami wetsingulu tsyobwerefu, wa roho gu yinziranga kalunu mu vana vobutingu.

Vafeso 6:12

Kigira ubulwani bwetu si bu li bwoku inyama namasahi, navutswa ku bwami, noku tsingulu, noku yava avamehanga mu kisundi yiki, noku mahe ga roho midamano mbwerefu.

Vakolosai 1:13

Wa ku honnya nokukutwulidza mu tsingulu tsyekisundi nokukwidikiridza mu bwami bwo Mwana wobuyanzi bwibwe;

Vahebraina 4:15

Kigira si ku veye nomusalisi munene u ta nyala kuverera ku budedekere bwetu; navutswa uyu wa geridzwa mu vindu vyosi kuli kwinye, navutswa bugira ubwoni.

Vahebraina 7:26

Kigira musalisi kuli uyu a duka kwinye, mutakatifu, u ta li nobudamano, u ta veye nekigugunyu, wahulwa ku voni, wa vikwa weligulu;

1 Petro 1:19

navutswa ku masahi malahi kuli agomwana weligondi, u ta li nekindu kuye kidamano, u ta li nembala, ga veye ga Kristo:

1 Petro 2:22

wa vula kukola ubwoni, kandi wa vula kunyoleka ubugadi mu munwa gwigwe:

1 Yohana 4:4

Mwinye mu veye ava twula ku Nyasaye, avana vakekeke vange, kandi mwa va guuta: kigira u veye mu mwinye, a veye munene kuvita u veye mu avomkivala.

1 Yohana 5:18

Ku manya, ku vosi wivulwa kutwula ku Nyasaye si a kola ubwoni; navutswa wivulwa ku twula ku Nyasaye yelinda, na mudamano si a mu dira mba.

1 Yohana 5:19

Ku manya ku veye ava twula ku Nyasaye, kandi avomkivala vosi va gona mu mudamano.

Likunula 12:9

Kandi guyoka gunene gwagululwa hasi, gu ueye inzoka ya kale, gu langwa Ibilisi kandi Setani, uyu u gadanga avomulirova vosi; yagululwa hu lirova, kandi tsingelosi veve vagululwa hasi halala naye