Yohana 14:27 - KITABU KITAKATIFU

²⁷ Mirembe mmu lekera; mirembe gyange mmu hedza: si mmu ha kuli avomkivala va haana. Mu ta henda myoyo gyenyu, kandi gvi ta va nobu tii.

Yohana 14:27 ပူးပေါင်းရင်းမြစ်များ

2 Kyetsinyinga 20:30

Ma bwami bwa Jeho shafatu bwehodzeridza; kigira Nya saye wewe ya mu ha busosi ku tsi mbega tsyosi.

Ayubu 34:29

Lwa a leta mirembe, ni bwaha a nyala kulola kuye ubudamano? Na lwa a visanga mmoni mwimwe ni bwaha u nyala kumulola? Na a va na ga lomberwa ihiri, kinga umundu, ga leng'ana:

Zaburi 11:1

Nzirukira ku Yahova: Mu volera ndi mwoyo gwange U buluke kuli linyonyi kutsia mu kigulu kikyo;

Zaburi 112:7

Si a la tia makuva madamano: Mwoyo gwigwe gu dinyeridzwa, mu lisuuvira Yahova.

Zaburi 27:1

Yahova a veye ubulavu bwange na ubuhonnyi bwange; Nda tia bwaha? Yahova a veye lugaga lwelivamwoyo lyange; Nda va nobutii ku bwaha?

Zaburi 28:3

U ta sunda inze haluvega halala na vadamano mba, Na halala nava kola ubwoni Ava volanga mirembe navatendevavo, Navutswa kidamano ki veye mu myoyo gyavo.

Zaburi 29:11

Yahova a la ha avandu veve tsingulu; Yahova a la gasidza avandu veve nemirembe.

Zaburi 56:11

Mbiki lisuuvira lyange mu Nya saye, si nda tia mba; Mundu a nyala kunkolera ikindu ki?

Zaburi 56:3

Inyinga ya mbeye nobutii, Nda vika lisuuvira lyange mu ive.

Zaburi 72:2

A la kalagira avandu vovo nobulungi, Na avadaka vovo nobulungi.

Zaburi 72:7

Mu madiku gege avalungi va la gasidzwa, Na mirembe minyingi kuduka mweli gu fweye.

Zaburi 85:10

Tsimbabasi na ageligali vi vugani halala; Ubulungi na mirembe vi busani.

Zaburi 91:5

U ta tia kigira vyokutihidza vyobudiku mba, Kinga mbano gu lasangwa mbasu;

Tsing'ano 3:25

U ta tia ubutihidzi bwa nonoho, Kinga ubwoneku bwavadamano lwa bu duka:

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 41:14

U ta tia mba, ive ing'ende Yakobo, na mwinye avandu va Israeli; nda ku konya, Yahova a vola, na Muhonnyi wowo ni uyu Mutakatifu wa Israeli.

Isaya 54:13

Na avana vovo vosi va legidzwa ku Yahova; nemirembe gyavana vovo gyi la va minene.

Isaya 55:12

Kigira mu la twula nobuyanzi, nokwimirirwa nemirembe: vigulu notugulu vi laleta tsinyimbu nokwimba imbiri wenyu, nemisala gyosi gyommilimi gyi la kong'onda mikono.

Isaya 57:19

Inze mbeye mulombi wa makuyu geminwa: Mirembe, mirembe, ku uyu u veye ihale noku uyu u veye ahimbi, Yahova a vola; nda mu honnya.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Jeremia 1:8

U ta tia mba kigira yavo; kigira inze mbeye halala nive kukuhonnya, Yahova a vola.

Lisyoma lya Jeremia 3:17

U mali kuvika mwoyo gwange gu ve ihaie nemirembe; nziviriye ligasidzwa.

Ezekieli 2:6

Na ive, mwana womundu, u ta tia avandu yavo mba, kandi u ta tia amakuva gavo mba, kali amafwa nolutavati ni vi veye halala nive, na ive u menya nga hagati ha tsing'e: u ta tia amakuva gavo, kandi u ta timuka enkola kigira lifwana lyavo, kali ni va veye inyumba yebaala.

Danyeli 4:1

Nebukadinezaru mwami, ng'odera avandu vetsihiri tsyosi na avetsimpya tsyosi, na avetsinimi tsyosi, ava menya mu lirova lyosi: Mirembe gyi medeke ku mwinye.

Danyeli 6:25

Kunangwa mwami Dario ya ng'odera avandu vosi, avetsihiri tsyosi, na avetsinimi tsyosi, ava menya mu lirova lyosi: Mirembe gyi medeke ku mwinye.

Zekaria 6:13

yee, uyu a lombaka litempeli lya Yahova; kandi naye a la ginga ubukumi, na a likala nokwameha ku intebe yeye yobwami; na a la va musalisi ku intebe yeye; na livola lyemirembe li la va hagati havo vombi.

Livalidza 6:26

Yahova a ku gingire mumoni mwimwe, nokukuha mirembe.

Matayo 10:26

Kigira yaga mu ta va tia: kigira si ha veye nekya kunikwa, ki li vula kukunulwa; kinga kya viswa, ki li vula kumannywa.

Luka 1:79

Bu ng'ereng'ane kuvo ava menya mu kisundi nomu kiriri kyelikudza. Kwimirira virenge vyetu ku inzira yemirembe.

Luka 10:5

Kandi ku tsi nyumba tsyosi ya mu lingira mu, mu tange kuvola, Mirembe gyi ve mu inyumba yiyi.

Luka 12:4

Kandi inze mmu volera, mwinye avalina vange, Mu ta tia aviita mubiri, navutswa lwanyima si va veye nagandi ga va nyala kukola.

Luka 2:14

Ubukumi bu ve igulu migulu ku Nyasaye. Nemirembe ku kivala ku vandu ava ya yanza.

Yohana 14:1

Mu ta henda myoyo gyenyu: suuviri Nyasaye, mu suuvire inze kandi.

Yohana 16:33

Yaga mmali kumuvolera, mu duke kuva nemirembe ku inze. Mu lirova mu la va nekivi: navutswa mwidinyiridze; inze mmali kuguuta avomkivala.

Yohana 20:19

Kunangwa lwa gwa li mgolova gwelidiku yilyo, li veye lyokutanga lisidza, kandi viliango lwa vi mali kuhanwa ha vegidzwi va li ni va veye, kigira va tia Vayuda, Yesu yadza na a singira hagati, na a va volera, Mirembe ku mwinye.

Yohana 20:21

Ku. Yesu ya va volera kandi, Mirembe ku mwinye: kuli wa Dada ya ntuma, inze kandi mmu tuma ndiyo.

Yohana 20:26

Inyima ya madiku gatanu na gavaka, kandi avegidzwi veve va li mu inyumba, kandi Tomasi ya li halala navo. Viliango ni vi mali kuhanwa, Yesu yadza na a singira hagati, na a vola, Mirembe ku mwinye.

Vikolwa 10:36

Likuva lya ya hilira avana va Israeli, ni yilwadza ivangeli yemirembe i twula ku Yesu Kristo, (naye ni Mwami wa vosi)

Vikolwa 18:9

Kandi Mwami ya volera Paulo mu maloto mu budiku, U ta tia, navutswa u vole u ta kiring'ana mba:

Varumi 1:7

Ibaruwa yange yiyi i dukire vosi ava veye mu lidala lya Romi, avayanze va Nyasaye, ava langwa va ve avatakatifu. Tsimbabasi tsi ve ku mwinye, nemirembe gyi twulanga ku Dada wetu kandi ku Mwami Yesu Kristo.

Varumi 15:13

Kalunu Nyasaye welisuuviridzwa a mwizulitse ubuyanzi bwosi nemirembe mu lisuuvira, mu duke kukira lisuuviridzwa, mu tsingulu tsya Roho Mutakatifu.

Varumi 5:1

Kunangwa ku mali kulungekidzwa kigira lisuuvira, ku veye nemirembe na Nyasaye kigira Mwami wetu Yesu Kristo.

Varumi 5:10

Kigira ni i va lwa kwa li avasigu, kwa hambanywa na Nyasaye ku likudza lyo Mwana wewe, ligali kuvita, ni ku mali kuhambanywa ndi, ku la honnyirwa mu livamwoyo lilye.

Varumi 8:6

Kigira liganagana lyomubiri li yeye likudza; navutswa liganagana lya Roho li veye livamwoyo, kandi ii veye mirembe.

1 Vakorintho 1:3

Tsimbabasi tsi ve ku mwinye nemirembe gyi twulanga ku Nyasaye Dada wetu noku Mwami Yesu Kristo.

Vagalatia 1:3

Tsimbabasi tsi ve ku mwinye nemirembe gyi twula ku Nyasaye Dada, noku Mwami wetu Yesu Kristo,

Vagalatia 5:22

Navutswa likuyu lya Roho li veye ubuyanzi, nobusangali, nemirembe, nobwikudziri, netsimbabasi, nobulungi, nobusuuvirifu,

Vagalatia 6:16

Ku yava ava londa miima yigyi gyekilombe kihya, mirembe gyi ve kuvo, kandi tsimbabasi, kandi ku Vaisraeli va Nyasaye.

Vafilipi 4:7

Nemirembe gya Nyasaye, gyi vitanga limanya lyosi, gyi la linda myoyo gyenyu netsiganagani tsyenyu mu Kristo Yesu.

Vakolosai 1:2

ibaruwa yetu yiyi i duke ku vatakatifu na avamitu avasuuvirifu mu Kristo ava veye Kolosai: Tsimbabasi tsi ve ku mwinye nemirembe gyi twula ku Nyasaye Dada wetu.

Vakolosai 1:20

nokuleta vindu vyosi kuhambana kuye mwene kigira uyu, lwa a mali kuletera mirenmbe ku masahi gege agomusalaba gwigwe; yee, kigira uyu, ni vi veye vindu vya hasi, kinga vyomigulu.

Vakolosai 3:15

Kandi mu leke mirembe gya Kristo gyamehe mu myoyo gyenyu, mwinye mwa langirwa mu mubiri mulala mu duke kugyinyola, kandi mu ve nelisantidza.

2 Vatesalonike 1:2

Tsimbabasi nemirembe gyi twulanga ku Nyasaye Dada, noku Mwami Yesu Kristo, gyi ve na mwinye.

2 Vatesalonike 3:16

Kalunu Mwami wemirembe a mu he mirembe kazozo ku vindu vyosi. Mwami a ve nemwinye vosi halala.

2 Timoteo 1:7

Kigira Nyasaye si ya ku ha mwoyo gwobutii, navutswa gwetsingulu, nogwobuyanzi, nokwilinda bulahi.

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

Vahebraina 7:2

wa Abrahamu ya gavulira vindu vyosi nokumuha kidieli kyelikumi (kutanga ligirunkanywa lyago ya langwa, Mwami wobulungi, kandi Mwami wa Salemi, livola lyago li veye Mwami wemirembe;

Likunula 1:4

Mang'oda ga Yohana ga duka ku mavugano gatano na gaviri aga veye mu Asia: Tsimbabasi tsi ve ku mwinye nemirembe, gyi twulanga ku uyu u veye ho nowa li ho nu udzanga; kandi gyi twulanga ku Roho vatano na vaviri ava veye imbiri wentebe yeye yobukumi;

Likunula 2:10

U ta tia vindu vvenya kukugwira: henza Ibilisi a veye himbi kuvika valala ku mwinye mu buhambe, mu duke kugeridzwa, kandi mu la va nelidambidzwa madiku likumi, U ve musuuvirifu kuduka likudza, na inze nda ku ha itaji yelivamwoyo.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.