Yohana 14:26 - KITABU KITAKATIFU

²⁶ Navutswa uyu Mukonyi, Roho Mutakatifu wa Dada a la tuma ku lieta lyange, a la mwegidza amakuva gosi, naye a la mwidzulitsa gosi ga nda mu volera.

Yohana 14:26 ပူးပေါင်းရင်းမြစ်များ

Zaburi 51:11

U ta nsyuva ntwule imbiri wowo; Kandi u ta twulidza ku inze Roho Mutakatifu wowo.

Isaya 54:13

Na avana vovo vosi va legidzwa ku Yahova; nemirembe gyavana vovo gyi la va minene.

Isaya 63:10

Navutswa va kola ubwebaali, ni va verereridza Roho Mutakatifu wewe: kigira yaga ya girunkana a duke kuva musigu wavo, naye ya lwana navo.

Matayo 1:18

Livulwa lya Yesu Kristo lya li ndi. Mama wewe, Iwa Yosefa ya mala kumkwa, navutswa inyinga va kikiri kuva halala ya nyolwa na a ve inda ya Roho Mtakatifu.

Matayo 1:20

Navutswa lwa ya ganagana vindu yivi, henza ingelosi wo Mwami ya loleka kuye mu maloto na a vola, Yosefa, mwana wa Daudi, u ta tia kuleta Maria mkali wowo: kigira kya verekwa muye ki veye kya Roho Mtakatifu.

Matayo 28:19

Kigira yaga mu tsie kukola avegidzwi ku tsihiri tsyosi, mu va batidze mu lieta lya Dada, nomu lyo Mwana, nomu Iva Roho Mtakatifu:

Matayo 3:11

Ligali inze mmu batidza mmadzi mu duke kweganira; navutswa u nonderera a veye netsingulu kuvita inze, vilatu vivye si ndukana kumugingira: uyu a la mu batidza mu Roho Mtakatifu nomu muliru.

Marko 12:36

Daudi mwene ya vola na Roho Mtakatifu, Mwami ya volera Mwami wange, Wikala ha mkono mulungi gwange, Ndadza nduke kukola avasigu vovo va gwe kisako kyevirenge vivyo.

Marko 13:11

Lwa va mu hila mu kyina nokumuzama, mu ta henda myoyo imbiri ku livola lyenyu: navutswa amakuva ga mu li hebwa inyinga yiyi mu vole; kigira si mu li mwinye mu vola, navutswa ni Roho Mtakatifu.

Luka 1:15

Kigira a la va munene imbiri wo Mwami, si a li nwa iwaini namalwa mba; a lizula Roho Mtaka tifu, kutwula munda mwa mama wewe.

Luka 1:35

Ingelosi ya tivula, na a mu volera, Roho Muta katifu a ladza ku ive, netsingulu tsya Uveye Igulu Ligali tsi la ku kinga kigira yaga Kitakatifu yikyo ki livulwa ku ive ki la langwa Mwana wa Nyasaye.

Luka 1:41

Elisabeti lwa ya hulira lichelidza lya Maria, mwana ya kina munda mwimwe Elisabeti yizula Roho Mutakatifu,

Luka 1:67

Zekaria ise wewe, yizula Roho Mutakatifu, na a profeta, na a vola,

Luka 11:13

Mwinye ava veye avadamano, ni mu manya kuha avana venyu vihaanwa vilahi, na si ndi Dada wenyu u veye migulu a la vitira kuli ha kuhaana Roho Mutakatifu kuvo ava mu saala?

Luka 2:25

Henza, ya li ho mu Yerusalemi mundu, wa langwa lieta lilye Simeoni; mundu uyu ya li mulungi wa tia Nyasaye, wa linda lihodzeridzwa lya Israeli: kandi Roho Mutakatifu ya li kuye.

Luka 24:49

Kandi henza, inze ndeta lisuuviridza lya Dada wange ku mwinye: navutswa mu linde mu lidala mu duke kuvikwa tsingulu tsi twula migulu.

Luka 3:22

na Roho Mutakatifu yika kuye neligondo kuli mubiri gwelikuula, kandi mwoyo gwa twula migulu, gu vola, Ive u veye Mwana wange wa nyanza; nyanzeywi ligali ku ive.

Yohana 1:33

Kandi si nda mu manya: navutswa uyu wa ntuma kubatidza mu madzi, ya mbolera, Wa u li lola Roho yika na a menya kuye, uyu niye a batidza mu Roho Mutakatifu.

Yohana 12:16

Vindu yivi avegidzwi veve si va hulira lwambiri: navutswa Yesu lwa ya mala kukuminywa, kunangwa vidzulitsa yaga ga ng'odwa kuye kale, kandi va mu kolera vindu yivi.

Yohana 14:16

Kandi inze nda saava Dada, naye a la mu ha Muko nyi wundi, a ve na mwinye halala mihiga nemihiga.

Yohana 14:25

Amakuva yaga mmu volera lwa nkikiri nemwinye.

Yohana 15:26

Navutswa lwa a li duka Mukonyi, wa ndi tuma kutwula ku Dada, naye niye Roho wa geligali u twula ku Dada, a li ndolekidza:

Yohana 16:7

Nawtswa mmu volera ageligali: Nu bulahi ku mwinye inze ntsie; kigira ni nta tsia, Mukonyi si a lidza ku mwinye; navutswa ni ntsia, nda mu tuma ku mwinye.

Yohana 2:22

Lwa ya simugukidzwa kutwula mu vakudzi, avegidzwi veve vidzulitsa ya vola yaga; ni va suuvira amang'odwa nelikuva lya Yesu ya vola.

Yohana 20:22

Lwa ya vola yaga, ya va heerera mwika, na a va volera, Mu vugule Roho Mutakatifu.

Yohana 6:45

Ga ng'odwa mu vi tabu vya vaprofeti, Vosi va legidzwa na Nyasaye. Sa mulala u hulira Dada wange, ni yega, yadza ku inze.

Yohana 7:39

Navutswa yaga ya vola ku Roho, wa va li nyola, yava ava suuvira kuye: kigira Roho ya li na kikiri kuhaanwa; kigira Yesu ya li na a kikiri kuhebwa ubukumi.

Vikolwa 1:2

kuduka ku lidiku lya yingiridzwa migulu, inyima ya ya mala kuheera avatumwa ava ya tovola, lilaga ku Roho Mutakatifu.

Vikolwa 1:4

Kandi, lwa ya vugana navo ya veganehidza va ta twula Yerusalemi, navutswa va linde lisuuviridza lya Dada, lya ya rola, mwa hulira ku inze:

Vikolwa 1:8

Navutswa mwinye mu la nyola tsingulu lwa Roho Mutakatifu a lidza ku mwinye: mu la va avalolekidzi vange mu Yerusalemi, kandi mu Buyuda bwosi kandi mu Samaria, kandi kuduka ku kiheri kyelirova.

Vikolwa 11:16

Ma ndidzulitsa likuva lyo Mwami, kuli ya vola, Yohana ya batidza na madzi ligali, navutswa mwinye mu la batidzwa mu Roho Mutakatifu.

Vikolwa 13:2

Navo lwa va li ni va tumekira Mwami, ni va honga lilia, Roho Mutakatifu ya va volera, Mu ntwulidzire Baranaba na Saulo kigira miyinzi gya mba langira.

Vikolwa 13:4

Kunangwa navo, va tumwa na Roho Mutakatifu va sulunguta kuduka Seleukia; na kutwula yaho va nina mu bwato va tsia Kuporo.

Vikolwa 15:28

Kigira Roho Mutakatifu na kwinye ku loli bulahi ku ta mu dwika musigo gu vita yigu gwevindu yivi vi ta nyala kulekwa:

Vikolwa 15:8

Kandi Nyasaye u manya myoyo, ya va lolekidza, na a va ha Roho Mutakatifu kuli ya ha kwinye;

Vikolwa 16:6

Va vita mu kivala kya Frigia nekya Galatia kigira Roho Mutakatifu ya va gaya kwilwadza likuva mu Asia;

Vikolwa 2:33

Kunangwa naye u mali kunenehidzwa kuduka ha mukono mulungi gwa Nyasaye, kandi u vuguye ku Dada lisuuviridza lya Roho Mutakatifu, u tsuki yiki kya mu lola nekya mu hulira.

Vikolwa 2:4

Kandi vizula vosi Roho Mutakatifu ni va tanga kuvola netsinimi lugano lugano, kuli Roho ya va ha livola.

Vikolwa 20:28

Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene.

Vikolwa 20:35

Inze mmali kumugerera ku vindu vyosi, nu bulahi mu didikane ndi mu konye avadekerana, nokwidzulitsa amakuva go Mwami Yesu kuli ya vola, Lihaana li veye nobugasu kuvita livugula.

Vikolwa 28:25

Kandi lwa va vula kuhuliridzana avene, va tsia, inyima ya Paulo ya mala kuvavolera likuva lilala: Roho Mutakatifu ya volera avaguga venyu bulahi nomunwa gwomuprofeti Isaya,

Vikolwa 5:3

Navutswa Petro ya vola, Anania, kigira ki Setani a kwizula mwoyo gugwo u volere Roho Mutakatifu ububehi, na u vaase tsindi ku tsishilling tsyo mulimi?

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Vikolwa 7:55

Navutswa naye ya manya ni yizula Roho Mutakatifu, ni yumika na a henza migulu, na a lola ubukumi bwa Nyasaye, na Yesu u singiye ha mukono mulungi gwa Nyasaye,

Varumi 14:17

kigira ubwami bwa Nyasaye si bu veye kulia nokunwa, navutswa bu veye ubulungi nemirembe nobuyanzi mu Roho Mutakatifu.

Varumi 15:13

Kalunu Nyasaye welisuuviridzwa a mwizulitse ubuyanzi bwosi nemirembe mu lisuuvira, mu duke kukira lisuuviridzwa, mu tsingulu tsya Roho Mutakatifu.

Varumi 15:16

nduke kuva mutumwa wa Kristo Yesu ntsie ku Tsihiri, mba kolere ivangeli ya Nyasaye, kihaanwa kye Tsihiri ki duke kubu girirwa, Roho Mutakatifu na a mali kukitakasa.

Varumi 5:5

kandi ubuluviriri si bu leta tsisoni; kigira Roho Mutakatifu wa kwa hebwa, u tsuki ubuyanzi bwa Nyasaye mu myoyo gyetu.

1 Vakorintho 12:3

Kigira yaga mmannya mwinye si ha li nomundu u volanga mu Roho wa Nyasaye, u vola, Yesu a ve lilaamwa; kandi si ha li nomundu u nyala kuvola Yesu a veye Mwami ni bu ta li mu Roho Mutakatifu.

1 Vakorintho 6:19

Naho si mu manya mubiri gu veye litempeli lya Roho Mutakatifu u veye mu mwinye, wa mu veye naye kutwula ku Nyasaye? Kandi mibiri si gyi veye gyenyu;

2 Vakorintho 13:14

Tsimbabasi tsyo Mwami Yesu Kristo, nobuyanzi bwa Nyasaye, nelisanga lya Roho Mutakatifu, vi ve nemwinye mwosi.

2 Vakorintho 6:6

mu litakaswa, mu limanya, mu lyekudzira, mu likolera avandi bulahi, mu Roho Mutakatifu mu liyanza li ta li nobugadi,

Vafeso 1:13

Muye mwinye kandi, lwa mu mali kuhulira likuva lyeligali, nalyo nevangeli yobuhonnyi bwenyu, lwa mwa mala kumusuuvira mwa vikwa muhuri gwa Roho Mutakatifu welisuuviridza,

Vafeso 1:17

Nyasaye wo Mwami wetu Yesu Kristo u veye Dada wobukumi, a he mwinye roho gwobugeeri nogwelivuula lyokumumanya;

Vafeso 4:30

Kandi mu ta vereridza Roho Mutakatifu wa Nyasaye wa mwa vikirwa ku muhuri, mu luhe mu duke ku lidiku lyelitungirwa.

1 Vatesalonike 4:8

Kunangwa uyu u sulanga, si a sulanga mundu navutswa a sulanga Nyasaye u hedzanga mwinye Roho Mutakatifu wewe.

2 Timoteo 1:14

Kindu kilahi kya vikwa ku ive kulinda, u ki linde netsingulu tsya Roho Mutakatifu u menya mu kwinye.

Tito 3:5

si ku li ku miyinzi gyobulungi gya kwa kola kwinye avene, navutswa ya ku honnyira ku tsimbabasi tsitsye, nelyogidza lyelivulwa lihya nokukolwa ubuhya kigira Roho Mutakatifu,

Vahebraina 10:15

Kandi Roho Mutakatifu a ku lolekidzira, kigira inyima wa ya vola yaga.

Vahebraina 2:4

Nyasaye kandi ya lolekidza halala navo, ku vilolekidzu, noku vyokugenya, noku tsingulu tsinyingi, noku vihaanwa vya Roho Mutakatifu kuli ubulaliri bwibwe.

Vahebraina 3:7

Kunangwa kuli Roho Mutakatifu a volanga, Lero ni mu va ni mu hulira mwoyo gwigwe,

Vahebraina 9:8

Roho Mutakatifu ya lang'aminya ku likuva yili, inzira yokwingira mu hatakatifu i kikiri kulang'aminywa, inyinga lihema lyokutanga li ki singiye;

1 Petro 1:12

Aga lang'aminywa kuvo, si ga li kuvo avene, navutswa ku mwinye va tumekiranga mu vindu yivi vilwadzeywi kalunu na yavo ku mwinye, avilwadza ivangeli mu Roho Mutakatifu wa tumwa kutwula migulu; amakuva getsingelosi venyanga kuteveridza.

2 Petro 1:21

Kigira ubuprofeti si bwa dukira ku bulaliri bwomundu: navutswa vandu va twula ku Nyasaye va vola aga Roho Mutakatifu ya va tsuviridza.

1 Yohana 2:20

Navutswa mwinye mu veye nelivakwa li twula ku Mutakatifu, kandi mu manya gosi.

1 Yohana 2:27

Navutswa mwinye, livaka lya mwa nyola kuye li menya mu mwinye, kandi si mwenya mundu kali mulala kumwegidza; navutswa kuli livaka lilye li mwegidza ku vindu vyosi, kandi li veye lyeligali, kandi si li veye lyobubehi, kandi kuli wa lya mwegidza mu menya muye.

1 Yohana 5:7

Kigira vavaka va ve avelolekidzi migulu, Dada ne Inkuva na Roho Mutakatifu, na yavo vavaka va veye mulala.

Yudasi 1:20

Navutswa mwinye, avayanze, mu lyeyombaka mu lisuuvira lyenyu litakatifu nomu lisaala mu Roho Mutakatifu

Likunula 2:11

Uyu u veye nogutu, a hulire aga Raho a voleranga mavugano. Uyu u guutanga si a la nyola kivi kyelikudza lya kaviri.