Yohana 14:24 - KITABU KITAKATIFU

²⁴ U ta nyanza si a gumira amakuva gange: kandi likuva lya mu huliranga si li veye lyange, navutswa ni lya Dada wa ntuma.

Yohana 14:24 ပူးပေါင်းရင်းမြစ်များ

Matayo 19:21

Yesu ya mu volera, Nu wenya kuva mudukiru, tsia u gulidze vyosi vya u veye navyo, u he avadaka, na ive u la va na akiba migulu: udze, u nonde.

Yohana 14:10

Si u suuvira inze mbeye mu Dada, na Dada a veye mu inze? Amakuva ga mmu volera si nga vola inze mwene: navu tswa Dada a veye mu inze a kolanga miyinzi gyigye.

Yohana 14:15

Ni mba ni mu yanza inze, mu la gumira malago gange.

Yohana 14:25

Amakuva yaga mmu volera lwa nkikiri nemwinye.

Yohana 3:11

Ligali, ligali, nku volera, Ku vola ga ku manya, kandi ku lolekidza vya ku loli, navutswa lilolekidza lyetu si mu bugirira mba.

Yohana 3:34

Kigira uyo wa Nyasaye ya tuma a vola amakuva ga Nyasaye: kigira Nyasaye si a mu ha Roho nekigero.

Yohana 5:19

Kigira yaga Yesu ya tivula na a va volera, Ligali, ligali, mmu volera, Mwana si a nyala kukola kindu mwene, navutswa vya a lola Dada a kolanga: kigira ku vindu vyosi vya a kola, yivi kandi Mwana a kola ndiyo.

Yohana 5:38

Kandi si mu veye nelikuva lilye li menya mu mwinye: kigira mwinye si mu suuvira uyu wa ya tuma.

Yohana 7:16

Kigira yaga Yesu ya va tivulira, na a vola, Me gidzo gange si ga veye gange, navutswa ga uyu wa ntuma.

Yohana 7:28

Kigira yaga Yesu ya gamba ni yegidza mu litempeli, na a vola, Inze, mwinye mu mmanya, kandi mu manya ha nda twula; kandi si ntsitsa inze mwene, navutswa uyu wa ntuma noweligali, wa mu ta manya mwinye.

Yohana 8:26

Mbeye nevindu vi nyingi vyokuvola ku mwinye nokukalaga ku mwinye: navutswa wa ntuma a veye weligali; na inze aga nda hulira kuye, nigo aga mbolera avomkivala.

Yohana 8:28

Kigira yaga Yesu ya va volera, Lwa mu li ginga Mwana wa Adamu, nilwo lwa mu li manya inze niye, kandi si nkola kindu mwene, navutswa mbola vindu yivi kuli wa Dada ya nzegidza.

Yohana 8:38

Mbolanga aga nda lola ku Dada wange: na mwinye kandi mu kola ga mwa hulira ku dada wenyu.

Yohana 8:42

Yesu ya va volera, Nyasaye na a ve Dada wenyu, nkano mu yanza inze: kigira inze nda twula ku Nyasaye kuduka hano; kandi si nzidzi mwene, navutswa ya ntuma.