Yohana 14:23 - KITABU KITAKATIFU

²³ Yesu ya tivula, na a mu volera, Mundu na a nyanza, a la gumira likuva lyange: na Dada wange a la mu yanza kwinye ku ladza kuye, na ku la, menya naye.

Yohana 14:23 ပူးပေါင်းရင်းမြစ်များ

Litanga 1:26

Kandi Nyasaye ya vola, Ku lombe mundu ku lifwanana lyetu, na kuli liva lyetu: kandi va ve nelyameha ku tsisudzi tsyomu inyanza, noku manyonyi gombwereru, noku mitugu, noku lirova lyosi, noku vi molanga ku lirova vyosi.

Litanga 11:7

Gendi, kwike, ku vike ligoyana mu lulimi lwavo, va vule kuhuliridzana avene na avene.

Zaburi 90:1

Mwami, u veye ubumenyo bwetu Mu makula gosi.

Zaburi 91:1

Uyu u menyanga mu likingwa lya Weigulu Ligali A la menya mu kiriri kya Wanyala Vyosi.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Yohana 10:30

Inze na Dada ku veye kindu kilala.

Yohana 14:15

Ni mba ni mu yanza inze, mu la gumira malago gange.

Yohana 14:17

Naye ni Roho wa geligali, wavomkivala va ta nyala kumuvugula; kigira si va mu lola, kandi si va mu manya: mwinye mu mu manya; kigira a menya na mwinye, naye a la va mu mwinye.

Yohana 14:21

Uyu u veye namalago gange, na a ga gumira, uyu niye u nyanza: naye u nyanza, Dada wange a la mu yanza na inze nda mu yanza, kandi inze nda mu vuulikira.

Yohana 14:24

U ta nyanza si a gumira amakuva gange: kandi likuva lya mu huliranga si li veye lyange, navutswa ni lya Dada wa ntuma.

Yohana 15:10

Ni mu va ni mu gumira malago gange, mu la menya mu buyanzi bwange; kuli inze ngumira malago ga Dada wange, kandi menya mu buyanzi bwibwe.

Yohana 16:27

kigira Dada mwene a mu yanza, kigira mu nyanzi, kandi mu suuviye inze nda twula ku Dada.

Yohana 6:56

Uyu u lia inyama yomubiri gwange nokunwa masahi gange a menya mu inze, kandi inze muye.

Yohana 8:51

Ligali, ligali mmu volera, mundu na a gumira likuva lyange, si a li lola likudza mihiga nemihiga.

Yohana 8:52

Avayuda va mu volera, Kalunu ku manya u veye nelidemone. Abrahamu ya kudza, kandi avaprofeti; nive u vola, Mundu na a gumira likuva lyange si a li tsatsama likudza mihiga nemihiga.

2 Vakorintho 6:16

Kandi litempeli lya Nyasaye li veye nobuhambani ki nemisambwa? Kigira kwinye ku veye litempeli lya Nyasaye welivamwoyo; kuli Nyasaye ya vola, Nda menya muvo, kandi nda genda muvo; kandi nda va Nyasaye wavo, navo va la va avandu vange.

Vafeso 3:17

Kristo a duke kumenya mu myoyo gyenyu kigira lisuuvira; kuduka mu mali kuva nemiri nomuse mu buyanzi,

1 Yohana 2:24

Mwinye aga mwa hulira kutwula mu litanga, mu ga leke ga menye mu mwinye. Aga mwa hulira kutwula mu litanga, ni ga menya mu mwinye, mu la menya mu Mwana, nomu Dada.

1 Yohana 2:5

ku vosi u gumira likuva lilye ubuyanzi bwa Nyasaye bu dukidzeywi muye ligali. Ku yaga ku manya ku veye muye.

1 Yohana 4:4

Mwinye mu veye ava twula ku Nyasaye, avana vakekeke vange, kandi mwa va guuta: kigira u veye mu mwinye, a veye munene kuvita u veye mu avomkivala.

1 Yohana 5:3

Kigira yibwo nu buyanzi bwa Nyasaye, ku gumire amalago gege: kandi amalago gege si ga li malitu mba.

2 Yohana 1:6

Kandi yibu bu veye ubuyanzi, ku gende kuii lilaga lilye. Yili nelilaga, kuli lya mwa hulira kutwula mu litanga, mu gende mu yilyo.

Likunula 21:22

Kandi si nda lola mu litempeli: kigira uyu Mwami Nyasaye Wanyala Vyosi, kandi uyu Mwana Weligondi, va veye litempeli lyalyo.

Likunula 21:3

Kandi nda hulira mwoyo munene gu twula mu intebe, ni gu vola, Henza, ubumenyo bwa Nyasaye bu veye halala navandu, kandi a la menya navo, navo va la va avandu veve, kandi Nyasaye mwene a la va halala navo, Nyasaye wavo:

Likunula 22:3

Kandi si ha la va nelilaama kandi: kandi intebe ya Nyasaye neyo Mwana Weligondi i la va mu: kandi avatugwa veve va la mu tumekira;