Yohana 14:21 - KITABU KITAKATIFU

²¹ Uyu u veye namalago gange, na a ga gumira, uyu niye u nyanza: naye u nyanza, Dada wange a la mu yanza na inze nda mu yanza, kandi inze nda mu vuulikira.

Yohana 14:21 ပူးပေါင်းရင်းမြစ်များ

2 Avami 18:6

Kigira uyu ya hambana na Yahova; si ya leka kumulonda mba, navutswa ya gumira malago gege, ga Yahova ya laga Musa.

Zaburi 35:27

Va yanze, na va sangale, yava ava yanzanga makuva gange malungi: Yee, va vole kazozo, Yahova yidzominywe, U yanzanga mirembe gya mutu mekiri wewe.

Kutwula 33:18

Naye ya mu volera, Nku goonya kalunu, u mmannye ubukumi bubwo.

Tsing'ano 8:17

Nyanzanga yavo ava yanza inze; Navo avenyanga budinyu va la nyola inze.

Jeremia 31:31

Henza, madiku gadzanga, Yahova a vola, mu madiku yago nda kola lilagana lihya nenyumba ya Israeli, halala nenyumba ya Yuda:

Zefania 3:17

Yahova Nyasaye wowo a veye hagati hoho, wobunyali a la honnya; a la yanza ku ive nelisangala linene; a la sosa mbuyanzi bwibwe; a la sangala ku ive nelyimba.

Luka 11:28

Navutswa ya vola, Yee, navutswa va veye nobugasu ava hulira likuva lya Nyasaye, na va li gumira.

Yohana 14:15

Ni mba ni mu yanza inze, mu la gumira malago gange.

Yohana 14:18

Si ndi mu leka avabisandu: ndadza ku mwinye.

Yohana 15:14

Mwinye mu veye avalina vange, ni mu kola vindu vya mmu laga.

Yohana 16:14

Kandi u li mbuminya inze: kigira a la vugula ku vyange yilwadze ku mwinye.

Yohana 16:27

kigira Dada mwene a mu yanza, kigira mu nyanzi, kandi mu suuviye inze nda twula ku Dada.

Yohana 17:23

inze muvo, na ive mu inze, va dukidzwe kuva kindu kilala; avomkivala va manye ive wa ntuma, kandi ive u va yanza kuli u nyanza.

Vikolwa 22:18

kandi nda mu lola na a mbolera, Bwangu, u twule mu Yerusalemi tsimbiru kigira si va li vugula lilolekidza lilyo ku inze.

2 Vakorintho 12:8

Ku kindu yiki nda saala Mwami hali kavaka, ki twule ku inze.

2 Vakorintho 3:18

Navutswa kwinye kwosi nomumoni mwa vula kukunikwa ubwasasu ku lolanga ubukumi bwo Mwami kuli mu kyeloleru, ku girukannyangwa kuduka ligondo lilala kutwula ku bukumi kuduka ku bukumi, kuli ku Mwami, Roho uyu.

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

Kwidzulitsa 11:13

Kandi ga la va, ni mu va ni mu hulira ligali malago gange ga mmu laganga lero, kuyanza Yahova Nyasaye wenyu, nokumutumekira nomwoyo gwenyu gwosi, naroho gwenyu gwosi,

Kwidzulitsa 7:13

na a la ku yanza, nokukugasidza, nokukumeda; kandi a la gasidza lwivulu lwenda yoyo, nelyama lyemilimi gyigyo, ubuswage bubwo, newaini yoyo, namaguta gogo, nelimedeka lyetsing'ombe tsitsyo, navana vamagondi gogo, mu kivala kya yesuhira avaguga vovo a la hu ha.

2 Vatesalonike 2:16

Kalunu Mwami wetu Yesu Kristo mwene, na Nyasaye Dada wetu wa ku yanza na a ku ha kilema mwoyo kyemihiga nemihiga nelisuuvira lilahi mu tsimbabasi,

2 Timoteo 4:22

Mwami a ve na roho gugwo. Tsimbabasi tsi ve na ive.

1 Yohana 2:5

ku vosi u gumira likuva lilye ubuyanzi bwa Nyasaye bu dukidzeywi muye ligali. Ku yaga ku manya ku veye muye.

1 Yohana 3:1

Henza ubuyanzi lugano ki bwa Dada ya kuha, ku langwe avana va Nyasaye; kandi ku veye ndiyo. Kigira yaga avomkivala si va ku manya, kigira si va mu manya.

1 Yohana 5:3

Kigira yibwo nu buyanzi bwa Nyasaye, ku gumire amalago gege: kandi amalago gege si ga li malitu mba.

2 Yohana 1:6

Kandi yibu bu veye ubuyanzi, ku gende kuii lilaga lilye. Yili nelilaga, kuli lya mwa hulira kutwula mu litanga, mu gende mu yilyo.

Likunula 2:17

Uyu u veye nogutu, a hulire likuva lya Roho a voleranga mavugano. Uyu u guutanga nda mu ha mana i viseywi, kandi nda mu ha ligina lilavu, li ng'odeywi ku lieta lihya, lya u vula ho mundu u manyi, na a ta li uyu u hebeywi.

Likunula 22:14

Va veye nobugasu avogidzanga tsingubo tsyavo, va duke kuva netsingulu kuduka ku musala gwelivamwoyo, nokwingira mu viribwa kuduka mu lidala.

Likunula 3:20

Henza, nsingiye ha kiliango nzigulihidzanga: mundu ku vosi na a va na a hulira mwoyo gwange nokunzigulira kiliango, ndingira ha a veye, kandi nda lia halala naye, naye halala na inze.