Yohana 14:20 - KITABU KITAKATIFU

²⁰ Ku lidiku yilyo mu la manya, inze mbeye mu Dada wange, na mwinye mu veye mu inze, na inze mbeye mu mwinye.

Yohana 14:20 ပူးပေါင်းရင်းမြစ်များ

Yohana 10:38

Navutswa ni mba ni nkola, kali mu vula kunsuuvira, mu suuvire miyinzi, mu duke kuhulira nokumanya, Dada a veye mu inze, na inze mu Dada.

Yohana 14:10

Si u suuvira inze mbeye mu Dada, na Dada a veye mu inze? Amakuva ga mmu volera si nga vola inze mwene: navu tswa Dada a veye mu inze a kolanga miyinzi gyigye.

Yohana 14:11

Mu suuvire inze mbeye mu Dada, na Dada a veye mu inze: kinga mu suuvire inze kigira miyinzi gyeng'ine.

Yohana 16:23

Kandi ku lidiku yilyo si mu li teva inze likuva. Ligali, ligali, mmu volera, ni mu saala kindu ku Dada, a la mu ha ku lieta lyange.

Yohana 16:26

Ku lidiku yilyo mu li saala ku lieta lyange: kandi si mmu volera, nda teva Dada kigira mwinye;

Yohana 17:11

Inze si mbeye mu lirova kandi, navutswa yava va veye mu lirova, na inze ntsitsa ku ive. Dada Mutakatifu, u va linde ku lieta lilyo va wa mpa, va duke kuva kindu kilala kuli kwinye.

Yohana 17:26

na inze mmali kuvamannya lieta lilyo, kandi nda va mannya; ubuyanzi bwa wa nyanza nabwo bu duke kuva muvo, na inze muvo.

Yohana 17:7

Kalunu va manya vyosi vya wa mpa vya twula ku ive:

Yohana 6:56

Uyu u lia inyama yomubiri gwange nokunwa masahi gange a menya mu inze, kandi inze muye.

Varumi 16:7

Mu nchelidzire Anderoniko na Junia, aviko vange, kandi va veye vahambe halala ninze, ava manyekana ku vatumwa, ava li mu Kristo imbiri wange.

Varumi 8:1

Kunangwa kigira yaga kalunu si ha veye nelikalagirwa lidamano ku yavo ava veye mu Kristo Yesu, ava ta genda kuli liva lyomubiri, navutswa kuli liva lya Roho.

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

2 Vakorintho 12:2

Mmanya mundu mulala mu Kristo, gyi duki kalunu imihiga likumi na gyine (mbula ya li mu mubiri si mmanya; mbula ya li na a twula mu mubiri, si mmanya; Nyasaye a manya), yetsumbwa kuduka migulu lya kavaka.

2 Vakorintho 13:5

Mwehenze mwinye avene, ni mu va ni mu veye mu lisuuvira; mwegeridze mwinye avene. Naho si mu manya amakuva genyu avene, Yesu Kristo a veye mu mwi nve? Ni ga ta li mwa sulwa.

2 Vakorintho 5:17

Kunangwa ku vosi mundu na a veye mu Kristo a veye kilombe kihya: vindu vyosi vya kale vi viti, henza, vindu vyosi vi gwiye vihya.

2 Vakorintho 5:19

kuli Nyasaye ya li mu Kristo na a leta avomkivala kuhambana naye, si a validza lihyola lyavo kuvo, na a vika ku kwinye likuva lyokuhambannya.

Vagalatia 2:20

Nda bambwa halala na Kristo; kandi si a li inze mwene u veye mwoyo, ni Kristo u veye mwoyo mu inze: nelivamwoyo lya mbeye nalyo mu mubiri, yili mbeye nalyo mu lisuuvira li veye ku Mwana wa Nyasaye, wa yanza inze, kandi yehaana kigira inze.

Vafeso 2:10

Kigira kwinye ku veye miyinzi gyigye, kwa lomberwa mu Kristo Yesu ku duke kukola miyinzi milahi, gya Nyasaye ya tanga kulomba ku duke kugenda mugyo.

Vakolosai 1:19

Kigira Dada ya yanza ubudukiru bwosi bu ve mu uyu;

Vakolosai 1:27

Yavo ava Nyasaye ya li vanza kuvavuulira bwa li ubutugi bwobukumi bwobuvisi yibu mu Tsihiri, obu veye Kristo mu mwinye, a veye lisuuviridzwa lyobukumi.

Vakolosai 2:9

Kigira ubudukiru bwosi Obwanyasaye bu menya muye ku mubiri,

1 Yohana 4:12

Si ha li nomundu wa lola Nyasaye tsinyinga tsyosi: kwinye ni ku yanzana, Nyasaye a menya mu kwinye, nobuyanzi bwibwe bu dukidzeywi mu kwinye.