Yohana 14:19 - KITABU KITAKATIFU

¹⁹ I tigaye inyinga inkekeke, avomkivala si va li ndola kandi; navutswa mwinye mu ndolanga: kigira inze mbeye mwoyo, kandi mwinye mu la va mwoyo.

Yohana 14:19 ပူးပေါင်းရင်းမြစ်များ

Yohana 11:25

Yesu ya mu volera, Inze mbeye lisimuguka, kandi mbeye livamwoyo: u suuvira inze, kaliva na a kudza, a la va mwoyo;

Yohana 12:35

Kunangwa Yesu ya va volera, Ha tigaye hakekeke ubulavu bu veye ku mwinye. Gendi lwa mu veye nobulavu, kisundi ki ta mu nyola: kandi uyu u genda mu kisundi si a manya wa a tsitsa.

Yohana 13:33

M winye avana, ha tigaye hakekeke ni mbeye halala na mwinye. Mu la nyenya: kandi kuli aga nda volera Avayuda, Wa ntsia inze, mwinye si mu nyala kuduka; inze kalunu mmu volera kuli ndiyo.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 16:16

Ha tigaye hakekeke si mu la ndola kandi; na kandi ha tigaye hakekeke kandi, na mwinye mu la ndola.

Yohana 16:22

Kandi mwinye kalunu mu veye nobuvereri: navutswa nda mu lola kandi, ne myoyo gyenyu gyi la yanza, nobuyanzi bwenyu mundu si a nyala kumunyaga.

Yohana 6:40

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

Yohana 7:33

Kigira yaga Yesu ya vola, ha tigaye hakekeke ni mbeye na mwinye, kandi nda tsia ku uyu wa ntuma.

Yohana 8:21

Ku, ya va volera kandi, Inze ntsitsa, na mwinye mu la nyenya, kandi mu la kudzera mu bwoni bwenyu: wa ntsia, mwinye si mu nyala kuduka.

Vikolwa 10:41

si ya mu lolekidza ku vandu vosi navutswa ku valolekidzi ava Nyasaye ya tanga kutovola, ku kwinye, va kwa lagira ni ku nwa naye inyima yelisimuguka lilye kutwula mu vakudzi.

Varumi 5:10

Kigira ni i va lwa kwa li avasigu, kwa hambanywa na Nyasaye ku likudza lyo Mwana wewe, ligali kuvita, ni ku mali kuhambanywa ndi, ku la honnyirwa mu livamwoyo lilye.

Varumi 8:34

uyu ni bwaha u kalaga likalaga lyobwoni? Ni Kristo Yesu wa kudza, yee ligali, uyu wa simugukidzwa kutwula mu vakudzu, u veye ha mukono mulungi gwa Nyasaye, kandi niye u ku saaliranga.

1 Vakorintho 15:20

Navutswa kalunu Kristo u mali kusimuguka kutwula mu vakudzu, ubuhya bwa yavo ava gonanga.

1 Vakorintho 15:45

Kandi ndiyo ga ng'odwa, Mundu wembiri Adamu ya gwa mwika gwelivamwoyo. Adamu wenyima ya gwa roho gu haana livamwoyo.

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.

Likunula 20:4

Kandi nda lola tsintebe, navo avikala kutsyo, va hebwa likalaga; kandi nda lola myoyo gya yavo ava kalagwa mitwe kigira lilolekidza lya Yesu, kandi kigira likuva lya Nyasaye, kandi gya yavo ava vula kusigamira inyama, kinga kifwananyi kikye, kandi va vula kuvugula kyokumanyirwa mu bweni bwavo, kinga mu makono gavo; navo va veye mwoyo, nokwameha halala na Kristo mihiga elfu.