Yohana 14:18 - KITABU KITAKATIFU

¹⁸ Si ndi mu leka avabisandu: ndadza ku mwinye.

Yohana 14:18 ပူးပေါင်းရင်းမြစ်များ

Zaburi 101:2

Inze nda kola agobugeeri ku inzira yobudukiru: Inyinga ki u lidza ku inze? Nda genda nomwoyo mudukiru mu inyumba yange.

Zaburi 23:4

Yee, ni mbe kugenda mu kivanda kyekiriri kyelikudza, Si nda tia kivi; kigira u veye ninze halala; Impimbo yoyo na lusala lulwo tsi nkiring'annya.

Isaya 43:1

Navutswa kalunu Yahova wa ku lomba, ive Yakobo, naye wa ku longa, ive Israeli, a vola ndi: U ta tia mba, kigira mmali kukutungira; nku langi nelieta lilyo, u veye wange.

Isaya 51:12

Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

Lisyoma lya Jeremia 5:3

Ku veye avabisandu, ava ta li na vadada; Avamama vetu va veye kuli avakunzakali.

Hosea 14:3

Asuria si ki la ku honnya mba; si ku la nina ku tsiparasi; kandi si ku la volera miyinzi gyamakono getu, Mwinye mu ueye vanyasaye vetu; kigira avabisandu va nyolanga tsimbabasi ku ive.

Hosea 6:3

Hene yaho ku la manya, ni ku va ni ku londerera kumanya Yahova: litwula lilye li veye lyeligali kuli mugamba; naye a ladza ku kwinye kuli imbula, kuli imbula yamadzi mavovo i kupanga ku lirova.

Matayo 18:20

Kigira ha vaviri va vugani kinga vavaka ku lieta lyange, inze mbeye hagati havo.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Yohana 14:16

Kandi inze nda saava Dada, naye a la mu ha Muko nyi wundi, a ve na mwinye halala mihiga nemihiga.

Yohana 14:3

Kandi ni mba ni ntsia kumulombera ubugono, nzidza kandi, kandi nda mwingiridza inze mwene; ha mbeye inze, mwinye kandi mu ve ho.

Yohana 16:16

Ha tigaye hakekeke si mu la ndola kandi; na kandi ha tigaye hakekeke kandi, na mwinye mu la ndola.

Yohana 16:33

Yaga mmali kumuvolera, mu duke kuva nemirembe ku inze. Mu lirova mu la va nekivi: navutswa mwidinyiridze; inze mmali kuguuta avomkivala.

2 Vatesalonike 2:16

Kalunu Mwami wetu Yesu Kristo mwene, na Nyasaye Dada wetu wa ku yanza na a ku ha kilema mwoyo kyemihiga nemihiga nelisuuvira lilahi mu tsimbabasi,

Vahebraina 2:18

Kigira mwene u saliye mu ligeridzwa, a veye netsingulu kukonya yava nva geridzwa.