Yohana 14:17 - KITABU KITAKATIFU

¹⁷ Naye ni Roho wa geligali, wavomkivala va ta nyala kumuvugula; kigira si va mu lola, kandi si va mu manya: mwinye mu mu manya; kigira a menya na mwinye, naye a la va mu mwinye.

Yohana 14:17 ပူးပေါင်းရင်းမြစ်များ

Tsing'ano 14:10

Mwoyo gu manyanga ubululu bwagwo gwene; Na mugeni si yivika mu ubuyanzi bwagwo.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 59:21

Mu makuva gange, lilagana lyange halala navo ni yili, Yahova a vola: Roho wange u veye ku ive, na makuva gange ga mbiki mu munwa gugwo, si ga la twula mu munwa gugwo mba, kinga mu munwa gwekisukululwi kikyo, kinga mu munwa gwevisoni vivyo, Yahova a vola, kutwula kalunu kuduka mihiga nemihiga.

Ezekieli 36:27

Na nda vika Roho wange mu mwinye, na nda mu gendidza mu amalago gange, na mu la gumira miima gyange nokugyikola.

Matayo 10:20

Kigira si mu li mwinye mu vola, navutswa Roho wa Dada wenyu a vola mu mwinye.

Yohana 14:16

Kandi inze nda saava Dada, naye a la mu ha Muko nyi wundi, a ve na mwinye halala mihiga nemihiga.

Yohana 14:23

Yesu ya tivula, na a mu volera, Mundu na a nyanza, a la gumira likuva lyange: na Dada wange a la mu yanza kwinye ku ladza kuye, na ku la, menya naye.

Yohana 15:26

Navutswa lwa a li duka Mukonyi, wa ndi tuma kutwula ku Dada, naye niye Roho wa geligali u twula ku Dada, a li ndolekidza:

Yohana 16:13

Navutswa lwa a li duka Roho wa geligali, a la mwimirira na a mu hile mu ageligali gosi: kigira si a li vola ku vyomwene; navutswa aga a li hulira a la vola: kandi vindu vi lidza a la mu vuulira.

Yohana 6:40

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

1 Vakorintho 14:15

Kunangwa ni kindu ki? Nda saala na roho, nda saala nobugeeri kandi: ndimba na ro ho, kandi ndimba nobugeeri.

1 Vakorintho 2:14

Mundu wolugano lwo mubiri si ya vugula vindu vya Roho wa Nyasaye: kigira vi veye ubusiru kuye; naye si ya nyala kuvimanya, kigira vi manyekana ku roho.

1 Vakorintho 3:16

Si mu manya mu veye litempeli lya Nyasaye, kandi Roho wa Nyasaye a menya mu mwinye?

1 Vakorintho 6:19

Naho si mu manya mubiri gu veye litempeli lya Roho Mutakatifu u veye mu mwinye, wa mu veye naye kutwula ku Nyasaye? Kandi mibiri si gyi veye gyenyu;

2 Vakorintho 13:5

Mwehenze mwinye avene, ni mu va ni mu veye mu lisuuvira; mwegeridze mwinye avene. Naho si mu manya amakuva genyu avene, Yesu Kristo a veye mu mwi nve? Ni ga ta li mwa sulwa.

2 Vakorintho 6:16

Kandi litempeli lya Nyasaye li veye nobuhambani ki nemisambwa? Kigira kwinye ku veye litempeli lya Nyasaye welivamwoyo; kuli Nyasaye ya vola, Nda menya muvo, kandi nda genda muvo; kandi nda va Nyasaye wavo, navo va la va avandu vange.

Vagalatia 4:6

Kandi kigira mu veye avana, Nyasaye ya tuma Roho wo Mwana wewe yingire mu myoyo gyetu nokulira, Abba, Dada.

Vafeso 2:22

kandi muye mwinye mwombakeywi halala na avandi mu ve ubumenyi bwa Nyasaye mu Roho.

Vafeso 3:17

Kristo a duke kumenya mu myoyo gyenyu kigira lisuuvira; kuduka mu mali kuva nemiri nomuse mu buyanzi,

Vakolosai 1:27

Yavo ava Nyasaye ya li vanza kuvavuulira bwa li ubutugi bwobukumi bwobuvisi yibu mu Tsihiri, obu veye Kristo mu mwinye, a veye lisuuviridzwa lyobukumi.

2 Timoteo 1:14

Kindu kilahi kya vikwa ku ive kulinda, u ki linde netsingulu tsya Roho Mutakatifu u menya mu kwinye.

1 Yohana 2:27

Navutswa mwinye, livaka lya mwa nyola kuye li menya mu mwinye, kandi si mwenya mundu kali mulala kumwegidza; navutswa kuli livaka lilye li mwegidza ku vindu vyosi, kandi li veye lyeligali, kandi si li veye lyobubehi, kandi kuli wa lya mwegidza mu menya muye.

1 Yohana 3:24

Kandi u gumira amalago gege a menyanga muye, naye muye. Ku yaga ku manya u menyanga mu kwinye, ku Roho wa ya ku ha.

1 Yohana 4:4

Mwinye mu veye ava twula ku Nyasaye, avana vakekeke vange, kandi mwa va guuta: kigira u veye mu mwinye, a veye munene kuvita u veye mu avomkivala.

1 Yohana 4:6

Kwinye ku veye ava twula ku Nyasaye: u manya Nyasaye a ku hulira; u ta twula ku Nyasaye, si a ku hulira. Ku yaga ku manya Roho weligali na roho gwokugada.

1 Yohana 5:7

Kigira vavaka va ve avelolekidzi migulu, Dada ne Inkuva na Roho Mutakatifu, na yavo vavaka va veye mulala.

Likunula 2:17

Uyu u veye nogutu, a hulire likuva lya Roho a voleranga mavugano. Uyu u guutanga nda mu ha mana i viseywi, kandi nda mu ha ligina lilavu, li ng'odeywi ku lieta lihya, lya u vula ho mundu u manyi, na a ta li uyu u hebeywi.