Yohana 14:10 - KITABU KITAKATIFU

¹⁰ Si u suuvira inze mbeye mu Dada, na Dada a veye mu inze? Amakuva ga mmu volera si nga vola inze mwene: navu tswa Dada a veye mu inze a kolanga miyinzi gyigye.

Yohana 14:10 ပူးပေါင်းရင်းမြစ်များ

Yohana 10:30

Inze na Dada ku veye kindu kilala.

Yohana 10:38

Navutswa ni mba ni nkola, kali mu vula kunsuuvira, mu suuvire miyinzi, mu duke kuhulira nokumanya, Dada a veye mu inze, na inze mu Dada.

Yohana 11:26

ku vosi u veye mwoyo na a suuvira inze si a li kudza mihiga nemihiga. U suuviye yaga?

Yohana 12:49

Kigira inze si nda vola aga twula ku inze mwene; navutswa Dada wa ntuma ya mpa lilaga, lya mbola nelya nzilwadza.

Yohana 14:11

Mu suuvire inze mbeye mu Dada, na Dada a veye mu inze: kinga mu suuvire inze kigira miyinzi gyeng'ine.

Yohana 14:20

Ku lidiku yilyo mu la manya, inze mbeye mu Dada wange, na mwinye mu veye mu inze, na inze mbeye mu mwinye.

Yohana 14:24

U ta nyanza si a gumira amakuva gange: kandi likuva lya mu huliranga si li veye lyange, navutswa ni lya Dada wa ntuma.

Yohana 17:8

kigira amakuva ga wa mpa, inze mali kuvaha; navo va ga vugula, kandi va manya ligali nda twula ku ive, kandi va suuvira ni ive wa ntuma.

Yohana 3:2

Ya tsia ku Yesu ubudiku na a mu volera, Rabi, ku manya ive u veye mwegidzi wa twula ku Nyasaye; kigira si ha li nomundu u nyala kukola vilolekidzu yivi vya u kolanga, Nyasaye na a ta li halala naye.

Yohana 5:17

Navutswa Yesu ya va tivulira, Dada wange kali kuduka kalunu a kola miyinzi, na inze nkola miyinzi.

Yohana 5:19

Kigira yaga Yesu ya tivula na a va volera, Ligali, ligali, mmu volera, Mwana si a nyala kukola kindu mwene, navutswa vya a lola Dada a kolanga: kigira ku vindu vyosi vya a kola, yivi kandi Mwana a kola ndiyo.

Yohana 7:16

Kigira yaga Yesu ya va tivulira, na a vola, Me gidzo gange si ga veye gange, navutswa ga uyu wa ntuma.

Yohana 8:28

Kigira yaga Yesu ya va volera, Lwa mu li ginga Mwana wa Adamu, nilwo lwa mu li manya inze niye, kandi si nkola kindu mwene, navutswa mbola vindu yivi kuli wa Dada ya nzegidza.

Yohana 8:38

Mbolanga aga nda lola ku Dada wange: na mwinye kandi mu kola ga mwa hulira ku dada wenyu.

Yohana 8:40

Navutswa mwinye mwenya kunziita, mundu wa mu volera ageligali aga nda hulira ku Nyasaye: yaga Abrahamu si ya kola.

Vikolwa 10:38

Yesu wa Nazareti kuli Nyasaye ya mu vaka Roho Mutakatifu netsingulu: wa vodonkana na a kola bulahi, na a honnya vosi ava Setani a legerera, kigira Nyasaye ya li halala naye.

2 Vakorintho 5:19

kuli Nyasaye ya li mu Kristo na a leta avomkivala kuhambana naye, si a validza lihyola lyavo kuvo, na a vika ku kwinye likuva lyokuhambannya.

Vakolosai 1:19

Kigira Dada ya yanza ubudukiru bwosi bu ve mu uyu;

Vakolosai 2:9

Kigira ubudukiru bwosi Obwanyasaye bu menya muye ku mubiri,

1 Yohana 5:7

Kigira vavaka va ve avelolekidzi migulu, Dada ne Inkuva na Roho Mutakatifu, na yavo vavaka va veye mulala.