Yohana 13:34 - KITABU KITAKATIFU

³⁴ Lilaga lihya mmu laga, nayo ni yili, Mu yanzane; kuli wa inze mmu yanza, kandi mwinye mu yanzane ndiyo.

Yohana 13:34 ပူးပေါင်းရင်းမြစ်များ

Zaburi 119:63

Mbeye wakye ku vosi ava ku tidzanga, Na ku yavo ava gumira amegidzo gogo.

Zaburi 16:3

Na ku avatakatifu ava veye mu lirova, Va veye avalahi, avobuyanzi bwange bwosi bu veye muvo.

Kyavalevi 19:18

U ta vanza kisalya, kandi u ta va nobusigu ku avana va avandu vovo; navutswa u la yanza mutende wowo kuli weyanza: inze mbeye Yahova.

Kyavalevi 19:34

Umgeni u menyanga halala na mwinye a la va ku mwinye kuli wivulwa iwenyu, na u la mu yanza kuli weyanza; kigira mwa li avamenya mu kivala kya Egepeti: inze mbeye Yahova Nyasaye wenyu.

Matayo 5:44

navutswa inze mmu volera, Mu yanze avasigu venyu, kandi mu saavire ava mu dambidza,

Yohana 15:17

Yivi mmu laga, mu duke kuyanzana.

Yohana 17:21

vosi va duke kuva kindu kilala; kuli ive, Dada, u veye mu inze, na inze mu ive, kandi navo va duke kuva mu kwinye: avomkivala va duke kusuuvira ive wa ntuma.

Varumi 12:10

Mu buyanzani bwenyu mu yanzane bulahi avene navene; mwimiridzane mu bukumi ku vakye venyu;

Varumi 13:10

Ubuyanzi si bu kola ubudamano ku mutende: kunangwa ubuyanzi bu veye kyokwizulitsira lilaga.

Varumi 13:8

Mu ta va neligovi lyomundu kali mulala, navutswa lyokuyanzana avene navene mu veye nalyo: kigira uyu u yanza wundi u mali kwizulitsa lilaga.

Vagalatia 5:22

Navutswa likuyu lya Roho li veye ubuyanzi, nobusangali, nemirembe, nobwikudziri, netsimbabasi, nobulungi, nobusuuvirifu,

Vagalatia 5:6

Kigira mu Kristo Yesu likevwa si li konya kindu, kinga livula kukevwa; navutswa lisuuvira li kolanga miyinzi kigira ubuyanzi.

Vagalatia 6:10

Kunangwa inyinga ku va nobwiyangu, ku kole bulahi ku vandu vosi, kandi ligali ku viko velisuuvira.

Vagalatia 6:2

Mu konyane ku maliduhu mundu sa mulala nowakye, na ndiyo mu la dukidza miima gya Kristo.

Vafeso 5:2

kandi mu gende mu buyanzi, kuli Kristo kandi ya mu yanza, na a haana livamwoyo lilye kigira kwinye, kihaanwa nesadaka ya Nyasaye i veye mwayu gwelifunya lilahi.

Vakolosai 1:4

lwa kwa hulira lisuuvira lyenyu mu Kristo Yesu, nobuyanzi bwenyu bwa mu veye nabwo ku vatakatifu vosi

1 Vatesalonike 3:12

kandi Mwami a mu mede nokumukiridza mu buyanzi avene navene, noku vandu vosi, kuli wa kwinye ku veye ku mwinye;

2 Vatesalonike 1:3

Ga ku dukira kusantidza Nyasaye madiku gosi kigira mwinye, avamitu, kuli wa ga dukanga, kigira lisuuvira lyenyu li medekanga ligali, kandi ubuyanzi bwomundu sa mulala ku mwinye mwosi bwa a veye nabwo ku wakye, bu kiranga;

Vahebraina 13:1

Livanzana lya avamitu li menye.

Yakobo 2:8

Navutswa ni mu dukidza malago gobwami kuli mang'oda, U yanze mutende wowo kuli weyanza mwene, mu koli bulahi:

1 Petro 1:22

Kigira mu mali kwitakasa myoyo gyenyu mu lihulira ageligali, kuduka ku liyanza avamitu li ta li nobugadi, mu yanzane avene navene ligali mu mwoyo.

2 Petro 1:7

nomu litibwa lya Nyasaye lyenyu mu tese mu liyanza avamwavo; nomu liyanza avamwavo mu tese mu ubuyanzi.

1 Yohana 3:11

Kigira yaga namakuva aga mwa hulira kutwula mu litanga, kwinye nu bulahi ku yanzane:

1 Yohana 3:23

Yili ni lilaga lilye, ku suuvire lieta lyo Mwana wewe Yesu Kristo, kandi ku yanzane kwinye avene, kuli ya ku ha munwa.

1 Yohana 4:21

Kandi kwinye ku veye nelilaga yili li twula kuye, u yanza Nyasaye a yanze kandi amitu wewe.

2 Yohana 1:5

Kalunu mukali, nku saala, si ga li kigira nku ng'odeye lilaga lihya, navutswa lya kwa li nalyo kutwula mu litanga, ku yanzane avene navene.