Yohana 12:48 - KITABU KITAKATIFU

⁴⁸ Mundu u nyambakana, na a ta bugirira amakuva gange, a veye nomulala u mu kalagira: livola lya nda vola li la mu kalagira ku lidiku lyekiheri.

Yohana 12:48 ပူးပေါင်းရင်းမြစ်များ

Isaya 53:3

Ya legwa, navandu va mu sula; ya li mundu welivererera, ya manya ubuverereri ligali: kandi ya legwa kuli mulala wavandu va visa mmoni mwavo; na si kwa vola a veye kindu.

Matayo 10:15

Ligali mmu volera, Ubulahi bwekivala kya Sodoma nekya Gomora mu lidiku lyokukalaga bu la vita bwelidala yilyo.

Matayo 21:42

Yesu ya va volera, Si mwa soma mang'oda, Ligina lya vombaki vambakana, Yili lya duka kuva mutwe gwoiwiga; Yaga ga twula ku Mwami, Ga veye gokugennya mu tsimoni tsyetu?

Matayo 25:31

Navutswa inyinga Mwana wa Adamu a lidza mu bukumi bwibwe, netsingelosi vosi halala naye, hene yaho a likala ku intebe yobukumi bwibwe.

Marko 12:10

Si mu somi kali ling'oda yili: Ligina lya vombaki va suye, Yili lyene lya kolwa mutwe gwo lwiga

Marko 16:16

U suuvira na a batidzwe a la honnywa; u vula kusuuvira a la kyaywa.

Marko 8:31

Na a tanga kuvegidza vindu vinyingi, na a vola, Mwana wa Adamu, ga mu dukira kukupidzwa kivi kinene, kandi avakulundu, na vasalisi vanene, navang'odi va la mu lega nokumwiita, kandi inyima yama diku gavaka a la simuguka kandi.

Luka 10:16

U hulira mwinye, a hulira inze; kandi u sula mwinye, a sula inze; kandi u sula inze, a sula wa ntuma.

Luka 17:25

Navutswa agembiri ga mu dukira kugwi rwa vindu vinyingi, nokwambakanwa nelikula yili.

Luka 20:17

Navutswa ya va henza na a vola, Ni kindu ki yaga ga ng'odeywi: Ligina lyavombaki vambakana, Yili lya lombwa kuva mutwe gwolwiga?

Luka 7:30

Navutswa Avafarisayo navegidzi velilaga va hangala amakuva ga Nyasaye avene, va vula kubatidzwa nelibatidza lilye.

Luka 9:22

na a vola, Mwana wa Adamu ga mu dukira a saliridzwe vindu vinyingi, kandi avakulundu, navasalisi vanene, navang'odi va mwambakana, kandi yiitwe, nelidiku lya gavaka a simugukidzwe.

Luka 9:26

Kigira ku vosi u li mbera tsisoni na makuva gange, naye Mwana wa Adamu a la mu vera tsisoni lwa a lidza mu bukumi bwibwe mwene, nobwa Dada wewe, nobwe tsingelosi avatakatifu.

Yohana 11:24

Marita ya mu volera, Mmanya a la simuguka mu lisimuguka ku lidiku lyekiheri.

Yohana 5:45

Mu ta vola, inze nda mu yala wa Dada: mulala a veyo u mu yala, kali Musa, wa mu suuvira.

Yohana 6:39

Yibwo nibwo ubulaliri bwa uyu wa ntuma, ku vyosi vya ya mpa kindu kali kilala ki ta gota, navutswa nda ki simugukidza ku lidiku lyekiheri.

Yohana 8:47

U veye ku Nyasaye a hulira amakuva ga Nyasaye: mwinye si mu hulira kigira si mu veye ku Nyasaye.

Vikolwa 17:31

kigira u mali kulaga lidiku lyokukalagira avomkivala nobulungi, ku mundu wa ya tovola; naye ya ha vandu vosi kisuuviri kulyo kigira u mali kumusimugukidza mu vakudzi.

Vikolwa 3:23

Kandi ga la va, ku vandu vosi u li vula kuhulira muprofeti uyo a lononywa ligali a twulidzwe mu vandu.

Varumi 2:16

ku lidiku lya Nyasaye a li kalagira livisa lyavandu kuli ivangeli yange, mu Yesu Kristo.

2 Vakorintho 4:3

Navutswa ivangeli yetu ni i va ni i kunikeywi nobwasasu, i kunikeywi ku yava ava divanga:

2 Vatesalonike 1:8

a la va tunga kisalya ava vula kumanya Nyasaye, nokuvula kuhulira ivangeli yo Mwami wetu Yesu:

Vahebraina 10:25

ku ta leka livugana halala avene navene, ku ta va kuli miima gyavalala gyi veye, navutswa li ve litsuvana; kandi kukola kuvita ligali, inyinga mu lola lidiku yilyo lisunda himbi.

Vahebraina 12:25

Mu henze bulahi mu tambakana u volanga. Kigira ni va vula kuhona avambakana uyu wa va mannya mu lirova, nasindi kwinye ku la vula kuhona ni kwiyahula kuye u ku mannyanga kutwula migulu:

Vahebraina 2:3

kwinye ku la hona ndi ni ku va ni ku legeridza ubuhonnyi ubunene ndi? Bwo Mwami ya tanga kuvola, kandi bwa yava ava bu hulira va bu kola bwetsingulu ku kwinye;

Vahebraina 4:12

Kigira likuva lya Nyasaye li veye mwoyo, kandi li veye netsingulu, kandi li veye nobwogi kuvita kivavi kyobwogi ku vyosi tsimbega tsyombi, kandi li tumitanga kuduka kwavukannya mwoyo na roho, nevyungu nobuhaali, kandi li veye liyangu ukumanya tsiganagani nobulaliri bwomwoyo.

1 Petro 1:5

ava lindangwa netsingulu tsya Nyasaye, kigira lisuuvira kuduka ku buhonnyi, bwetegeki kulang'aminywa mu inyinga yekiheri.

2 Petro 3:3

mu litanga kumanya likuva yili, mu madiku gekiheri avekihenyahenye va ladza nekihenyahenye ava gendanga kuli likayirwa lyavo avene,

2 Petro 3:7

navutswa ligulu li veye ho kalunu, nelirova, kigira likuva zana li vikeywi kuduka mu muliru, li lindangwa kuduka ku lidiku lyelikalaga nokulidividzwa lyavandu ava vula kutia Nyasaye.

1 Samweli 10:19

navutswa mwinye lero mu suye Nyasaye wenyu, wa honnya mwinye mwene kumutwulidza mu kivi kyenyu kyosi nombuvereri bwenyu; na mu mu voleye, Auwa, navutswa wamehidze mwami ku kwinye. Kunangwa kalunu, mwevungidze avene imbiri wa Yahova kuli tsihiri tsyenyu, ne tsielfu tsyenyu.

1 Samweli 8:7

Na Yahova ya volera Samweli, U hulire mwoyo gwavandu yava mu gosi ga va ku volera; kigira si ga veye vambakananga ive mba, navutswa vambakananga inze, mbule kuva mwami kuvo.