Yohana 12:42 - KITABU KITAKATIFU

⁴² Halala na yaga, kali ku vanene vanyingi va mu suuvira; navutswa si va mwiyamira mba kigira Vafarisayo, gase va la kungwa mu livugana:

Yohana 12:42 ပူးပေါင်းရင်းမြစ်များ

Tsing'ano 29:25

Litia mundu li letanga mutego; Navutswa ku vosi u suuvira Yahova a veye nemirembe.

Isaya 51:7

Mu hulire inze, mwinye ava manya bulungi, mwinye avelilaga lyange li veye mu myoyo gyenyu; mu ta tia linyega lyavandu, kandi mu ta genya kigira kihenyahenye kyavo.

Isaya 57:11

Kandi u tiye ibwaha nokuva mu butii, na u luhe u veha, na u vula kwidzulitsa inze, kandi si wa vika mwoyo mu likuva yili? Inze si nkiring'ani tsinyinga tsinyingi, na ive wa vula kuntia?

Isaya 66:5

Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.

Jeremia 38:19

Ma Zedekia mwami ya volera Jeremia, Inze nda tia Avayuda ava tsia ku Vakalidei, gase va la mbika mmakono gavo, navo va la ndegannya.

Matayo 10:32

Uyu u nzi yamira imbiri wavandu, inze kandi nda mwiyamira imbiri wa Dada wange u veye migulu.

Luka 12:8

Kandi inze mmu volera, Vosi va mbugirira imbiri wavandu, yava Mwana wa Adamu a la va bugirira imbiri wetsingelosi va Nyasaye:

Luka 23:13

Kandi Pilatu ya vugannya avasalisi vanene navanene navandu,

Luka 6:22

Mu veye nobugasu, mwinye, avandu lwa va li mu dunyira, kandi lwa va li mwesigana, nokumunyega, nokuta lieta lyenyu kuli li veye lidamano, kigira Mwana wa Adamu.

Yohana 11:45

Kunangwa avanyingi ku Vayuda avadza halala na Maria ni va lola kya ya kola va mu suuvira.

Yohana 12:11

kigira vanyingi ku Vayuda va twula ni va suuvira Yesu, kigira uyu.

Yohana 16:2

Va la mu kunga mu mavugana: kandi isaa yidza ya vosi ava mwiita va levolera va kolera Nyasaye ubutumwa.

Yohana 19:38

Inyima ya yaga Yosefa wa Arimathia, wa li na a veye mwegidzwi wa Yesu, navutswa yevisa, kigira ya tia Vayuda, ya saava Pilatu munwa kuhila mubiri gwa Yesu: Pilatu ya mu ha munwa. Kunangwa yadza na a hila mubiri gwigwe.

Yohana 3:2

Ya tsia ku Yesu ubudiku na a mu volera, Rabi, ku manya ive u veye mwegidzi wa twula ku Nyasaye; kigira si ha li nomundu u nyala kukola vilolekidzu yivi vya u kolanga, Nyasaye na a ta li halala naye.

Yohana 7:13

Navutswa si ha veye nomundu wa vola kuye habulavu kigira va tia Vayuda.

Yohana 7:31

Navutswa vanyingi ku kiduma va mu suuvira; ni va vola, Kristo lwa a lidza, a la kola vilolekidzu kuvita vyomundu uyu a kola naho?

Yohana 9:22

Vindu yivi avivuli veve va vola kigira va tia Avayuda: kigira Avayuda va li ni va mali kulagana, mundu ni yeyama uyu ni Kristo, a kungwe mu livugana.

Yohana 9:34

Va tiwla ni va mu volera, Ive wivulwa mu bwoni ligali, kandi ive wegidza kwinye? Ni va mu kunga.

Vikolwa 5:41

Kunangwa va tsia ni ya twula mu kyina, ni va yanza kigira va validzwa kudukana nokuvikwa mu tsisoni kigira lieta yilye.

Varumi 10:10

Kigira mundu a suuvira nomwoyo a duke ku bulungi; ni yeyama nomunwa a duke ku buhonnyi.

1 Yohana 4:15

Ku vosi u lyeyama Yesu no Mwana wa Nyasaye, Nyasaye a menya muye, naye mu Nyasaye.

1 Yohana 4:2

Mu manya Roho wa Nyasaye ku yaga; ku gyosi roho gweyama Yesu Kristo u mali kuudza mu mubiri gu twula ku Nyasaye: