Yohana 12:34 - KITABU KITAKATIFU

³⁴ Kigira yaga kiduma kya mu tivulira Kwa hulira mu lilaga, Kristo a hindira mihiga nemihiga: na ive u vola ndi, Ga dukira Mwana wa Adamu a gingwe? Ni bwaha Mwana wa Adamu uyu?

Yohana 12:34 ပူးပေါင်းရင်းမြစ်များ

2 Samweli 7:13

Uyu a lombakira lieta lyange inyumba, na nda dinyeridza intebe yobwami bwibwe mihiga nemihiga.

Zaburi 110:4

Yahova yesuha, na si a leganira mba: Ive u veye musalisi mihiga nemihiga Ku lugano lwa Melikizedeki.

Zaburi 72:7

Mu madiku gege avalungi va la gasidzwa, Na mirembe minyingi kuduka mweli gu fweye.

Isaya 53:8

Nelidambidzanelikalagirwa vya mu twulidza; nomu likula lilye, ibwaha wa manya u twulidzeywi mu kivala kya va veye mwoyo, kigira mahyolo gavandu vange ava dukana neliduywa?

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Danyeli 7:14

Na ya hebwa ubwamehi, nobukumi, nobwami, avandu vosi, netsihiri, netsinimi va mu tumekire: ubwamehi bwibwe bu veye ubwamehi bwemihiga nemihiga, bu li vula kuvita, kandi ubwami bwibwe bu veye ubuarni bu li vula kudividzwa.

Danyeli 7:27

Na ubwami, na ubwamehi, na ubunene bwobwami isi weligulu lyosi, bu la hebwa avandu vavatakatifu va U Veye Igulu Ku Vyosi: ubwami bwi bwe bu veye ubwami bwemihiga ne mihiga, na ubwamehi bwosi bu la mu tumekira nokumuhulira.

Mika 4:7

na nda kola vasegeranga kuva litigala, na ava kungwa nda va kola kuva ihiri yetsingulu: na Yahova a lameha kuvo mu kigulu kya Zioni kutwula kalunu kuduka mihiga nemi higa.

Matayo 16:13

Yesu lwa yadza mu tsimbega tsya Kaisaria Filipi, ya teva avegidzwi veve na a vola, Avandu va vola Mwana wa Adamu a veye ibwaha?

Matayo 21:10

Lwa ya mala kwingira Yerusalemi, lidala lyosi lya vukidzwa, ni va vola, Ibwaha uyu?

Matayo 8:20

Yesu ya mbolera, Vibwe vi veye nebogo, na manyonyi ge igulu ga veye netsinyumba; navutswa Mwana wa Adamu si a veye na ha kugona mba.

Yohana 10:34

Yesu ya va tivulira, Si ga ng'odwa mu lilaga lyenyu, Inze nda vola, Mwinye mu veye avanyasaye?

Yohana 12:32

Kandi inze, ni ngingwa igulu welirova, nda ng'usa avandu vosi vadze ku inze.

Yohana 15:25

Navutswa yaga ga kolwa li duke kudukidzwa likuva lya ng'odwa mu lilaga lyavo, Va ndunyira bugira kivune.

Yohana 8:28

Kigira yaga Yesu ya va volera, Lwa mu li ginga Mwana wa Adamu, nilwo lwa mu li manya inze niye, kandi si nkola kindu mwene, navutswa mbola vindu yivi kuli wa Dada ya nzegidza.

Varumi 3:19

Kalunu ku manya gosi agelilaga lya vola, lya volera yavo ava veye mu lilaga; minwa gyosi gyi kunikwe, nelirova lyosi li letwe mu likalaga lya Nyasaye:

Varumi 5:18

Kunangwa kuli likalagirwa lya duka ku vandu vosi li twula ku lihyola lilala ukuduka ku likalagirwa kivi; kandi ndiyo ku likola lilala lyobulungi kihaanwa kya duka ku vandu vosi kya luha kya duka kuleta ubulungi bwelivamwoyo.

Vahebraina 7:24

navutswa uyu, kigira a hindiranga mihiga nemihiga, a veye nobusalisi bwibwe bu ta girunkanywa.