Yohana 12:32 - KITABU KITAKATIFU

³² Kandi inze, ni ngingwa igulu welirova, nda ng'usa avandu vosi vadze ku inze.

Yohana 12:32 ပူးပေါင်းရင်းမြစ်များ

2 Samweli 18:9

Na Abisalom ya vugana navatumekiri va Daudi. Na Abisalom ya nina ku inyumbu yeye, nenyumbu ya vita isi wetsisya tsinene tsyomusala munene, nomutwe gwigwe gwa handa mmusala, na a gingwa igulu hagati he ligulu nekivala, nenyumbu ya twula isi wewe, ni i tsia imbiri.

Lwimbu lwa Solomoni 1:4

U nkwese; na ku la ku londa: tsimbiru inyima wowo: Mwami u ndeti mu tsinyumba tsitsye; Ku la yanza nokusangala ligali ku ive; Ku la twulidza makuva gobuyanzi bubwo kuvita makuva gewaini: Liyanza lya va ku yanza ni lilungi.

Isaya 11:10

Ga la va ku lidiku yilyo, kitinya kya Jesse, ki singiranga kuva kilolekidzu kyavandu, tsihiri tsi la tsia ku uyu; na hokusosa hehe ha la va ho ubukumi.

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Hosea 11:4

Nda va kwesa nemigoye gyomundu, mu liboha lyobuyanzi; na nda li kuvo kuli yavo ava twulidza inira ku tsisaya tsyavo; na nda vika vyokulia imbiri wavo.

Livalidza 21:9

Na Musa ya lomba inzoka yomugasa, na a gi vika ku musala: na ga duka, inzoka ni i va ni i luma mundu ku vosi, lwa henza ku inzoka yomugasa zana, ma a va mwoyo.

Yohana 1:7

Uyu yadza ku lilolekidza, a lolekidze ubulavu yibu, vosi va duke kusuuvira kigira niye.

Yohana 12:34

Kigira yaga kiduma kya mu tivulira Kwa hulira mu lilaga, Kristo a hindira mihiga nemihiga: na ive u vola ndi, Ga dukira Mwana wa Adamu a gingwe? Ni bwaha Mwana wa Adamu uyu?

Yohana 18:32

Li duke kuduka likuva lya Yesu ya vola, na a mannya ni likudza ki lya a li kudza.

Yohana 19:17

Ku, va gumira Yesu: mwene ya ginga musalaba gwigwe na a twula, na a tsia ha langwa kihanga, ha zana mu Luhebraina, ha langwa Golgota.

Yohana 3:14

Kandi kuli Musa ya ginga inzoka mwigendanyama, kandi Mwana wa Adamu a la gingwa ndiyo;

Yohana 6:44

Si ha veye nomundu u nyala kuudza ku inze vutswa, wa Dada wa ntuma a ta ng'usa: kandi inze nda mu simugukidza ku lidiku lyekiheri.

Yohana 8:28

Kigira yaga Yesu ya va volera, Lwa mu li ginga Mwana wa Adamu, nilwo lwa mu li manya inze niye, kandi si nkola kindu mwene, navutswa mbola vindu yivi kuli wa Dada ya nzegidza.

Vagalatia 3:13

Kristo ya ku honnya mu vilaamu vyelilaga inyinga ya laamwa kigira kwinye; kigira ga ng'odwa, Ku vosi u sungangwa ku musala u laameywi:

1 Timoteo 2:6

wehaana a ve mutungu gwa vosi; lilolekidza li letangwa mu tsinyinga tsyalyo;

Vahebraina 2:9

Navutswa ku lola Yesu, uyu w a kolwa mugeheru inyinga inkekeke ku tsingelosi, kigira ubusaliri bwelikudza, u vikeywi itaji yobukumi neyelidzominywa, ku tsimbabasi tsya Nyasaye a duke kutsatsama likudza kigira avandu vosi.

1 Petro 2:24

Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.

1 Petro 3:18

Kigira Kristo kandi ya salira kigira ubwoni inyinga indala, mulungi ya salirira ava ta li avalungi, a duke kukuleta ku Nyasaye; wiiteywi ku mubiri, nokukolwa mwoyo ku roho.

1 Yohana 2:2

a veve kyowisayasayira ku bwoni bwetu; kandi si a veye ku bwoni bwetu bweng'ine, navutswa kandi ku bwoni bwavomkivala vosi.

Likunula 5:9

Kandi vimba lwimbo luhya, ni va vola, U dukani kuvugula kitabu nokuboholola mihuri gyakyo: kigira wiitwa, nokugulira Nyasaye namasahi gogo avandu ku luhya lwosi, noku tsinimi tsyosi, noku vandu vosi, noku tsihiri tsyosi,