Yohana 12:17 - KITABU KITAKATIFU

¹⁷ Kigira yaga kiduma kya mu londa lwa ya langa Lazaro mu kilindwa, na a mu simugukidza kutwula mu vakudzi, kya lolekidza.

Yohana 12:17 ပူးပေါင်းရင်းမြစ်များ

Yohana 1:19

Kandi yili ni lilolekidza lya Yohana, inyinga Avayuda va tuma avasalisi na Valevi va twula Yerusalemi kumuteva, Ive ni bwaha?

Yohana 1:32

Yohana ya lolekidza, na a vola, Ndoli Roho yika kuli likuulu li twula migulu; kandi va menya kuye.

Yohana 1:34

Na inze mmali kulola, kandi mmali kulolekidza a veye Mwana wa Nyasaye.

Yohana 11:31

Kunangwa Avayuda va li halala naye mu inyumba, ava mu leminya mu mwoyo, lwa va lola Maria na a singira na a twula bwangu, va mu londa, va vola a tsitsa kulirira ha kilindwa.

Yohana 11:42

Kandi nda manya u mbulira madiku gosi: navutswa kigira kiduma ki singira ku inyasi, nda ga vola, va duke kusuuvira nkani nive wa ntuma.

Yohana 12:9

Kunangwa kiduma kya Vayuda va duka kumanya a veyo: ni vadza, navutswa si vadza kigira Yesu yeng'ine, navutswa kandi va duke kulola Lazaro wa ya simugukidza kutwula mu vakudzi.

Yohana 19:35

Naye wa lola u mali kulolekidza, kandi lilolekidza lilye li veye lyeligali: naye a manya aga a vola ga veye geligali, mwinye mu duke kusuuvira.

Yohana 21:24

Uyu niye mwegidzwi u lolekidza vindu yivi, kandi ya ng'oda vindu yivi: kandi ku manya lilolekidza lilye na geligali.

Vikolwa 1:22

kutwula ku libatidza lya Yohana, kuduka inyinga ya yingiridzwa migulu kutwula ku kwinye nu bulahi mulala a veye mulolekidzi welisimuguka lilye, halala na kwinye

Vikolwa 5:32

Kandi kwinye ku veye avaloli vamakuva yaga; kandi ndiyo Roho Mutakatifu, wa Nyasaye a mali kuha ava mu hulira.

Likunula 1:2

wa lolekidza likuva lya Nyasaye, nelilolekidza lya Yesu Kristo, vindu vyosi vya ya lola.